Það er hlýtt úti. Er að hitta alla sem ég hef ekki hitt lengi og ræða málin, um heimsins gagn og nauðsynjar. Búið að slá túnin hér við skólann og graslyktina leggur yfir svæðið, mig langar í heyskap.

Sumar og sól, sumar og gól, sat hún þessi uppi á þaki og svimaði og kól. Ég er ósköp kát yfir því að eiga stóran bíl en ég væri samt mest til í að eiga Thailenskan fíl!!!! Ég er frjáls.

Próf eftir 70 mínútur aftaka,,gnísti tönnum og vill ekki vera stressuð en ræð ekki neitt við neitt, ég er frjáls klukkan 12:00. Allt framundan, sumarið úti í landi og veturinn í Kanada, þetta gæti ekki verið betra.

Kjaradómur hefur ákvarðað laun æðstu embættismanna ríkisins og hækka þau um allt að 19,3%. Grunnlaun forseta Íslands hækka þó ekki. Laun forsætisráðherra hækka mest, um 151 þúsund krónur eða um 19,3% og verða þau frá maí 871.000 krónur. Laun annarra ráðherra verða 785.669 krónur að meðtöldu þingfararkaupi sem verður 437.777 krónur. Hækka þau um 123 þúsund krónur eða um 18,4%

Ég er svo aldeilis hissa! Hvað hækka laun verkafólks um fá prósent%, þetta er svínarí, engin smá hækkun. Illugaskotta er ill og fúl yfir þessu,,,það er nú meiri geðvonskan í mér,hún er nú bara í mínum pælingum þessi geðvonska.

Nú er ég að verða 80 kg, það er met en er alltaf 74-75. Systkini mín fara út til Danmerkur þann 22. maí... Hugrún og Fannar eru að fara til útlanda í fyrsta skipti og hann Fannar er að fara í fyrsta skipti í flugvél og til útlanda. Æði, Stebbi frændi fer með þeim og mun hafa vit fyrir þeim, það verður nú fyndið....Hugrún hefur einu sinni áður farið í flugvél.

Bloggið er skrítið, þótt ég hefði viljað strika eitthvað út þá er það ekki hægt því það sést ekkert hér í skrifiríinu. Seinasta próf á morgun og þá byrjar allt.

Þýðir ekki að æsa sig yfir þessum úrslitum, allir á lífi og lífið er gott, enda var ég bara að grínast er hæst ánægð með að atkvæðið mitt rataði rétta leið og að allt verði í stöðugu ástandi og nú getur ríksstjórnin farið að standa við loforðin góðu og halda áfram með verkin sín. Sól og ég er hress og er farin heim. Það gekk vel í prófinu 10. maí en málið var að kúrsin sem ég var í var með endemun lélegur og ótrúlega illa kenndur.Svo í gær var einn þeirra eitthvað snúðugur við mig ég hélt bara vegna þess að ég og hann höfum aldrei verið sammála í vetur, nei hann var líka svona við hinar tvær sem ég þekki við vorum bara 8 í kúrsinum og annað er að við höldum og grunar að þeir séu búnir að fá kennslukönnun og umsögn um sjálfan sig áður en þeir gefa okkur einkunn.
Og nú er bleik brugðið!
Segi betur frá því hvernig þetta var og er allt saman.

Stöðugleikinn vann og stöðugt rugl mun halda áfram í íslensku stjórnkerfi og stjórnmálum. Þeir munu halda stöðugleika í því að hafa ræfla áfram ræfla, ríka mjög ríka og fátæka áfram fátæka,gera heilsugæsluna fyrir þá ríku og hampa sægreifum í kóngastólum. Smeðjan hann Sigurður Kári Kristjánsson fer óendalega í taugarnar á mér og hann komst inn, litli stuttbuxnastrákurinn hans Dabba!!! Slepjulegur og kjánalegur gaur sem manni finnst vera að drepast úr monnti og prumpi. Hvar endar þetta allt? Jú þetta enda með hörmungum þegar Dóri slóri er orðinn forsætisráðherra, þvílík hörmung engar breytinga er ávísun á fleiri hörmungar.
Til lukku fólk sem kaus stöðugleikann þið eruð fífl!!! Takk fyrir mig. Bless!!! og ég skelli á andlitið á þessu helvítis íhaldi.

Heill læknir af norðan náði í atkvæðið mitt og nú líður mér betur. Garnir mínar gaula eins og ljón í svelti, farin heim að éta ristað brauð með osti og kókó malt það er eitt af mínum uppáhöldum í matargerð sem er alltaf flókin og mikil á mínu ekta heimili, lesa í kvöld, sofa með bækurnar undir koddanum til þess að vitneskjan síst inn í heilann á mér í gegnum þykka hauskúpuna og svo brillera í prófinu í fyrramálið.

Það er búið að redda fari fyrir atkvæðið. Ég hugsa bara um bjór og aftur bjór og whisky.

Veit einhver um far fyrir lítið umslag sem inniheldur stórvægilegt atkvæði? Látið mig vita strax ef svo er, 8642294, far á Blönduós óskast fyrir eitt atkvæði.

Á morgun segi ég, það er próf á morgun. Ég kaus í fyrradag utankjörstaðar hjá Sýslumanni í Skógarhlíðinni, en er með atkvæðið mitt í bakpokanum. Er skráð á Blönduósi og á því að koma atkvæðinu mínu í póst. Hummm ætli ég geri það ekki í dag, ef ekki þá verður þetta hið týnda atkvæði sem mun verða leitað að á kosninganóttina. Meira lesi les og gali gal í dag.

Danir eru pönnukökusálir og við erum eldfjöll.

Þetta segir Fríða vinkona mín um Dani en hún hefur nú búið þarna í fimm ár.

Mesta hagél ævi minnar, var í morgun. Hagél er skemmtilegt, eitt haglið skoppaði upp í mig. Höglin skoppuðu í grasinu og gæsirnar stóðu upp og litu til himins á meðan högglin dundu á þeim, það var eins og þær væru að segja:" Já láttið það koma, við stöndumst högl eins og ekkert sé" og þarna stóðu þær og ég í um það bil 10 mín þær horfðu til himins en ég var að glápa á högglin sem skoppuðu á jörðinni. Loftárás!!!! Ég á bara nokkra cm í það að verða galin.

Í gær eftir mikla umhugsun sagði ég nei við einn vin minn um það að fara í drullupoll á hálendinu, hann sagði að ég væri hræðslukjói en breytti því svo í hræðslupúki, ja hvað fleira er ég eiginlega? Kjói eða púki? Ég nennti ekki í snjó, rigningu og bull, hálfan dag, högg í hægra framhjólinu sem gæti orðið dýrt spaug og svo er ég að læra fyrir próf. En langaði mikið, alveg eins og að langa til að opna pakka en mátt ekki því þú þarft að bíða en þú gætir alveg opnað pakkann en þá opnar þú hann á röngum tíma.

Á laugardaginn fór ég í bíó og heyrði fyndnar samræður hjá þremur gaurum um fertugt sem eru í x-d, sjálfstæðisflokkurinn var að bjóða í bíó í stóra salnum í Háskóla bíói. Þeir voru að tala um hvað það væri illa mætt í bíó hjá þeim og hvers vegna það væri nú. Þeir kenndu veðrinu um, að það væri of gott veður til þess að vera að fara í bíó. Svo fóru þeir að ræða það hvort þeir ættu að vera áfram að taka á móti fólki og beina því í bíó. Þá sagði einn þeirra: " Já við verðum að vera hérna ef svo vildi nú til að Davíð myndi koma, það væri nú slæmt að vera ekki hér þegar hann kemur". Dong!!!!! ehehehhehe, brjálæðislega fyndið...eins og þjónar sem vilja ekki svíkjast undan skyldum því húsbóndinn gæti komist af því og þá væru þeir ekki lengur í náðinni.....en ég fór ekki í bíó hjá þeim, enda voru þeir að sýna myndir sem allir eru búnir að sjá.

Ég vil að stjórnin falli, því ég er lítið fyrir stöðugleika, hann er tilbreytingarlaus og útreikanlegur. Keypti mér lúffur í dag í túristabúð sem er við hliðina á Búnaðarbankanum. Í þessari búð er nammi sem eru 10 krónur íslenskar maður étur þær, jurtalyf, gærur, hreindýraskinn sem kosta 7000 krónur stykkið og alls kyns ullar vara. Flott búð. Vindurinn er enn þá kaldur. Fór að sjá myndina "Gamla brýnið" á laugardaginn. Um búskaparhætta í Ófeigsfirði á Ströndum, áhugaverð mynd en hljóðið í henni var ekki nógu gott, stundum erfitt að heyra hvað hann Pétur var að segja, nánast alltaf viturlegt. Næsta mánudag verður einn dagur í frelsið.

Fór í sund í gær, því hausinn á mér sprakk undan lestri.
Ég er oft utan við mig en það í gær sló allt út sem Illugaskotta hefur gert þegar hún er utan við sig. Var á bílnum, hann er fullur af drasli t.d. allt geisladiska safnið mitt um það bil 50 diskar, föt, skór og annað nauðsynlegt konum eins og mér. Sem sagt skildi allt eftir í bílnum eins og símann, veskið, skólatöskuna sem inniheldur dagbókina mína=hugsanir og pælingar, bankabók og annað lífsnauðsynlegt dót. Sem sagt ég kom afslöppuð úr sundi gekk að bílnum mínum og vitið þið hvað!!!!!!! Hurðin stóð galopin. Helvíti og satann, það er búið að stela öllu af mér, hugsaði ég. Gekk með dúndrandi hjartslátt að rauð jú síminn var á milli sætanna, veskið var þarna, og bakpokinn með öllum sínum gersemenum. Sem sagt engu var stolið, skil þetta ekki og kannski er enn þá hægt að treysta samborgurum sínum. Kannski héldu þeir sem gengu fram hjá bílnum að hinn og þessi væri eigandi hans sem var að ganga að honum og látið sem ekkert væri. Fæ enn þá áfall þegar ég hugsa til þess ef allir mínir hlutir hefðu horfið.

Vá ég keyrði bens í gær sem er 330 hestöfl, sjálfskiptur, leðursæti og ótrúlegt pláss í honum. Ég fór á 220 kílómetra hraða á Reykjanesbrautinni með Bjarna bró mér við hlið. Það heyrðist ekki neitt í græjunni, hann bara rauk af stað og ég vildi keyra endalaust á þessum bíl. Kostar 2 1/2 milljón þessi bíll, árgerð 1991 og verður bráðum til sölu. Hann er æði, þegar ég verð stór þá ætla ég að eiga svona bíl ásamt stóra rauða skrímslinu mínu. Bjarni og Begga eru á leið til Danmerkur í dag en þau koma brátt aftur sögðu þau til að fylgjast með líðan Árna Jóns bróður hennar Berglindar, sem lennti í bílslysi fyrir um 3 vikum síðan og er allur að hressast en var í lífshættu í tæpar tvær vikur. Gott að allt er á betri leið.

1 stigs frost í dag, stutt í frelsið hjá mér og farðu nú að lesa fíflið þitt!!!!! ég sveimhuginn ég.

Það er óþarfi að týna hlutum en ég er alltaf að týna hlutum. Er sífellt að athuga áður en farið er út úr húsi hvort ég sé ekki með hina heilögu þrenningu á mér sem er: lyklar, veski og sími. En ég hef ekki týnt neinu úr hinni heilögu þrenningu einungis tveimur pörum af vettlingum sem eru mínir uppáhalds vettlingar og hef þess vegna lítið gert af því að hjóla, hendur frjósa hratt á hjóli. Lúffur og prjónaðir vettlingar, andskt kæruleysi. Mamma sagði að ég yrði að muna hvar ég léti hlutina frá mér en mér er það ekki mögulegt, hendi hinu og þessu út um allt!

Lóurnar eru út um allt þessa daganna hér við Háskólann, hjólaði fram hjá nokkrum heilalausum lóum og söng fyrir þær: Lóa litla lipurtá,,,,og þær hlupu í burt þegar ég söng.

Gluggaveður, þetta er fáranlegt. Allt á stopp þar til eftir 13. maí. Þá taka til hendinni, flytja í eitthvert skipti ekki neitt þannig séð bara í bílinn. Fer vestur á firði fyrri hluta sumars, norður og svo á hálendið. Þar verður mikið að gera sem er gott, svo til Kanada í haust og það verður enn þá skemmtilegra. Læt mig dreyma um allt það sem hægt verður að gera eftir 13. maí.

Mér er alveg sama. Krummi flýgur hér fram hjá mér, Háskólabíós krummi. Geisp. Fundur í gærkveldi til 24:00 hjá landvarðafélaginu. Vá loftfimleikar hrafna eru eitthvað sem fáir taka eftir.