Að sitja hátt uppi á priki eða ljósastaur langt fyrir ofan okkur öll hin fíflin er það sem krummar vilja gera. Einnig vilja þeir éta mikið, leika sér og leggja sig af og til, þá finnst þeim einkar gott að fá gogga og hausnudd. Illugaskotta er ekkert að rugla hérna, fylgist vel með þeim félögum Lærða og Glóa. Þeir eru skemmtilegar skringiskrúfur, sem ég get endalaust fylgst með.

Nú er ekki þurrkur, það er blautt úti. Tók til í herberginu mínu, það er afrek, og setti í þvottavél. Skipulagið er að koma aftur til mín. Laugardagur á morgun, 9. júlí. Það er há sumar.