Vá,,,þetta eru einar verstu og lengstu hugmyndafæðingarhríðir sem ég hef gengið í gegnum á ævi minni og er hún nú orðin löng. Sat hér í allan dag til klukkan 16:00, skrifaði rugl og varð pirraðri og pirraðri. Svo ákvað ég að þetta gengi ekki lengur, æddi út. Er búin að reyna við þessa ritgerðarbeinagrind í um það bil 3 vikur!!!! Djöfull og andskotar hans allir fari þeir og veri.

Fór í Blóðbankann og viti menn, ég fékk hjúkku sem stakk á æðina þannig að blóðið spýttist út í allar átti, dauði og djöfull. En hún var voða hress, sagði mér að hún stoppaði alltaf á kaffihúsinu á Blönduósi, því heimatilbúni ísinn þeirra væri sá besti sem hún hefði smakkað. Hún og vinkonur hennar taka alltaf smurt og með því með sér í ferðir út á land, en eftir að þær uppgötvuðu Árbakkann á Blönduósi, þá væru þær hættar því. Þetta var gaman að heyra. Loksins eitthvað jákvætt um bæinn minn.

Jæja, fékk mér kaffi með hinum blóðgjöfunum, eitthvað var ég skrítin vegna þess að ég var eiginlega ekkert búin að éta í dag. Fór í sund, og þá fór huxið af stað, þetta bara gengur ekki að skrifa um þetta efni sagði skynsemin við mig. Ég neitaði að hlusta á þessa andskotans skynsemi. Sat í pottinum eins og ljótur pottormur, og neitaði að fara upp úr. Svo komu sundæfingar krakkarnir ofan í pottinn, fór að tala við þau. 7 ára snillingar.

Stóð upp loksins eftir mikið hux, og þá bara leið næstum því yfir slækið!!!! Of mikill hiti, of lítið blóð, of mikið hugsað...þurfti að stoppa setja hausinn niður við jörð,,,auli, sturta, geðvonska og meiri geðvonska...ræddi þessi ritgerðarmál við klárann vin minn.

Bölvaði og ragnaði,ég væri hætt við þetta allt, ég myndi bara skrifa um þjóðgarða og þeirra kosti og vandamál. En leiðinlegt efni,,,,,,,,,,,,,,ég vil skrifa um pælingar fólks áður fyrr á umhverfinu og hvernig það fór af því að skilja allt hér áður fyrr í náttúrunni.

Þá kom hugmyndin loksins, hún fæddist þar sem ég öskraði af reiði inni í bíl í símann minn sem var að grilla á mér heilann!!!! Svona er þá að fæða barn. Ég er svo aldeilis hissa. Nú held ég áfram að hugsa án geðvonsku heldur með bjartsýni í hausnum.

Kom við í Subway og bullaði bara eitthvað við stelpurnar þar, ég er eins og hálfdrukkin manneskja, án 450 millilítra. Nú er ég farin að sofa í hausinn á mér.

Sendi hrafnasparkið mitt til Stranda Jóns,,,en hann má eyða því og henda því á hauganna.....Jón, ég er komin með þetta.

Klukkan er 15:00 og ég hef ekki stigið fæti út úr turninum mínum og rottu helvítið sefur værum blundi. Illugaskotta er komin með ægilega dynnti út af kaffinu sínu. Nú sem sagt er mjólkin hituð í potti og kaffið látið sjóða í könnu á hellunni. Þetta eru ógurlegar serimóníur sem kalla á rólegheit í eldhúsinu og það er svo gott.

Ég er að vinna í beinagrind ritgerðarinnar og stressast upp þegar ég sé alla vinnuna sem er fram undan, en það þýðir ekkert.

Rigningin lemur húsið að utan og ég tel regndropana sem voru einhvers staðar uppi á himninum áðan.

Smá fræðsla hérna um skagann fræga í Húnavatnssýslu.

Mikið var um selbúskap á Skaganum, því lítið sem ekkert jarðnæði er við ströndina en beitiland er gott á Skaganum sjálfum. Mörg þessara selja voru tekin til ábúðar þegar þrengdist um jarðnæði. Víða liggja selrústir við gönguleiðir og er vel þess virði að stoppa við og hugsa út í þær aðstæður sem fólk bjó við á þessum tímum. Veturinn 1881-1882 bjó í Hraunsseli einsetukona, Guðrún Ólafsdóttir að nafni. Fékkst hún nokkuð við að kenna börnum kristinfræði enda talin greind kona. Stuttu eftir hríðarveður 24. febrúar 1882 fannst Guðrún helfrosin, föst í eldhússtrompinum. Hugðu menn að Guðrún hefði farið út að gefa kindum sínum hey og notað strompinn sem útgönguleið, því fennt hafði fyrir útidyrnar. En er hún kom aftur frá því að gefa kindunum hafi strompurinn reynst of þröngur fyrir hana klökuga og fannbarða, og hún látið þar lífið.

Já ekki hress saga, en samt lítið brot af sögu þessa svæðis.

Ég ætla að gefa blóð í dag, synda og halda áfram að vinna. Góðar kveðjur til ykkar, og nei, það er leyndarmál hvar mér hefur verið boðin vinna. En tvær eru þó í útlöndum.

Mér bjóðast 4 vinnur næsta sumar!!! Þetta er erfitt og vandasamt val fyrir Illugaskottu. Útlönd eru þarna í tveimur tilboðum. Vandasamt er að velja lífsins braut þegar margt er í boði. Illugaskotta verður eins og vandlát hæna í innkaupaleiðangri. Jú ég ætti að velja þetta, en þá gerist þetta og það vill hún ekki. Humm hux og meiri pælingar og úthugsun.

Konur eru svona og kallar eru svona....ooooo, hvað ég er leið á þessari umræðu. Það er allt of mikið pælt í þessu hér á Íslandi. Þetta er núna í útvarpinu. Hvað með að segja: Fólk og persónuleikar eru mismunandi.

Gærdagurinn var með besta móti. Hitti frænfólk frá Danmörku, skellti mér í hárgreiðslu hjá hárgreiðslumeistaranum mínum og svo á opnun sýningar á Kjarvalsstöðum. Það var hin mesta skemmtun að sjá allt þetta fólk maður!!!! Hvaðan koma allar þessar listaspírur? Sýningin er fyndin og skemmtileg. Ég er ánægð með það að hafa unnið þarna við að setja þetta upp og vera persónuleg senditík fyrir Þórdísi vinkonu mína og listamann.

Spjallað margt mismunandi vitsmunalegt eins og alltaf, drukkið glas af hvítvíni og svo rak nú aldeilis stórann reka á fjörur Illugaskottu. Hún hitti þarna Skota nokkurn sem er að sýna þarna líka og hann var með Whisky á sér, malt whisky sem var svo gott að það var eins og maður væri að éta skoskan jarðveg og sögu þegar maður innbirti þennna lífsins vökva. Þetta bjargaði öllu.

Matur til hárgreiðslumeistarans og aðstoðarmanns hans. Og ekkert farið á djammið, nei, ágætist kvöld fyrir framan sjónvarpið ásamt góðu fólki.

Núna er gott skíðafæri en ég er farin að vinna í lokaverkefninu mínu, því hann Jón Strandamaður kom mér á sporið. Nú er hann farin norður og ég er hér með rottu helvítinu sem er hið besta skinn.

Það er eins og glugginn sé að koma inn eða út úr falsinu. Ég vaknaði við ógurleg læti hér í portinu, og gluggalæti. Klukkan er 524 um morgun.

Það var gaman í gær á safnafundinum. Það sem er megingalli flest allra safna á Íslandi er að það er allt of mikill texti á sýningum þeirra. Merkilegt, þetta grunaði mig nú fyrir en gott að fá staðfestingu á þessu frá gaur sem hefur farið um flest öll söfn Íslands.

Söfn þurfa að verða meira lifandi, fólk þarf að fá að koma við, lykta, hlusta og upplifa þannig. Einnig eru mörg söfn peningasvelt. Sýndar voru myndir frá hinum ýmsu söfnum, t.d. bara geymslu söfnum. En þar eru heilu haugarnir af gömlum hlutum hrúgað saman og litlar sem engar upplýsingar með þeim.

Fyrir hvern eru þessi söfn? Það vantar sérsýningar um atburði sem hafa ekki haft jákvæðar tilfinningar eða atburði í för með sér því það er líka sagan og þetta eru atburðir sem hafa átt sér stað.

Það þýðir ekkert að fjalla einungis um það sem hefur verið gott, fallegt, þjóðlegt og áhugavert. Það vantar að fjallað sé um sögur af hungri, vosbúð, sveitaómagar, hið leynda líf fólks, nasistar á Íslandi, morð á Íslandi, svik og prettir, lygar og djöfulskapur, framhjáhöld, brjóstarhöld,,,nei var að grínast með brjóstarhöld rímar bara saman,,,og fleiri svona dæmi, aftökur, aðbúnað fólks í fangelsum, framkoma við fanga á Íslandi og í Danmörku. Hvað varð um þá Íslendinga sem fóru í fangelsi í Danmörku eða á Íslandi???

Allt er þetta saga sem ber að miðla til þjóðarinnar. Ekki bara Hannes Hafstein og hans heimastjórn!!! Ekki er neitt spennandi við hann, eða það finnst mér ekki. Nema hann kaus sig sjálfur eins og stolltur kálfur.

Andvökur koma af stað pælingum. farin í bælið.

Bloggarar fara sjaldan yfir ósýnilegu línuna. Ég er þannig bloggari, var að blogga fyrir Fríðu vinkonu beint inn á spallrásina sem við vorum bara tvær inn á.

Bloggaði eins og ég væri til í að blogga. Hún flissaði og sagði að margir yrðu nú fúlir ef ég myndi blogga þannig. Það er að segja, segja sannleikann í lífi mínu. Hvað sé að gerast í raunveruleikanum og hvað ég sé að hugsa í dekkstu hornum hugar míns.

Ég vaknaði í morgun eftir þungan svefn, ætlaði aldrei að geta vaknað því það er svo gott að sofa með hríðina og vindinn lemjandi húsið/turninn að utan. Rottu helvítið svaf vel, ekki gaulaði hún neitt í morgun. Tók mig til í andlitinu. Bjó til arabískt kaffi, hitaði mjólk út í kaffið sem er hin mesta snilld.
Svo var sest fyrir framan vininn trausta/ tölvuna og byrjað að vinna.

Ég er frá á fæti í dag, mun skoppa um borgina í útréttingum. Enda minn dag á Mokka við skriftir í dagbókina mína, alvöru dagbók sem ég er að klára. Hugsanir, pælingar og myndir sem ég set í þá dagbók.

Jón Strandamaður og ég förum á fyrirlestur í kvöld kl 2030 ef einhver hefur áhuga,, hann er í Sögusundi,,,æji þarna í húsi Sögufélagsins í Fischersundi, þar á að vera fyrirlestur um sýningar, söfn. Hvað sé gott við söfn í dag og hvað slæmt, hvað sé hægt að gera til að gera söfn virkari, meira lifandi...held það allavegana. Þetta verður gaman.

Fara á opnun listasýningar á morgun á Kjarvalsstöðum og svo á Kapital um kvöldið á tónleika með Trabant. Hitta þar Láru kláru og hafa gaman af kvöldinu.

Samsærið er fundið! Það á ekki að fá Óla grís aftur sem forseta. Þess vegna er allt í háaloft. Þegar er verið að skemma fyrir forseta vorum. Eigi er þetta samsæri gott með öllu en því verðum við að taka eins og bestu þrælar og lyddur.
Því ekkert er hægt að sanna og allt eru þetta sæmsæriskenningar hinar bestu að mínu mati.

Ég er búin að vinna í dag. Hamaðist við að líma risa ljósmyndir inn í fataskáp.

Verslaði í matinn í Nettó það hef ég aldrei gert áður, en þvílíkt ódýrt miðað við ránbúðina hana Nóatún sem er í húsinu mínu.

Illugaskotta passar sig á því að horfa sem minnst á fréttir eða lesa hin íslensku blöð. Fréttir eru ritskoðaðar og hreinsaðar, fjölmiðlar vorir eru ekki marktækir lengur.

Hvernig getum við þá fengið rétta sín á þetta mjög svo litla þjóðfélag og hvar er hið sterka aðhald?

Afhverju eru ekki fjölmiðlar að garfa í því að vinna vel að rannsóknum á málum sem snerta heil samfélagins og koma svo fram með haldbærar sannanir sem krefja stjórnvöld eða aðra stjórnendur til þess að gera endurbætur á þeim málum sem eru að fara illa með alþýðu þessa lands? Sem krefja fram svör strax!!!!!

Þeir sem hafa völdin hafa þá ekkert í höndunum, þeir verða að svara.

DV er einn andskotans sori og leiðindar fréttamennska. Fréttablaðið er hið besta flettiblað, og Morgunblaðið er blátt í gegn og allt of hreinsað og ritskoðað,, orðið sem ég er að leita að er kallað,,,,já nú er heilinn botnfrosinn. Morgunblaðið er passasamt og afturhaldssamt. Þar kom það.

Fjölmiðlar eiga að vinna fyrir fólkið í landinu, draga fram mál og sannanir til þess að koma hlutunum í rétt horf. Fjölmiðlar eiga að vera pressan sem kemur þeim valdamiklu til þess að æða ekki eins hratt fram og þeir gera. En samt eru völdin þar sem þau eru. Ég er skák og mát með mínum pælingum. Farin að hrjóta með rottu helvítinu.

Illugaskottu finnst ógnar gaman að skrifa alvöru bréf. Handskrifuð bréf í dag eru núna kölluð alvöru bréf. Hefði maður sagt þetta fyrir svona 10 árum þá hefðu allir haldið að maður væri að tala bull. Þá voru aðallega til alvöru bréf en tölvupósturinn var að taka völdin.

Í alvörubréf er hægt að setja hluti sem hægt er að koma við, skoða, lykta af og t.d. hengja upp á vegg eða á sjálfan sig. Tölvubréfin eru sjáanleg hægt að prenta út en hönd skrifarans er falin bak við skjá. Tilfinningar, pælingar og skap skrifarans koma betur fram í alvöru bréfum.

Í dag skrifa ég enn þá bréf af og til, ég set oftast eitthvað með í umslagið frá þeim stað sem ég bý á. Mér finnst leiðinlegt hve fáir skrifa alvöru bréf í dag og vonandi fara ekki bréfsefna fyrirtæki á hausinn!

Það snjóar hér í borginni. Ég setti skíðinn á pallinn þegar ég var fyrir norðan, og kannski kem ég mér á skiði á morgun. Ég er komin aftur með kvef, ég er ekki að skilja þetta kvefrugl.

Bjó til kort yfir þau lönd sem ég hef farið til.

England, Frakkland, Skotland, Orkneyjar, Danmörk, Grænland, Thailand, Canada, Bandaríkin.



create your own visited country map
or write about it on the open travel guide

Góður vinnudagur. Endaði daginn á því að fara með þrjá íslenska hunda í göngutúr í hressandi roki uppi í sveit, það var gaman.

Hef ekkert annað að segja.

Illugaskotta viðurkennir að henni leiðist eitthvað sem hún veit ekki hvað er. Hef reynt að finna út hvað þetta er með öllum illum látum en ekkert gerist.

Kannski þarf þessi draugur að koma sér í burtu aftur frá þessu landi og hefja þar annað líf?

Skúlptúrar og aðrar furðuverur umkringja mig nú. Ég hoppa og skoppa hér um Kjarvalsstaði með áhugaverðu fólki og skringiskrúfum.

Veðrið er æði úti, mig langar í heita laug úti í óbyggðum ásamt góðum vinum. Er ekki á heimavelli hér í Reykjavík, er útlendingur hér. Stefnan er tekin norður sem fyrst.

Hef ekki velt miklu fyrir mér þessa daganna. Einungis byggist upp stress og spenna út af lokadæminu merkilega.

Á sunnudaginn gerðist sá merki atbuður að ég ældi í klósett í Mývatnssveit og þar með hvarf hugmyndin af ritgerðinni. Ekki er hægt að lýsa eftir ritgerðinni eða hugmyndinni því hún drukknaði í þessu svellgolandi og brjálaða vatnsklósetti.

Mér er skemmt og skrattanum líka.

Eigið þið góðan dag.

Er núna á Kjarvalsstöðum, þar er hægt að komast í tölvu. Búin að vera að taka listaverk úr pokum og kössum. Nóg að gera.

Hlakka til að sjá þetta allt verða fulltilbúið.

Ég er komin á suðurlandið. Besta ferð hingað, sól og þvílíka útsýnið að ég var að deyja að hafa engan með til að dást af Tröllakirkju og allri þessar dýrð norðan heiða.

Það fyrsta sem blasti við mér þegar ég var að keyra inn í Reykjavík var bílslys, bílar í hakki og fólk eitthvað líka.

Sól og blíða hér í Reykjavík. Ég er farin að vinna.

Fór austur í Mývatnssveit í gær á þorrablót fyrir fjóra. Það var gaman, átum hamborgarahrygg og hákarl. Veðrið var eins og á póstkorti í Mývatnssveit í dag, logn, frost og sól. Þvílíka blíðan, æddi vestur í dag. Illugskotta heldur nú suður á bóginn á morgun.

Bauðst vinna í viku á Kjarvalsstöðum við að vera aðstoðarmaður í að setja upp sýningu sem mun verða opnuð á laugardaginn kemur. Hlakka til að sjá verkin hennar vinkonu minnar og spjalla við hana margt vitsmunalegt á meðan við setjum allt upp.

Var í stósvörtu éli á Víkurskarðinu í dag, fór þá að hugsa um orðatiltækið, "Öll él birtir upp um síðir". Passar fínt.

Át besta hangikjöt norðan heiða áðan ásamt heimatilbúnu fjölskylduleyndarmálsuppskriftar laufabrauði. Er nú farin í rúmmið, með þunnan haus og þreyttan skrokk. Ég hlakka til að hitta turnrotturnar.

Ég Húnvetningurinn sjálfur ætti að skammast mín þar sem ég hef lítið sem ekkert skoðað af Skaganum sjálfum sem er fullur af merkilegum fyrirbærum, sögum og þjóðtrú.

Óvíða er jafn mikið um álagabletti, tjarnir, þúfur og steina og á Skaganum. Gullsteinn heitir mikið bjarg norður frá Nesvatni. Sú sögn fylgir þessi bjargi að þar sé falinn fjársjóður en munu þeir einir geta velt steininum sem eru fæddir þríburar í Kelduvík og aldir á kaplamjólk fyrstu 12 árin. Fyrir þá sem ekki vita, þá er kapla mjólk merarmjólk og sögð einna líkust mannamjólk.

Árið 1909 lennti bóndinn í Ketu í átökum við skrímsli við Skálavatn. Bóndinn hafði lagt sig til svefns í Fölskubrekku, sem er brekka vestur frá vatninu. Nú dreymir bónda að óvættur sæki að sér, grípi á fæturna á honum og reyni að draga hann í vatnið. Bóndi vaknaði í stimpingunum og var hann þá kominn fram á vatnsbakann og verkjaði mjög í fæturna. Þar var hann heppinn bóndinn sá.

Farin að gleypa í mig fleiri fræði og tryllast enn þá meir.

Það væri gaman að fara á Strandir á þorrablót. Mun pæla í því Snúlla.

Kuldaboli býr fyrir utan hjá mér. Fínasta veður hér fyrir norðan. Dreymdi svo súran draum að ég ætla bara að setja smá bút hér inn frá honum.

Hross nokkurt var í þessum draum, en það talaði mannamál. Þetta hross var með skreytingu inn í kjaftinum sem var einhvern vegin fest upp í nefið! Jæja sem sagt var að festa þessa skreytingu í hross greyið sem stóð gapandi og stynjandi á meðan ég bjástraði í kjaftinum á því. Þetta voru silfurskeiðar. Þóttist vera búin með verkið, snéri mér við í annað súrt verk í þessum draum, en þá fór hrossið að hósta og ég heyrði köfnunarhljóð úr því.

Snéri mér við, jú, ein skeiðin hafði losnað og sat föst í kokinu á hrossinu, á þverveginn. Ég æddi með hendina ofan í kokið á hrossinu og eftir mikið streð þá náði ég að losa skeiðina og festi hana betur í þessa furður skreytingu.

Ég er svo aldeilis hissa. Draumar og ég, eigum vel saman.

Ekkert markvert annað, Fannar bróðir og Hugrún koma í dag í helgarfrí. Hér er éljagangur, ég pínist hér með mína ritstíflu, sem er ekki skemmtileg, en held þó áfram að puða.

Tröll og aðrar vættir eru skemmtilegar verur. Margt af orðum í íslenskri tungu hafa komið frá þeim, má þá nefna orðið að tryllast.

Menn voru sagðir tryllast þegar tröll voru búin að ná þeim til sín og þegar þessi menn eða konur fóru að taka á sig tröllsmynd. Að lokum þegar þessar mennsku verur voru endalega orðnar trylltar þá voru þær farnar að afneita guði sínum og taka átrúnað á trunt trunt og tröllin í fjöllunum.

Nú tryllist ég!!!

Ég sef eins og steinn, enda öskrar vindurinn hér úti og ruggar mér í svefn. Það er frábært þetta myrkur og þessi vindur er enn þá betri. Glúmur galdraköttur vill alls ekki vakna eins og ég, hann rétt stekkur út fyrir landareignina til þess að gera sín skítverk og svo stekkur hann inn aftur.

Húnaflóinn er úfinn, það er éljagangur og ég sé ekki Strandafjöllin sem eru hin mesta prýði þegar það er gott veður.

Fimmtudagur í dag, ég er að fara að lesa í gegnum alla bókastaflann minn. Sú bók sem ég er að lesa mér núna til skemmtunar heitir "Kajak drekkhlaðinn af draugum". Þjóðsögur frá Inúítum frá Grænlandi og Canödu, þessi bók er frábær.

Bestu kveðjur frá Björk

Illugaskotta er andsetin af flensudraugnum ógurlega sem hefur heltekið hana af lífi og sál. Ég berst um á hæl og hnakka og mun sigra þetta auma en lúmska gerpi.

Ég fékk bókina Strandanornir í jólagjöf í gær, kláraði hana bara núna fyrir 10 mínútum síðan. Þessi bók er hin mesta skemmtun. Hló alveg ógurlega mikið og fannst textinn skemmtilega byggður upp, þar sem mikið var um galdra og skemmtilegt umhverfi.

Glúmur köttur og maður í álögum, liggur og sefur alla daga, hann þolir ekki þennan kulda. Vælir á mig þegar ég er að reyna að vekja hann. Hann vill liggja í vetrardvala. Hann verður samt settur upp í hesthús bráðlega þegar frostið minnkar, til þess að fara á músaveiðar. Pabbi þolir ekki þegar hann er að gefa og það skoppa kátar mýs út úr heyinu. Viðbjóður segi ég nú bara, þessar pissu mýs.

Sælt veri fólkið. Ég var fjóra tíma norður því ég talaði svo mikið í símann, og það var ógnar hálka á sumun stöðunum.

Póstfjallið sem beið eftir mér var ægilegt, og að taka sig til og opna þetta allt var klikkun. Enda var þetta að mestu leyti póstur frá einhverjum BT banka,,,og Landsbankanum og já bullið maður. En er búin að útretta allt í dag. Ég reif upp hvert umslagið á fætur öðru eins og brjálaður krakki við jólatré, meira en helmingur alls þessa pósts er kominn í ruslið.

Úti á landi tekur þetta enga stund. Maður þarf ekki að sýna skírteini, því það þekkja mann allir. Tryggingar, pósthúsið og bankinn bara tók eina klukkustund að græja allt og annað. Þjónustan er meira en fyrsta flokks, hún er persónuleg og það er ekki hægt að verðleggja.

Nú get ég horfið á ný eitthvert út í buskann.

Ég sakna vina minna í Kanödu.

Nú er ég farin frá turninum, Sigga Atla og rottunni. Ég er farin norður og niður, en áður en það gerist þá fer ég í Bónus að gera alsherjar innkaup fyrir heimilið fyrir norðan, svo fer ég í besta kaffi sunnan heiða hjá vinkonu minni og svo verður brunað af stað norður.

Muna að athuga olíuna!!!! Allt er tilbúið, tónlistin, ég sjálf þó aðallega, tek með sundföt og svefnpoka. Ætla að kíkja aftur á Grettislaug, en gleyma sundfötunum fyrir þá laug, hann Grettir býr í lauginni það get ég sagt ykkur. Þvílíka snilldin þessi laug.

Rakst á frábært kort í haust á bensínstöðinni á Blönduósi, þetta kort heitir;
Gönguleiðir í Austur-Húnavatnssýslu og Skagafirði.. Þarna eru gönguleiðir merktar inn, eyðibýli og ártal sem segir hvenær það fór í eyði, GPS punktar.

Það sem mér finnst hvað best við þetta kort er að það eru upplýsingar um staðina aftan á kortinu, hvernig þessir staðir koma inn í söguna, hvers lags náttúrugæði eru þarna og svo fram vegis. T.D. sagt frá Spánverjadrápunum sem tengjast Spánskunöf á Skaga.

Sagan segir að á þessum stað hafi spænskir sjóræningjar gengið á land og stefnt að prestsetrinu á Höskuldsstöðum. Prestur safnaði saman mönnum og stóðhrossum, lét binda hrísklyfjar á þau og kveikja í klyfjunum. Síðan keyrðu menn stóðið með miklum látum á móti Spánverjunum og féllu sumir þeirra á melunum en aðrir hröpuðu fram af björgunu. Af atburðum þessum er nafnið dregið

Mun rita meira næst um mína sýslu hér á þetta blogg.

Fuglar á ferð og flugi um bíótjaldið ásamt snilldartónlist, þetta er mynd sem er vert að sjá. Upp vöknuðu alls kyns spurningar um fugla. Einnig var lítið talað í myndinni,,,,sem var það besta.

Áhorfendur hlógu, gripu andann á lofti, og lokuðu augunum,,,minn bíófélagi hann tók oft fyrir augun þegar eitthvað var að koma fyrir fuglana, t.d. þegar þeir voru skotnir niður og þess háttar. Raunveruleiki fugla,,,,hann er einnig settur fram,,ekki bara dúllu fuglar,,,,allt fallegt,gott, sætt og dúllulegt, nehey!!!!

Ég hef mikið velt fyrir mér hvað gæsirnar á Háskólatúninu eru að tala um, og einnig því hvernig fuglar skipta um stöðu í oddaflugi.

Hvað segja þeir? Segja þeir bara:" Hey núna þú fremst að brjóta loftið því ég get ekki meir, næsti"?

Núna bættust við fleiri spurningar.....

Tónlistin er þess virði að kaupa. Eitt sem skyggði á var að myndin var í litlum sal, sem er fáranlegt því umhverfið sem fuglarnir eru í er gjörsamlega stórkostlegt og einnig eru þessi fuglar stórkostlegir. Í þessari mynd er farið út um allan heim. Krían er sigurvegari í langflugi, hún flýgur 20 þúsund kílómetra á sínu flakki.

Frönsk kvikmyndahátið er svöl......allir að kíkja á eitthvað sniðugt þar,,,

Þessa mynd ætla ég að kaupa.

sunnudagur til sudda

gaf öndum, gæsum og álftum brauð í dag, það var gaman.

þessi dýr eru fyndin, dugleg að láta mata sig og sniðug að lifa góðu lífi í Reykjavík.

Sá frænkur mínar tvær, önnur er stór og hin er lítil

Er svo á leið núna á franska mynd um fugla heimsins. Já ég er fuglaáhugastelpa. Víst algjör snilld þessi fuglamynd, sá sýnt úr henni í sjónvarpinu í gær.

Át fjórar ristaðar brauðsneiðar með rifsberjasultu og skyri, drakk danskan bjór með.

"Im að complete nutter", hver sagði þessa setningu fyrir framan 20 manns án þess að blikna og hvenær var þetta sagt???? þeir sem vita svarið fá fría leiðsögn niður á tjörn og brauð til að gefa öndun, gæsum, álftum og dúfum.

Búin með hörmulegann inngang og enn þá hörmulegra efnisyfirlit. En þetta er þó byrjunin ég ætlaði ekki að blogga um helgina en bara varð.

Ég fór í Kringluna í dag á honum Rauð. Allt gekk vel, var að versla smá í matinn, fór í Body Shop keypti mér góða lykt, og afmælisgjöf var á leið í afmæli til hennar Guðrúnar Óskar, bróðurdóttur minnar sem varð 10 ára um daginn. Jæja síminn hringdi þegar ég var að troða öllu mínu drasli inn í bílinn, sem sagt farþega meginn og fram í.

Ég tók heilann úr sambandi sem ég geri venjulega þegar ég tala í gemsa, setti allt dótið inn í bíl, stakk lyklunum í svissinn, talaði og talaði, og stóð enn þá fyrir utan bílinn nota bene,,,og svo bara skellti ég í lás!!!! Með símann í hendinni, og það seinasta sem ég sagði var:" Ég kem eftir 10 mínútur í afmælið". En það áttu eftir að líða fleiri mínútur en einungis 10.

Ég var búin að læsa lyklana inni í bílnum!! !Djöfull varð ég pirruð út í heila lausu Illugskottu mig. Þetta er í annað skiptið sem ég geri þetta, og til hvers í andskotanum, það veit ég ei. Jú líklega til þess að biðja vini mína og gesti og gangadi til þess að hjálpa mér.

Hringt í bjargvættinn sem býr á Jöklinum og hann bjargaði Illugaskottu úr leiðindarveseni. Aukalykill heima í turninum hjá honum Sigga Atla sem var ekki með sjálfum sér því tölvan hans er líklega horfin til forfeðra sinna.

Komst ekki í afmælið, það var búið og allir að fara eitthvað annað, fer á morgun í heimsókn að sjá gömlu frænku og þá nýju. Ég var frekar pirruð en já allt hefur sinn tilgang.

Sunnudagur á morgun. Fer norður á mánudaginn ein með sjálfri mér, sem er best.

Nú gerist það, ég er að fara að skrifa innganginn og efnisyfirlitið. Það er mjög svo markverður atburður í lífi mínu.

3 bréf í tölvunni í morgun frá vinum í Canödu, mikið væri nú gaman að bulla með Manju í dag. Ræða við Deb og hitta hana Kimberley. Öll vilja þau fá mig aftur til Canödu en hér sit ég við tölvuna mína frábæru og hörð á því að það hafi verið rétt ákvörðun að koma heim til þess að skrifa.

Það er að koma helgi, búin að vera á landinu í tvær vikur og allt gengur eins og í hinu besta ævintýri. Hef ekki hitt helming vina minna og það er mitt skipulag, óskipulag sem veldur því.

Mér líður frábærlega í nýja húsnæðinu, hér er allt til alls. Nóatún, Krónan, Lyf og Heilsa, fiskbúðin, Hrói Höttur, Subway....sítenging,,,,og náttúrulega hann Siggi Atla og rottu helvítið.

Fór í Góða hirðinn í dag, sem er verslun sem selur notaða heimilishluti, sem áttu að fara á hauganna. Keypti þetta rosalega flotta vöfflujárn sem er búið til í Bandaríkjunum. Stærstu vöfflur Íslands koma úr þessu járni, þetta járn er þvílíkt stórt smíðað í stíl Elvis og Marilyn Monroe. Hver tröllkarl og tröllskessa á Íslandi yrði stollt að bjóða vinum og ættingjum í vöfflur sem eru búnar til í þessu járni.

Skil ekki þessa hor framleiðslu í hausnum á mér, hvernig verður allt þetta hor til? Vitleysa, þarf ekkert að vita allt. Bara sumt.

Keypti einnig í Góða hirðinum tvær bækur. Íslenskar kvenhetjur sem kom út árið 1948 og Gunnlaugs sögu Ormstungu sem er sérstök útgáfa fyrir æsku þessa lands, kom út 1954, myndskreytt. Ég mæli með því að Íslendingasögurnar séu gefnar út í svona litlu broti. Þú gætir t.d keypt Egilssögu og hún væri myndskreytt. Þetta myndi leiða til meiri lesturs hjá ungu kynslóðinni á þessum frábæru sögum.

Búin að setja myndirnar inn í tölvuna mína. Myndir frá Canada, New York og Skotlandi. Á eftir að setja nöfn á allar þessar myndir, engin smá vinna, mig vantar ritara. Ég er afleitur ritari því mér leiðast endurtekningar.

Dagurinn fór í að fara á náttfötunum niður í Nóatún, elda hádegismat, lesa bækur, fara að hitta fólk, ekkert meðal fólk. Arkar og Pétur frá Ófeigsfirði. Fórum að skoða báta í Garðabænum og Hafnarfirði. Það er heil speki að kaupa bát eða pæla í bát, bátaspeki.

Ég væri til í að komast á sjóinn. Hala inn fisk, gera sjálf að honum og koma svo stollt og hress heim, með minn afla, syngjandi sjómannalög og hlusta á rás 1 á leiðinni heim í höfn. Þvílíkur draumur,,ég sé þetta í anda. Sjófuglar að elta mig og einnig selir og aðrar sjávarverur. Hafmenn og hafmeyjar, hrosshveli og hafstrambar.

En ég er bara turnrotta í auganblikinu, heyri ekkert í rottu helvítinu hans Sigga.

Ég kemst af stað á morgun að klára minn lista, hitta fleira fólk og skipuleggja mig í verkefnið.

Ég veit ekkert hvenær ég fer norður. Það kemur bara að því.

Ef ég væri selur þá myndi ég búa á Grænlandi og fara í sumarfrí á Orkneyjum. En svo er ekki. Mark vinur minn vill frekar fara til Vínarborgar að borða Sachetertu og drekka austurríska líkjöra með sinni kærustu en hann segir nei við Hvannadalshnjúk. Furðulegt. En fjallið fer ekki neitt, en tertan og líkjörarnir gera það.

Ég er að hressast og það er æði. Langar að gera allt í dag, en mun taka því rólega því mér gæti slegið niður eins og eldingu og þá er ég aftur löggst í rúmið.

Nóg af þusi og skusi. Ég er ekkert byrjuð á lokaverkefninu og það eru ekki nýjar fréttir. Ég bý í rosalega fínu húsi, með frábært herbergi, og er með sítengingu á netinu sem er með því besta sem ég veit.

Nú er það arabískt kaffi, bók og sígó,,,nei ég reyki ekki fannst það bara passa inn í þessa atburði. Bók, kaffi og hugsanir. Ragga kemur í hádegismat, ætla að gefa henni reykt svínseyru og þurrkaðann hund að borða.

Góðan dag aftur. Illugaskotta fór í klippingu í morgun það var gaman og gott. Mig dreymdi mjög svo áhugaverða drauma í nótt sem hæfa ekki þessu bloggi, þá þarf að ritskoða áður en þeir verða við hæfi Bjarna eða við hæfi barna.

Í gær lá ég hér í turnherberginu mínu og Siggi var að prufa tölvuna mína að nota hana sem síma!!! já, tala til útlanda ódýrt með einhverju öfga sniðugu forriti. Ég hló svo mikið að ég sprakk næstum því. Siggi hringdi til Danmerkur í vinkonu sína. Hún heyrði ekkert í honum en hann allt í henni. Siggi talaði inn í tölvuna, færði hausinn til hægri, vinstri og meira að segja bakvið tölvuna. Rödd vinkonunnar kom út úr tölvunni minni. Halló, halló.....og Siggi bullaði og bullaði við tölvuna. Þetta var eins og besta bull. En svo fattaðist að það er engin svona hátalari í minni tölvu. Virkar hins vegar hjá Sigga.

Tölvur eru galdratól nútímans.

Siggi gaf mér margmiðlunardisk Galdrasýningarinnar. Þessi diskur er æði. Hann er besta gjöf í heiminum til þeirra sem búa í útlöndum og tala ensku......þvílíkt svalur diskur. Maður fær bara gæsahúð þegar verið er að tala um þá sem voru teknir af lífi og afhverju. Þvílíkt litlar sakir í dag, en stórar þá. 1650 var verið að taka fólk af lífi fyrir galdur á Íslandi. Svo stutt síðan að ég fæ gæsahúð við tilhugsunina.

Ég er enn þá veik, sem er hundleiðinlegt. Er að hressa mig við með því að hanga á netinu ætti frekar að vera í gufubaði, mínu einka gufubaði og svitna þessu út.

Góðan dag. Illugaskotta er veik. Svaf í lopapeysunni og bráðnaði en flensan fór ekki. Þetta er leiðinlegur dagur.

Friðrik og Gyða eiga afmæli í dag. Til hamingju gott fólk.

Áðan var það vinstri nösin sem var stífluð en nú er það hægri nösin, ég er með hita. Púff og dæs, er eiginlega aldrei lasin, en þegar það gerist þá vorkenni ég mér ægilega, er eins og versta kelling sem um getur í sögu kellinga.

Fór til ömmu, étin hin mesta mánudagssteik, soðin ýsa, kartöflur, rúgbrauð, smjör og vatn. Át eins og mjög svöng kelling. Hlustuðum á fréttir, veðurfregnir og dánarfregnir og jarðarfarir. Einnig margt skrafað.

Fór í Hafnarfjörðinn að ná í tölvuna mína, villtist í þessum bæ, fann ekki þessa götu, allt einstefnur. Ákvað svo bara að keyra eitthvað inn í hverfið og viti menn þá fann ég götuna. Það var farið að rjúka úr hausnum á mér af geðvonsku og óþolinmæði. Neitaði að gefast upp. Var með götukort og allt, en þar er ekki tekið fram að það sé einstefna eða ótrúlega þröng gata.

Þar sem hitinn er komin þá kom ég mér ekki til þess að hitta vissa manneskju, verð að vera með heilabúið í lagi þegar ég er að fara að tala um hluti sem eru mikilvægir fyrir landið mitt og sjálfa mig.

Á morgun er þriðjudagurinn 20. janúar. Bóndadagurinn er á föstudaginn og þá eiga kallarnir að hlaupa í kringum húsið sitt einungis klæddir í aðra skálmina, er það ekki sniðugt? Ég sé alla þessa reykvísku karlmenn hlaupa í kringum raðhús, blokkir og önnur hús, einungis íklæddir annari skálm bróka sinna. Hlátur....ahahhahaa
Illugaskottu finnst vera allt of fáir dagar í íslenska dagatalinu sem tilheyra köllum, bara þessi bóndadagur, greyið kallarnir.

Ég er með meira kvef en seinast, sem þýðir að ég kafnaði næstum því í nótt í eigin hori. Viðbjóður.

Ég mun neyða mig til þess að klára þennan útpáraða og krumpaða verkalista, sem ég kalla "Geralista"

Fæ mér nú Ameríska kaffið mitt, blönduna frá Aröbunum. Svo trylla af stað niður og út og suður og norður...ég hlakka svo til að komast norður. Hitta liðið og öll dýrin. Glúmur soldán hefðarköttur, Fluga meri, og Skjóni hestur.

Nú er leiðinlegt því Illugaskotta er aftur komin með kvef og kemst ekki að gefa blóð á morgun. Skottan er að springa úr blóði. Eitt sem MÉR FINNST MJÖG SVO ÓSANNGJARNT ER AÐ KONUR MEIGA BARA GEFA Á 4 MÁNAÐA FRESTI EN KALLAR Á 3 MÁNAÐAR FRESTI. Svona er þetta ekki í Kanödu, þar gefa allir á 3 mánaðar fresti. Þessu vilL Illugskotta breyta, ég er farin að hugsa um Blóðbankann all oftast þegar það eru 3 mánuðir síðan ég gaf seinast.

Þetta er ekkert annað en misrétti sem er reyst á fáranlegum rökum. Að konur meigi nú ekki við þessu þar sem þær fara á blæðingar, bull og vitleysa, þvaður og kellingarbækur!!!!. Þessu tekur Illugskotta ekki þegjandi lengur, ég vil losna við mitt blóð sem fyrst og ég vil breyta þessari reglu. Takk og bless. T.d er ég í keppni við Arkar vin minn hver hefur gefið oftar og auðvitað er hann að ná mér því hann fær að gefa oftar en ég. Ósanngjörn regla.

Annars góður göngutúr, í skaffrenningi, yfir frosna og bólgna á, sáum Glaldrastafninn Vegvísi á hellu við gönguskilti. Sá stafur er einn af mínum uppáhalds stöfum, því hann kemur í veg fyrir að maður villist af leið. Hittum hressa hesta, fórum í sund og átum svo vöfflur heima hjá Hildi Eddu með Valgeir með okkur sem er hinn mesti Víkingur og kraftajötunn.

Góður dagur eftir allt saman. Rottu helvítið er farið að láta heyra til sín, Siggi át hana ekki. Jæja farin að gera allt.

Ég hitti ekki neina púka. Þetta var bara allt í lagi djamm,,,ég er samt með svona náladofa í heilanum. Mig langar ekki að hugsa, hugsanirnar eru þungar og það gerir mig fúla. Ég er fúlegg.

Mér leiðist að horfa á fullt fólk, ég var bara eitthvað mikið að glápa á allt þetta fulla fólk. Já kallast menningarsjokk. Var að djamma með barnafólki, sem þurfti að vera komið heim klukkan eitthvað visst. Það var ný reynsla fyrir Illugaskottu, sem fylgdist auðmjúk með klukkunni með móður barns.

Komst heim með einkabílstjóranum mínum, sem þurfti að hlusta á þusið í mér. Vildi ekki vakna í morgun, úff allt bara virðist svo fúllt, grátt, tilgangslaust og asnalegt eftir að hafa drekkt heilanum í alkahóli.

Ég er fegin að ég mun aldrei fá skalla, það þó einn ljós punktur í tilverunni í dag.

Heiðmörk, göngutúr, sund og samræður við heilbryggða manneskju mun koma Illugskottu aftur af stað.

Rottu helvítið lætur ekkert bæra á sér í dag, kannski át Siggi hana í nótt. Hlátur sé hann í anda ráðast inn í vegginn, klóra sig að henni og hakka hana í sig.

Ég var í Smáralindinni í meira en 3 klukkutíma í dag!!! Það var súrt. Fór með Valdísi og Laufeyju...ég er svo hissa að sjá hvað allir klæða sig í nýjust tísku,,dýr föt og enn þá dýrari skór. Flestir skór kosta um 10, þúsund og einnig gallabuxur.

Ætlaði að panta mér miða á Lord of The Rings, en nennti því ekki, það var svo mikill hávaði og allt brjálað. Mun fara í næstu viku, Bjarni bróðir öskraði þegar ég sagði honum hvað miðinn kostaði í lúxussalinn. Einungis 1700 krónur. Ég var bara farin að halda að það væri eðlilegt þar sem eitt par af ótrúlega ljótum skóm kostar 10. þúsund.

Þær keyrðar heim, ég fór í andlega heilun til þess að lifna við eftir bráðan dauðdaga í verslunarmiðstöð andskotans,,, fór í sund í Vesturbæjarlauginni. Nú var sko tekið á því, synnti 1 kílómeter á frekar góðum tíma. Þetta var orðið frekar pirrandi þegar ég átti eftir að synda 250 metrana, en fann eitthvað skemmtilegt og fyndið til að hugsa um og þá leið þetta eins og í sögu. Illugskotta viðurkennir þó að þegar hún var búin að synda 500 metra eins og hún gerir venjulega og fer svo í pottana, að það var erfitt að fara að synda aðra 500 metra. Allt tekið á sálfræðinni,,,fattaði að ég yrðir alveg súr með sjálfa mig ef ég myndi ekki synda það sem ég var búin að ákveða og vissi að mér myndi líða ógnar vel eftir kílómeterinn...það sem hugurinn er margslunginn.

Át mikið þegar komið var heim, langar ekki aftur út. Langar bara að liggja fyrir framan sjónvarpið, spjalla við Sigga, taka því rólega, en er að fara á 22 eitthvað að sprella.

Illugaskotta lifir ótrúlega hollu lífi, kannski það breytist í kvöld því 22 er fullur af púkum og öðru hyski.

Sankti María sé með oss.

Hve margir ?

Hve margir hvað? já það er leynispurningin sem ég ætla hér með að flytja inn til Íslands frá Canödu. Siggi svaraði mér, hann sagði 99, en ég hef einungis drepið 22 í dag, og ekki er það gott dagsverk. Ég er svo glöð, kát og hress. Því það er snjór úti, ég spólaði og spólaði í brekku í Kópavoginum. Skrattans og helvíti, já ég er á jeppa er algjörlega búin að gleyma því. Út, setja í lokurnar, í lága drifið og já frábært kemst allt sem ég vil....

Keyrði í Vesturbæinn í jeppastuði,,,ha ha ha,,,þið þarna aumingjar á litlum bílum, passið ykkur bara, hér kemur stór jeppi.,,,úff ég er að breytast í hræðilega jeppa meri. Það vil ég alls ekki, enda fékk ég að kenna á því fyrr í dag. Sat föst í löngum ormi á rauð. Talaði í símann og keyrði í fyrsta gír, allt í einu var ég komin inn á götuna sem liggur alla leið til Kópavogs.

Já vei,,,nú skildi sko gefið í,,allir gáfu í og ég líka..en helvíti,,helvítis fólkið var að bremsa, löng röð bremsaði...ég beit í tunguna, kinnina.. sá allt mitt líf hverfa og sá mig í anda klessa á alla þessa litlu bíla á honum Rauð, sá mig þurfa að borga skemmdir á bílnum mínum þar til ég myndi leggjast í gröfina. Rauður og ég fórum að dansa rokk,,hann vildi fara í hring en ekki Illugskotta...reif fótinn af bremsunni,,,gíraði niður,,hugsaði um að nota hugaraflið eitt til þess að stoppa þetta rauða flykki....jesús minn bílinn nálgaðist,,,mig hratt ég var að fara að kýla hann niður...en allt í einu tók Rauður við sér og við urðum bein á götunni..og já bílaröðinn færðist áfram...einhver asni hafði dansaði í hring og lennt upp á handriði og klesst einhvern bíl í leiðinni. Ég varð ekki asni í dag.

Hjartað hamðist, ég var hálf lömuð í öllum vöðvum eftir nokkrar sekúndur af ógurlegri spennu og óhugnaði. Allt fór vel,,ég verð að átta mig á því að ég er á stórum bíl ekki rallý bíl....

Rottu helvítið hans Sigga sefur nú vært, heyri ekki einu sinni hrotunar í henni...ég dæsi.

Gera listinn ógurlegi lengist. Fer ekki á ráðstefnu á morgun. Ætla að vinna í tölvunni, prenta út mikilvæg skjöl, lesa, borða hollann mat og fara í sund,,hitta Valdísi og fara aðeins út á lífið.

Ég kaupi bara hollt að borða og það er svo miklu dýrara en óhollt.

Það þolir Illugaskotta ekki og nú ætla ég að biðja stjórnvöld um að fara að hafa hollan mat ódýrann, ódýrt í líkamsrækt, frítt í sund og óhollan mat dýrann. Og þannig er hægt að koma í veg fyrir mörg heilsufarsleg vandamál sem herja á fólk sem endar inni á spítölum sem eru víst alveg ægilega dýrir í rekstri....

Íslenska þjóðin á skilið að fá hollan mat, ódýra og ókeypis hreyfinu og ódýra heilsugæslu þjónustu, þá mun allt virka betur því get ég lofað. Allt er þetta jákvætt en Dabbi og hans hyski einblína bara á hann Jón Ásgeir en hugsa lítið um þjóðina sína. Eina lausnin hjá þessari þykkhausa ríkisstjórn er að skera niður hér og þar og svo er endurráðið eftir nokkra mánuði í störfin en þá þarf að endurþjálfa alla og það kostar marga peninga.....

Illugskotta ætti að fara á þing og tala fyrir þjóðina sína. En finnst það ekki mjög áhugavert umhverfi..kannski þegar ég hætti að vera draugur.

Föstudagur, ég nenni ekki í sund strax. Svaf betur en steinn hér í turninum í nótt. Útrétta í dag mikið áður en ég fer á ráðstefnuna klukkan 15:00 í Norræna húsinu. Er búin að ákveða að synda 1000 metra í stað 20 metra!!!

Hlakka til að fara að hitta hana frænku mína og hennar mann í kvöld. Enda verður nóg að éta þar, flatbaka góð, og svo tölum við bara ensku.

Ritarinn hamast í því að breyta blogginu mínu. Komin teljari, og fleiri inn á bloggara listann minn. Mig langar norður sem fyrst.

Í veggnum hans Sigga býr rotta, sem klórar og andskotast. Hún heitir ekki neitt, þetta er bara rottuhelvíti. Hún er hérna rétt við fæturna á mér núna þar sem ég pikka á þessa tölvu í turninum mínum.

Bloggið mitt hefur breyst, enn er verið að vinna í því. Eftir að setja inn mynd af Draugnum, laga stærð stafa og annað lítilræði.

Ég fór á kaffihús fyrir ráðstefnuna og það var ótrúlegt. Ég rakst á Iðunni á Lokastígnum og við fórum að fá okkur kaffi á Kaffi tári sem er með glugga sem snúa út á Laugaveginn. Sátum við gluggann og ég sá ekkert smá mörg andlit sem ég kannaðist við, leiðinleg og skemmtileg andlit. Og svo allt í einu var Lára vinkona þarna, og já fleiri og fleiri.

Ísland er lítið og fámennt, sem kemur mér stundum til að kafna og mjög oft til að hlæja frá mér allt vit, ráð og rænu. Ráðstefnan kom mér til að hugsa sem þýðir að ég var ánægð með hana, venjulega á ráðstefnum þá gleymi ég mér í dagdraumum, hugsa mig í burtu frá svæðinu til atburða í lífi mínu sem hafa komið mér til að líða vel. Fór aðeins til Kanada í dag og smá upp á hálendið, en var þó að mestu leyti á ráðstefnunni.

Menningararfur, ég fór að pæla.

Getur maður ekki bara valið sér sinn menningararf, bara þóst vera Ítali, dýrka allt og dá sem tengist þeim og neita því að maður sé Íslendingur? Borða Ítalskann hátíðarmat, og fylgja öllu þeirra hátiðarmynstri, þekkja allar þeirra sögur og þjóðhætti.

Eða kemur menningararfur bara til manns með því blóði, landi, sögu og þjóð sem maður tilheyrir? Bara arfur sem þú þarft að erfa hvort sem þér líkar betur eða verr. Hver ákveður hvað sé menningararfur og hvað sé sett fram til fólks? Hvað með sögu sem tengist einhverju slæmu hjá þjóðinni, slæmri sögu. Á að setja þá sögu fram? Það finnst mér.

Ég fór til dæmis í göngutúr í Edinborg og þar var talað um morð, aftökur og glæpi. Fólk er æst í svona gönguferðir, gönguferðir þar sem sagt er frá því forboðna, slæma og því sem á að fela.

Mannlegt eðli er milljón þætt en það er víst að menn vilja vera hræddir, vilja upplifa spennu, ógn og viðbjóð svo lengi sem það snertir þá ekki persónulega.

Er búin að koma mér fyrir í nýja herberginu mínu,,,turninn er svalur.

Illugaskotta er flutt í Vesturbæinn, niður við sjó í stórann turn þar sem galdrakarlinn ógurlegi bý. Alveg eins og í ævintýrunum, en hvar eru allir þessir prinsar? Veit það ekki, enda má ég ekki hugsa um prinsa eða hallir, það eina sem ég má hugsa um er lokaverkefnið og klára geralistann ógurlega.

Im a complete nutter!!!

Farin út á ról, kaffi á mokka, lesa ráðstefnublöðin og fara svo á ráðstefnu.

Vona að þetta verði gaman.

Ég er orðin gömul,,,,,,og ég er svo hress að ég er að breytast í kex.

Djöfulsins bull, svona gerist þegar Illugaskotta vakir of lengi, hún fer að bulla og ríma og skíma, eigi er það gott með öllu að borða pyslu með öllu.

Ég sit hér við hliðina á Röggu, hún er að hjálpa mér við að setja inn myndir í skýrsluna mína fyrir sumarið. Ég er að nota tölvuna hennar og hún mína. Já nördalegt samfélag hér við tölvurnar......

Úff hvað mig hlakkar til að losan við þessa skýrslu, svífa inn í draumalandið, fara á ráðstefnu, hitta mann og annan og flytja í nýtt húsnæði. Illugaskotta er að flytja í Vesturbæinn á mjög svo notalegann stað. Eigi er hún að trúa því en svo er nú það.

Tekin er stefna á hæst tind Ísalandsins bláa í mars. Illugskotta mun þramma þetta ásamt þremur hestum. Draugur og þrír hestar á hæsta tind landsins. Þetta mun birtast í öllum frægum draugaheftum landsins, loksins verður Illugskotta fræg.

Dagarnir eru allir skipulagðir fram á mánudag í næstu viku.

Morgun: Flytja í vesturbæinn kannski, bókasafnið, ráðstefna.

Föstudag. Sund, ráðstefna, matur hjá Hildi og Steve.

Laugardagur. Sund, ráðstefna, kannski bíó, Lord of The Rings.

Sunnudagur. Hitta Norðlendinga, Láru, Iðunni, Hildi Eddu. Gönguferð eitthvert þar sem eru ekki bílar og fólk. Kaffi. Matur hjá Jóa Arkitekt. Muna að vera búin að hugsa um það sem hann bað mig að hugsa um...humm hvað var það aftur!!!????

Mánudagur: Sund, hádegismatur með ömmu, nýveidd ýsa, kartöflur, rúgbrauð, vatn.,,,,,ummmm ég slefa. Ég er orðin brjáluð í fisk...vil bara fisk, vatn, kartöflur, grænmeti.

Ég og rauður erum komin í borgina. Ég hringdi í Pétur vin minn frá Ófeigsfirði í gær, hann sagðist ekki geta pissað með eyranu!!! Já pælið í því.

En fór í Öræfasveitina í gær, með rútunni, ég hafði einkabílstjóra alla leiðina. Gaman að sjá Rauð og auðvitað Öræfinginn hann Sigga á Hnappavöllum. Illugaskotta var ekki alveg í stuði í bílabras, og já en allt gekk vel. Við átum hangikjöt, baunir, laufabrauð og drukkum appelsín með. Þvílíka dýrðarmáltíðin. Sumarblíða í Öræfum.

Vaknaði snemma í morgun, kom í bæinn fyrir hádegi. Hitti fólk, át með mat með þremur snillingum í Svörtu Höllinni. Hitti umsjónarkennarann minn og nú er að komast meiri mynd á það sem ég þarf að gera.

Það var gott að sjá móta fyrir jöklum í gærkveldi og morgun, Skaftafell er einn af mínum uppáhaldsstöðum.

Illugaskotta er þreytt og gömul í dag, en ekki á morgun.

Illugaskotta er búin að eiga anna saman dag. Ég tók strætó, rakast á Iðunni vinkonu á Hressó, fór í sund og á bókasafnið með Arkari, fór í mat til Valdísar Veru og Laufeyjar, hitti Bjarna bróður sem er með sítt hár og krullað. Fékk símtal frá Skotalandi.

Upplifði fréttir, frásögur, sagnir og drauma. Hló, brosti, fnæsti, reiddist, gladdist, undraðist, skammaðist mín, hlakkaði til og kveið fyrir. Já þetta eru að ég held flestar þær tilfinningar sem ég upplifði í dag, ákvað að pæla í því núna til tilbreytingar.

Einelti, ræddi það við vin minn. Fatta það ekki hvernig fólk nennir að pæla í og ráðast á annað fólk. Eyða orku í neikvæða framkomu sem gerir engum neitt gott. Ef þeir sem leggja aðra í einelti myndu pæla í því,,,en þeir gera það ekki.

En hvað ég er alvarleg, kannski vegna þess að ég er að hugsa mikið þessa daganna.

Já og er að fara austur á morgun til að ná í hann Rauð sem bíður mín spenntur með reistann makka, froðufellandi og á nýjum skeifum. Ég verð að segja að ég get ekki beðið eftir því að faðma hann vel.

Sællt veri fólkið.

Illugaskotta er komin til landsins. Ég kom fyrir nokkrum dögum en það er bæði erfitt fyrir sál og líkama að lenda á klakanum. Hef aðallega verið að finna dótið mitt í töskunum mínum þungu sem ég þurftu að borga nokkra yfirvigt á því þær voru ekki bara fullar af fötum eins og skottum sæmir, nei þær voru þungar af bókum sem draugum sæmir að bera með sér hvert sem þeir fara.

Þegar ég var á flugvellinum í London þá gat ég spottað út hverjir voru Íslendingar og hverjir ekki. Þannig er það bara, ég bara nennti ekki að tala íslensku bara ensku. Sat í flugvélinni og fjarlægðist Ameríku enn þá meir. Kvíðahnútur í maganum yfir öllum þeim verkefnum og útréttingum sem bíða Skottunar. En þetta verður gott, segir lítil rödd í höfðinu á mér.

Nóg að gera og Illugaskotta er tilbúin að takast á við verkefnið eina og sanna.

Það er gott og skrítið að vera komin heim, ég get talað við fólkið á strætóstöðinni og það skilur mig þegar ég tala íslensku. Ég þarf ekki lengur að athuga hvort ég sé að keyra yfir dádýr og annað sem er best, vatnið hér er guðdómlegt.

Illugskotta spyr: Hvar væri Ísland án Hannesar Hólmsteins og án Laxness kallsins?

Geralistar eru æði, eða það finnst mér. Elska mest við þá að stroka út af þeim allt sem þarf að gera. Verð líklega mest úti á landi í vetur að vinna í friði fyrir sollinum í Reykjavík. Er með heimboð frá nánast öllum landshlutum Íslands og það er gott.

Glasgow er skemmtileg borg. en thad rignir eins og hellt se ur fotu, er a nutima listasafninu. Thar var eitt mjog athygglisvert verk eftir gaur sem var ad paela i thvi thegar folki er hennt ut einhvers stadar, bara vegna thess ad klukkan er eitthvad visst.

T.d tha prufadi hann ad vera inni eftir lokunartima, hann tok nidur allt sem var sagt vid hann og gert og setti thad fram a pappir.

Merkilegt finnst mer, thvi mer hefur verid hennt ut ur Althingishusi Islendinga. Eg bara sat thar med vini minum i nyja skalanum, vorum ad spjalla um listaverkid sem er thar, listaverk sem tala vid mann ef madur setur eyrad upp ad thvi. Tha kom valdamikill dyravordur og sagdi ad vid vaerum bara ekki aeskilegt folk tharna. Ok allt i lagi, en ja tomir stolar ur ledri eiga vist ad vera tomir en ekki med heitum rossum sem njota thess ad sitja bara og taka lifinu med ro.

Ferdast um med lest, thad er gaman ad sja allt thjota fram hja manni.

Sjaumst bradlega gott folk....eg er allveg ad fara ad koma heim.

Ja hitti landa minn i gaer, en hann var bara med 4 faetur. Islenskur hestur, hann var half einmanna for ad tala vid hann og gaf honum braud. Ja hann saknar fjalla og frelsis thad sagdi hann ad minsta kosti vid Illugaskottu.

Sælt veri fólkið. Ég er búin að skemmta mér vel í Skotlandi. Áramótin voru ein alsherjar snilld. Dans og gleði.

Fór í brjálað tæki í gærdag í Edinborg. með Mark og Röggu, svona tívoli tæki. Risastór öxull á því, fjórir geta setið á sitt hvorum enda öxulsins. Ég var svo hrædd að ég varð hvít í framan og já,,,þetta var snilld

Fórum svo í göngutúr um borgina undir leiðsögn draugs. Sem sagði okkur frá aftökum, nornum, morðum og öðrum hryllingi. Þessi draugur var víst tekin af lífi fyrir um 300 árum fyrir það að ræna fólk á vegum rétt við Edinborg.

Draugurinn vildi sýna fólki hvernig þumalskrúfur voru notaðar til þess að neyða fólk til að játa á sig hinn og þennan glæpinn. Auðvitað valdi hann Illugaskottu sem bara gerði sig af hlátursefni fyrir framan 20 og eitthvað margar manneskjur. Hún sagðist vera fullkominn brjálæðingur og norn. Þessu játaði hún með bros á vör.

Annars er heilsan hóst og meira hóst, hálsbólga og pirr. Ragga fór í dag, Illugaskotta æltar að skottast aðeins meir um í útlandinu, því já það er erfitt að lenda á Íslandi,,þegar dvölin er búin að vera nokkuð fjölbreytt annars staðar.

Sumt fólk er fífl....það hefur verið vitað síðan mannkynið komst á spjöld sögunnar. Varð bara að koma þessu á framfæri og einnig minni ég sjálfa mig á þetta svona já mánaðarlega.

Þetta verður mitt seinasta blogg frá Ameríku. Sól og blíða úti, stukkum í eina búð og nú eigum við ég og hún, þessar líka fínu flíkur. Enn einn flugvöllurinn, nú er það JFK flugvöllur sem er einn af þeim stærstu hér í Kanalandinu.

Það er gaman í Bandaríkjunum, en allt er stórt og klikkað.

EPLIÐ ER SÚRT!!!!

Veit ekki hvenær Illugaskotta bloggar næst, kannski bara á nýju ári. Ef ekki fyrr en þá, þá óska ég ykkur sem þetta lesa frábærs og gjæfuríks nýrs árs...og ég þakka fyrir það gamla.

Bros til ykkar.

Nú er aftur komið kvöld. Dagurinn byrjaði snemma, fékk mér smá göngutúr frá 122 stræti niður á það 64. Það var svona klukkutími eða svo.

Svo sá ég bara hitt og þetta, hitti Louise og hennar mann, hann Jack. Fórum að skoða Time Squere,,,,ég er svo kraminn eftir allt þetta fólk,,ljós og auglýsingar og fólk, og bílar og fólk og litir og meiri hávaði, og mengun,,,

New York lyktar sem sprungið klóakrör. Stundum þegar maður er að labba hér þá ræðst á mann klóaklykt, sterk og viðbjósleg...

Svo já sá ég jólatré New York borgar sem er hjá Roccafellar Center,..og svo var ég búin að fá nóg...tók taxa heim og þakkaði hinum þessum fyrir að ég er á lífi.
maðurinn keyrði eins og satannn sjálfur, ég bara hugsaði ekki neitt.

Ferðadagur á morgun til Skotalandsins,,en fyrst ætlum við Binna að versla okkur kot og aðra nauðsynlega hluti.

Ég er hress að það sé ferðadagur.

Úff, dæs og enn þá meira úff...erum búnar að skrattast út um allan bæ þarna niður frá einhvers staðar.

Sá Frelsisstyttuna í dag, einnig staðinn þar sem turnarnir tveir voru eitt sinn, byrjað er að endurbyggja. Það var frekar furðulegt að vera þarna.

Svo í Kínabæinn og svo Litlu Ítalíu og svo eitthvað annað,,húsin hérna eru flott. Eins og í bíómyndunum, brunastigar utan á þeim, og flottir litir á húsunum.

Erum alveg þreyttar eftir mikið labb á hörðum götum, nú verður videó kvöld, leti og ekkert annað.

Á morgun fer ég að hitta Louise vinkonu mína og hennar eiginmann sem eru að koma að hitta mig alla leið frá Pensalveníu,,,humm mikið á sig lagt til að hitta einn risa frá Íslandi eða kannski er ég draugur.

Hangikjöts kveðjur frá Björk

Ég fékk tvo pakka í gær, það var gaman. Geisladiskin með verunum úr South Park og tvær bækur, eina um landkönnuði áður fyrr sem fóru að skoða hana Antarticu, hlakka til að takast á við þá bók og svo teiknimyndabók, listaverk eiginlega um furðuskepnu sem er maður, einhver gaur sem berst fyrir hinu góða í þeim heimi sem hann býr í.

Gestgjafarnir okkar Binnu gáf Illugskottu jólagjöf, það var gaman, hún hafði ekki búist við því.

Erna og Mörður, heita þau sem við fórum í mat til. Maturinn var himneskur. Þau höfðu keypt 21 punda kalkún og allar sortir af meðlæti voru með. Já þetta var bara 21 punda kalkúnn..... Þegar ég og Binna gengum inn í íbúðina þeirra í gærkveldi þá fannst Illugaskottu að jólin væru komin því steikarlyktin lá í loftinu.

Gott jólakvöld, mikið borðað stóðum á blístri, það er líka jólalegt að vera að springa af ofáti.

Komum seint heim í nótt, Illugskotta neyddi Binnu til þess að labba heim. Binna vildi taka leigubíl, en það var svo gott veður að það var snilld að labba heim.

Erum að fara í skoðunarferð niður í bæ.

Aðfangadagur í New York. Vöknuðum snemma til að taka til og baka. Binna sá að mestu um að þrífa, ég er enn þá að ná mér eftir þrælahaldið, fór í það að sjá um eldhúsið.

Bjó til nokkrar sortir af smákökudeigi,,og svo var það ekki nógu sætt og feitt, Binna fann það út. Og hún bætti sko smjörlíki í þetta fjall og sykri. Þessar kökur geta brætt hvers manns hjarta.,,,úlla lllllaaaaa......

Jæja, svo fór ég í rölt niður í bæ, í 125 stræti sem er rétt hjá Harlem. Ég var ein af fáum hvítum hræðum á ferli þarna. Fullt af búðum og dökku fólki á ferð. Önnur hver búlla bíður upp á Afríku fléttur. Þú bara prúttar um verðið,,mig langar en svo held ég að þetta fari helvíti illa með hárið.

Það ringdi og ringdi á meðan ég var í bæjarferðinni, fann margt áhugavert. Kom heim í hundblautum fötum. Kláraði að baka og svo bara sit ég hér að prenta inn í tölvuna. Þau hringdu frá Íslandi í morgun, það var gaman að tala við þau. Núna eru þau búin að borða og eru öll að opna pakkana og lesa jólakortin.

Held ég sakni smá jólaboðsins heima, en ég verð þar vonandi næstu jól. Herra Glúmur, kötturinn minn er víst orðin gamall, hann sefur mikið á rörinu sem er hitaveiturör inni í stofu, rörið liggur í gólfinu og auðvitað fann soldáninn þennan stað.

Þessi köttur er einn sá mesti karakter sem ég hef hitt, og ég sakna hans, enda mun ég klípa hann þegar ég kem heim.

Er að fara í jólabaðið, og svo hendast í jólaboð hjá vinum hennar Binnu.

Ég óska ættingjum, fjölskyldu minni og vinum gleðilegra jóla og frábærs nýrs árs...sjáumst á nýja árinu.

Skötudagur, ég er svo aldeilis hissa, það var 20 stiga hiti hér í dag. Skellti mér í bæinn, einsömul og hress.

Fór í göngutúr og á safn, American Museum of Natural History,,það var gaman. Sá loksins risaeðlur, þvílíka stærðin maður. Risaeðlu skjaldbökur og allt, risaeðlu fuglar, ég segi að tímarnir væru meir spennandi núna ef þær væru enn þá til.

Umferðin hérna er klikkuð, klikkaðri en allt, hérna gefur enginn stefnuljós, fólk æðir út á götu. Taxarnir sem ég tók í dag, æddu um hér og þar og alls staðar. Allt gengur hratt fyrir sig hér í umferðinni. Ég fíla þessa borg í tæltur. Er þegar komin í spjall við gauranna sem vinna í búðinni á horninu. Þar fæst besta kaffið,,,heitt og bragð gott.

Á morgun verður farið í jólatiltekt með Binnu, búið til kökudeig og svo ætlum við að skella okkur í bæinn. Síðan heim í fínu fötin og í jólaboð heima hjá vinum hennar.

Í dag upplifði ég minn neyðarlegasta tíma á þessu ári. Við fórum að versla í matinn, svo spurði Binna mig hvort við ættum að fá okkur heimsendingu á matinn. Ég horfði á pokana og já,,jú þetta var of mikið til að bera.

Gaurinn sem var að setja matinn okkar í poka fór að setja þá í innkaupakerru, svo rölti hann af stað og klæddi sig í leðurjakkann sinn og svo kom hann á eftir okkur með allan matinn í innkaupakerrunni.
Mér leið eins og þrælahaldara, þetta var svertingi svona um fertugt. Guð minn góður hvað mér leið fáranlega.

Binna bara labbaði áfram og sagði að þetta væri vinnan hans og við myndum borga honum. Illugaskotta svitnaði og skammaðist sín. Þetta var ægilegt að labba um götur New York borgar með matinn sinn í innkaupakerru sem einhver gaur ýtti um götur borgarinnar....jæja svo gerðist það besta

Binna stakk mig af, fór að versla jólaskraut og einhver varð að labba með innkaupa kerru manninum heim ekki var hægt að láta hann bíða fyrir utan búðina á meðan við myndum versla jólaskrautið.....úfff þetta versnaði um helming.

Illugaskotta bara labbaði á undan gaurnum og þóttist ekkert þekkja hann, enda þekkti hún hann ekkert. Svo gekk hún framhjá hóp af svörtum gaurum. Og þá leið henni eins og hvítum þrælasala sem fær samviskubit...Svo komum við að brekku, hann ýtti og stundi og var langt á eftir Illugaskottu, sem strunsaði áfram með hausinn upp í loft að glápa á öll þessi risastóru hús sem hafa endalausar sögur.

Úfff hvað hún var ánægð þegar loksins var komið að húsinu hennar Binnu. Borgaði gaurnum 3 dollara, reif alla pokanna inn og andaði léttar. Þessi fáranlega reynsla var á enda. Bæði Illugskotta þrælakaupandi og þrælinn urðu frjáls. Óskaði honum gleðilegra jóla og hljóp inn.

Gleðileg jól gott fólk, ég er farin að sofa. Stór dagur á morgun í New York. Ps, hér væri ég líka til í að prufa að búa.

Það að eiga föt, svefnpoka, dúnúlpu og dýrmætar bækur gerir farangurinn minn mjög svo merkilegann. Var farin að ímynda mér lífið án lopapeysunar minnar góðu og bókanna sem ég er búin að sanka að mér í Kanödu..já var orðin svona nokkuð sátt við það að eiga einungis eitt par af buxum, eitt par af nærfötum, tvær peysur, einn jakka og eitt par af skóm. Enda var bjóraskinnið með mér í handfarangrinum og flottu indíána skórnir mínir.

En svo gerðist það furðulega, farangurinn minn kom seint í kvöld...ég reif allt upp og viti menn það voru fleiri búnir að rífa allt draslið mitt upp. Allt á rúi og stúi í töskunum.

Fórum í bæinn, náðum í bílaleigubílinn hennar Binnu. Kenndi henni að keyra sjálfskiptann bíl, út og suður um New York. Keyptum okkur jólatré og standara fyrir 15 dollara, ég prúttaði, það er það sem mér finnst ævintýralega gaman það er að prútta. Bara mér var sama þótt gaurinn myndi segja nei, það eru jólatré út um alla borg.

Á morgun mun ég komast út úr þessari íbúð á rölt með vini hennar Binnu sem ætla að sýna mér eitthvað af þessu risa epli sem aldrei sefur. Karen vinkona segir að þessi borg sofi aldrei og hún sé full af skrímslum.

Farin að sofa með bíla í eyrunum.

nú garga ég svo hátt að það kemur jarðskjálfti líka í New York og allir halda að þeir hafi orðið fyrir árás frá hryðjuverkamönnum.....farangurinn minn er ekki enn þá kominn. Einhver heilalaus gaur hringdi fyrir 4 klukkustundum, sagði að hann kæmi eftir 3 til 4 klukkustundir. Mér fannst hann vera feitur bara vegna þess að röddinn hans var feit..

Já nú er Illugaskotta alveg bandbrjáluð heill dagur farinn í hangs hér inni. En vann verkefni í staðinn sem þurfti að vinna hvort sem er fyrir jól.

Já hættan á hryðjuverkaárás er á næst hæsta skala. Miklar líkur á hryðjuverkum hér í borg. Æji ég veit það ekki, aðal hryðjuverkið er að allir eru hræddir og þannig virkar hryðjuverkið. Að halda fólki í hræðslu og stressi. Og fréttir fjalla bara um hvað Bandaríkin eru að koma á mikilli reglu í heiminum.

Afhverju athugar engin hvers kyns vopn þeir eiga og Breta bjánarnir???? Kannski vegna þess að Bretar og Kanar eru frekustu krakkarnir í sandkassanum og geta falið leikföngin sín,,og leikið sér með þau að vild án þess að nokkur annar fái að prófa.

Dæs og fnæs og pirr og væl. Ég er að verða brjáluð.....Binna er úti í bæ að ná í einhvern bíl, er að fara út á land á morgun hún í jarðarför.

Skrattans djöfull,,,sit hér heima að bíða eftir einhverjum andskotans farangri,,,get svo svarið fyrir það.....

New York er stór og þjónustan er hæg,,þeir eru að senda hann til mín í dag.

Veðrið er gott, það er hávaði úti,,bílar á fleygiferð.

Ég og bjórinn minn sváfum vel..

Jæja, loksins komst ég aftur í tölvuna. Sem sagt flaug frá Winnipeg til Toronto og lét framflytja farangurinn minn, sem voru mikil mistök. Ég beið eftir honum í 3 klukkustundir, horfði á færiband koma upp úr jörðinni, en aldrei kom kölski.

Var farin að tvístíga því klukkan var að verða flug til NY. Bókaði mig loksins inn, það tók ógnartíma. Þurfti að skrifa mikið á eitthvað grænt blað, flugnúmer og alles, klukkan hljóp áfram. Loksins komst ég að vegabréfaskoðun Bandaríkjanna. Þar var bara spjallað, ógurlega merkilegt að ég væri Íslendingur, hvað ég væri að gera og allt það.

Næsti gaur, vildi fá að vita hvort landið væri allt hulið ísi,,ég hafði sko ekki tíma fyrir þetta. Þurfti að hlaupa eins og djöfullinn til þess að ná flugvélinni minni. Þoli ekki flugvelli þegar maður þarf að hlaupa þá þvera og endilanga og svo lekur af manni svitinn þegar inn er komið í flugvélina.

Sat við hliðina á konu sem hafði lifað af þrælkunarbúðir Rússa í seinni heimstyrjöldinni. Hún hafði flúið nasistana frá Póllandi en fór úr öskunni í eldinn. Þessi kona er 82 ára, frá Póllandi. Við spjölluðum um lífið og tilveruna. Foreldrar henni dóu í útrýmingarbúðum nasista. Þegar ég spurði hana hvort henni fyndist þessir tímar vera langt í burtu eða það sé stutt síðan þeir voru þá sagði hún, að sér fyndist mjög stutt síðan.

Flugið var frábært hingað til New York, ótrúlega spennandi að nálgast borgina. Sjór, bátar, hús, brýr og fólk.

Tilkynnti farangur týndann við komu mína hingað, tók taxa hingað, spjallaði líka við Taxa gaurinn, ég var á einhverju spjall dæmi í gær. Hann var frá Dóminíska lýðveldinu, búin að búa í New York í 30 ár og elskar að búa hér.

Já, héðan er fólk allstaðar af. Kom til Binnu, hún að vinna, ég bara át samlokuna hennar fyrir framan hana, greip hana af disknum hennar, var að drepast úr hungri og þorsta eftir allt þetta flugvallarrugl.

Sofnaði fyrir framan TV, vaknaði, hringdi í flugvöllinn, talaði þar við tölvu sem vildi ekki meðtaka nafnið: Bjarnadóttir, sagði að þetta væri óskiljanlegt orð og hún skildi ekki baun, ég var farin að öskra á tölvuna sem var að tala við mig í símanum. Hvurs lags rugl er þetta að tala við tölvu?????

Jæja komst loksins í samband við einhverja lifandi manneskju....farangurinn er fundinn, kemur til NY í fyrramálið,,,og mun verða sendur mér einhvern tíma þá.

Annar líst mér vel á þessa borg,,,stór og margt að sjá. Louise vinkona mín ætlar að koma að hitta mig á föstudaginn.

Á morgun verður eitthvað gert,,,áhugavert. Skrítið að vera ekki í Kanödu lengur, en þangað fer ég aftur.

Komin til New York. Týndi farangrinum mínum en hann kemur einhver tímann. Bless þar til næst

sjö stiga frost. ég er búin að pakka,,,töskurnar mínar líta út eins og fylltir kalkúnar, þær eru að springa vegna of margra bóka.

Talaði við binnu áðan, hún er hress. við verðum hjá einhverjum vinum hennar á aðfangadagskvöld. Fáum kalkún og alles.

Er að bíða eftir Rosellu og Donald. Matur í kvöld heima hjá Karen, og New York á morgun....ég er mjög spennt.

Hvað gerir maður ekki,,,,ég held ég sleppi með mínar þungu bækur og þungu föt. mátt vera með 32 kg hér í Ameríku. Svo kannski kem ég 10 kg á Röggu þegar hún fer heim, greyið Ragga, ég er alltaf að níðast á góðmennsku hennar.

svo er ég með ísbjarnarkló um hálsinn, hún er ekki eitthvað sem þú sýnir tollinum í Ameríku, ég drep þá ef þeir taka hana af mér. Mun fela hana vel innan á mér. Svo á ég eftir að lenda í veseni með Bjóraskinnið mitt, þarf að segja hvar og afhverju ég fékk það.

Þetta er nú meira eftirlitið, ég á svo eftir að lenda í veseni þarna í Bandaríkjunum, finn það á mér.

Greyið Binna hún á örugglega eftir að þurfa að koma og ná í mig á flugvöllinn því ég mun lenda í veseni þar. Mun halda kjafti, lofa því. En mig langar svo að gera grín, en það er bannað.

Svo bara hendist maður til Evrópu,,,ég er ekki alveg tilbúin að fara, en það kemur.

Senda jólakort eitt stykki í dag. Svo læt ég jólastressið eiga sig, er að fara niður í bæ, hitta Garry Raven hann er með aðra gjöf handa mér, ég veit ekki hvað ég hef gert sem veldur því að ég verðskuldi svona margar gjafrir. Ég hef meira gaman af því að gefa en þiggja.

En gjöfug setning. Gott jólastress kæru vinir og ættingjar. Bare ekki gleyma að vera hress.

Ég fór með þungann kassa til að senda heim, við vigtun var mér tjáð að hann væri 41 pund um 21 kg!!! og að þetta myndi kosta mig um 300 $!!! að senda heim, sem er um 18. þúsund krónur. Ég tók kassann heim og fór að grisja hann aðeins.

Ég get ekki tekið með mér heim ljósrit, henndi þeim í Rosellu. En sem sagt Illugaskotta er að fá að kenna á því, því hún getur ekki staðist það að kaupa ekki,,,nota bene,,,ekki kaupa bækur.

Úff,,þetta er höfuðverkur....mun samt koma þessu heim sem eftir er. Sendi sjálfri mér póst á morgun alvörupóst bara í gríni.

Hildur frænka er að fara til Englands á morgun, hún verður þar um jól og áramót,,,en við getum samt ekki hisst, í Englalandinu. Ég er að fara út að borða með nokkrum skólafélögum, þar sem besta burritos fæst, næstum því eins gott og Burritosin á Kaffibrennslunni.

Ég sá mynd í gær í bíó, sem heitir "The Great North". Það var verið að sýna myndir frá Norður Kanödu og norður Svíþjóð. Fólk sem lifir af og með hreindýrum. Ég sá fjöll, dali, sjó, hreindýr á hlaupum. Vá,,þessi mynd var frábær. Það var frábært að sjá hafið....prufið bara að búa inni í landi í 3 mánuði án sjávar...það er furðulegt en góð reynsla.

Á morgun klára að pakka, taka ljósmyndir af skólanum og málverkinu af Þorgeirsbola. Taka farangurinn minn heim til Rosellu og við ætlum að taka hann í vigtun. Svo bara elda heima hjá henni, taka því rólega og fara í bíó,,að sjá myndina, "The Last Samurai".

Fólk er oft að tala um fyrri líf, ég trúi ekki á þau. Ég vitna aldrei í mín fyrri líf, því ég veit ekkert um þau og ætla ekki að láta einhvern spá bla bulli bulla í hausnum á mér. Ég á Tarot spil,,þau eru skemmtileg en ekki til að trúa,,bara til að hafa gaman af. Garnirnar gaula ég er svo svöng, ekkert til í húsinu því ég er að fara af landi brott.

þegar ég ropa núna þá kemur dádýrabragð upp í munninn á mér. var að éta pylsur heima hjá Rosellu, dádýrapylsur og svo kenndi ég henni að gera brúnaðar karöflur. Vorum að versla í dag, eða hún sko. Svo var farið að versla í matinn og þar sem við vorum bíllausar þá tókum við bara innkaupakerruna með okkur heim.

Það gerir fólk í Winnipeg, svo kemur þessi merkilegi "einhver" og fer með kerruna aftur í búðin.

Dádýrapylsurnar voru búnar til heima hjá Rosellu,,,dádýrið sem við veiddum.

Grein eftir mig hefur birst í VG blaðinu. Það væri gaman að sjá. Vil einhver sem ég þekki geyma þetta blað fyrir mig? Langar að sjá hvað er um að vera í þessu blaði.

Fimmtudagur, ég er að fara til Bandaríkjanna. Það er furðulegt finnst mér. Er byrjuð að pakka og það er leiðinlegt. Vil ekki fara héðan og vil ekki heim til Íslands. Afhverju ætli það sé? Því þar er raunveruleikinn minn, lokaverkefnið sem ég einhvern vegin dauðkvíði en hlakka líka til að takast á við.

Þreytan maður!!!!!!! Ég svaf ekki nema 3 tíma seinustu nótt, því þessi skrattans heimsku bjánar sem búa í þessu húsi voru með partý. Klukkan 430, fór ég að leita að símanúmerinu sem ég vildi hringja í, ég fann það. Þrumaði einhverju á öryggisgaurinn og partýið stoppaði eftir nokkrar mínútur.

Komst í draumalandið klukkan 5 í morgun, en var að fara í útréttingar með Karen klukkan 10 í morgun. Nóg að gera. Svo fór ég ásamt minni nýju fjölskyldu í bíltúr heim til foreldra Jane. Margt að sjá.

Miðvikudagurinn er að koma. Ég er að fara að senda heim bækur og annað drasl.

Veit einhver hver séu lögin með feldi sem maður vill koma með inn í landið? Ég er með sútað bjóraskinn, sem ég er dauðhrædd um að verði tekið af mér. Veit ekkert hvað þeir gera í USA eða Uk ef þeir sjá það...ef þið hafið einhverjar upplýsingar endilega senda til mín.

Dæs ég er alveg að fara að detta inn í draumalandið. Mig dreymdi fyrir stuttu að ég átti samtal við úlf,,lengi, og svo fyrir tveim nóttum stóð þessi risa skógarbjörn yfir rúmminu mínu. Vaknaði og þurfti að kveikja ljósið til að átta mig á því að þetta var draumur.

Í jólaboðinu sem var fyrir alla þá sem tengjast umhverfisnámi hér í Háskólanum þá kom til mín piltur sem kynnti sig og svo fór hann að telja upp allt sem hann vissi um mig. Ég væri frá Íslandi og væri hér í eina önn og ég væri á leiðinni heim og lokaverkefnið mitt yrði um þjóðsögur, þjóðtrú og umhverfið. Já hugsaði ég,,hann er nú aldeilis að kynna mig...Þetta fannst mér fyndið og sagði við hann: " Yes but you forgot to say that im Crazy!" Gaurinn hló ekki einu sinni, hann bara horfði á mig og fannst hann alveg nakinn fyrir framan mig. Hann varð já hneykslaður á þessari yfirlýsingu minni. En þetta var bara mitt grín, ég ætlaði að koma honum til að hlæja og koma honum í burtu frá þessum alvarleg heitum.

Illugaskotta hló bara og fattaði að hér væru tveir húmors menningarheimar að mætast. Sem skilja alls ekki hvor annan. og þetta var svona.

Ég Illugaskotta hef átt mjög oft erfitt með að átta mig á tímanum í gegnum tíðina. Hvernig sem hann er. Einhvern vegin þá flýgur hann eins og hraðfleygasti fugl eða skríður áfram eins og seinfarasti ormur. Núna er tíminn eins og hestur á feti. Ég vil ekki fara héðan, langar að búa úti í skógi við á og vatn. En það bíður mín verkefni heima sem ég mun taka mjög alvarlega og ég mun líklega giftast því verkefni.

Ég hef einungis skrifað tvö jólakort og mun láta þar við sitja. Ég vil aldrei drekkja mér í bakstri, jólagjafakaupum eða þrifum fyrir jólin. Jólin er tími til þess að fagna því að nú mun daginn fara að lengja og við getum glaðst með vinum og fjölskyldu.

Nýtt ár er að koma og ég hlakka mikið til þess, árið 2004 er að koma og ég Illugaskotta sjálf mun skríða inn í nýtt tímabil í mínu lífi, ég er að verða 30 ára. Ha!!! það var eitthvað sem var mjög svo fjarlægt fyrir 5 árum síðan en allt í einu fór tíminn að fljúgja og nú er að koma að þessum tímamótum.

Annars er ég hér heima eftir fínt jólaboð annað skiptið í þessum mánuði,,,nóg af veigum og mat. hikk og rop frá Skottunni mér.

Snjókoma, flugvellir á kafi og mikil seinkun á öllu flugi frá landinu í austur Kanödu. Meike meðleigjandi komst ekki til Þýskalands í gær, kom aftur í gærkveldi, og fór snemma í morgun.

Hollow Water/ Vatn hollt að innan. Heitir þessu nafni því að einu sinni fyrir langa, langa löngu þegar Ojibway fólkið var að vinna saman niður við Winnipeg vatn, þá fór einn indíáninn í göngutúr niður að vatninu. Hann gekk langa lengi og ákvað að taka styttri leið til baka. Með því að fara yfir ósinn þar sem áinn sem ég og Garry vorum á snjósleðunum endar í Winnipeg vatni. Þegar hann var kominn hálfa leið yfir ósinn þá réðst á hann risastór ormur sem kom upp úr vatninu. Ormurinn tók indíánann niður í holu sem er í vatninu.

Á þessum tíma var Ojibway fólkið mjög kraftmikið og í góðum tengslum við alla hjálparandanna. Þega indíáninn kom ekki aftur til fólksins þá ákvað fólkið að kalla á þrumufuglinn til þess að leita að honum. Þrumufuglinn fór af stað og fór einnig ofan í holuna í vatninu. Þar eru þeir enn, ormurinn, þrumufuglinn og indíáninn. En indíáninn er líklega dauður. Allt í kringum holuna í vatninu eru stór björg, sem hafa verið að brotna niður með árunum. Þetta hafa hinir þrumufuglarnir brotið því þeir vilja frelsa fuglinn sem er ofan í holunni með orminum. Þegar þeim tekst ætlunarverk sitt þá mun samfélagið í Hollow Water verða heillt. En núna er samfélagið þannig að fólk stendur ekki saman. Þessi saga er sönn, það segir sagnamaðurinn.

bestu kv frá Björk

jæja þá ferðin til Hollow Water var frábær. Garry býr við á úti í skógi. Við fórum að vita um gildrurnar hans, sem hann leggur rétt við ánna. Fórum á snjósleða upp eftir ánni. Svo var farið aftur í Svita hofið, og eftir það var farið á kosningastað. Þar var verið að tilnefna hver ætti að vera höfðingi og aðstoðarmenn hans.

Fárnalegt hvernig þeir þurfa að gera þetta. Þegar þú tilnefnir höfðingja eftir kerfinu sem ríksstjórnin leggur indíánum, þá verða þeir að skrifa sitt nafn undir. Allt pappír og skipulag frá ríkisstjórninni. Áður fyrr voru athafnir, allir sátu saman, borðuðu góðann mat. Og það var kosið eftir þeirra kerfi. Núna hlær fólkið af þessu og tekur þetta ekki alvarlega, bara eitthvað sem þarf að gera.

Jæja svo kíkt í heimsóknina til bróður hans Garrys, hans Raymonds. Hann er 54 ára, blindur vegna þess að hann er með sykursýki. Hann er frábær sagnamaður. Sögurnar lifnuðu fyrir augunum á mér.

Þeir hafa mikið álit á Íslendingum. Sögðu mér frá að Íslendingarnir höfðu alltaf verið að drekka vanilludropa!!! eheheh

En já svo kom sunnudagurinn, horft á video og hangsað. Svo var farið í snjósleðaferð niður eftir ánni og út á Lake Winnipeg. Keyrðum lengst út á vatnið og í kringum eyjur og hólma. Garry sýndi mér staði sem þeirra sögur tengjast. Black Island sem er helgur staður, stað þar sem snákur og eldfugl eru fastir ofan í jörðinni og svo hreiður eldfuglsins, sem er lengst uppi á hæð þar sem hann sér yfir og getur varað fólkið við hætta er á ferðum.

Gaman að keyra eftir ánni, skoða og skransa á sleðanum. Ég var á bremslulausa sleðanum því hann var skemmtilegri. Jæja haldið af stað til Winnipeg.

Þá skeði það!!! Við vorum að tala saman litum aðeins af veginum og ég sá það koma. Hratt og skoppandi, dádýr. Ég kallaði "Deer"!!!!. Garry gaf í til að komast frá því að keyra á það, en það lenti á hliðinni á bílnum, á hurðinni hans meginn og á brettinu. Svo flaug það yfir bílinn, yfir þakið á honum. Stukkum út, dádýrið stökk áfram út í myrkrið. Við vorum ekki alveg að skilja hvað hafði komið fyrir. Höggið var mikið fannst mér. Ef við hefðum keyrt aðeins hægar hefði það komið inn um framrúðuna. Ekki orð um það meir. Línan er þunn á milli lífs og dauða.

Ég er þakin gjöfum frá Garry, hann gef mér mikið af sögum og þekkingu, skó sem eru ótrúlega flottir skreyttir með perlum, lækningarætur, bækur frá bróður hans, bjóraskinn og bjarnarkló. Ég er í skýjunum eftri frábæra ferð.

Á morgun mun ég skrifa afhverju Hollow Water ber þetta nafn, Hollt að innan vatn.

allt gengur vel, skrifa meira seinna.

ferdin var best til Hollow Water. netid virkar ekki er ad nota Meike tolvu.

Set slóðina aftur inn fyrir þá sem hafa áhuga á að skoða Guardian greinina á netinu, þar sem fjallað er um nokkra ráðherra á Íslandi og menntun þeirra. Víst menntahroki að mati Umhverfisráðherra vors.

www.manitobawildlands.org

Ekkert meir ætti að vera að yfirgefa Kanödu á morgun en sem betur fer frestaði ég því um viku því það er svo margt að gera og skoða núna. Fer til Hollow Water í dag, kem aftur á laugardaginn.

Bless, bless.

ÞAÐ ER 30 STIGA FROST ÚTI!!!!!!!

Ég datt inn á dagbókina hennar þarna sem er umhverfisráðherra á Íslandi,,,fyndið því hún er að vísa í greinina sem ég setti slóðina inn á í gær....endilega kíkið á þessa grein í Guardian. en hér kemur dagbókar brot frá umhverfisráðherra inni í minni dagbók...sorry umhverfisráðherra þetta var bara áhugavert...vona að þetta sé í lagi.


Fékk senda rjúpnaveiðifrétt úr DV í morgun á faxi úr ráðuneytinu. Þar var eftirfarandi gullkorn haft eftir Eggerti Skúlasyni:
“Ég segi nú bara við Siv: Sveiattan” segir Eggert Skúlason og vísar til menntunar umhverfisráðherra. “Það er óþolandi að sjúkraliðar sem aldrei hafa stigið út í náttúruna skuli þykjast vera einhverjar náttúruperlur og ákveða svo jólamatinn fyrir okkur hin. Annars bý ég svo vel að eiga rjúpur í kistunni.”
Ja, hérna, um þessar mundir virðist vera vinsælt hjá hinum ýmsu skríbentum að vísa til menntahroka í umfjöllun um ráðherra, en fyrir nokkrum dögum birtist álíka viðhorf í grein um Kárahnjúkavirkjun eftir Susan De Muth í Guardian.
Þar sem ég hef haft gott samstarf við Eggert í gegnum tíðina ákvað ég að hringja í hann til segja honum að ég væri ekki sjúkraliði, sem ætti svo sem ekki að skipta öllu máli, heldur með BS gráðu í sjúkraþjálfun, sem er fjögurra ára háskólanám í Háskóla Íslands.

Hvort skiptir meira máli,,menntun eða reynsla í því fagi sem maður er að vinna að eða í,,,,?????? gaman væri að fá smá comment frá ykkur lesendur góðir,,,því þetta finnst mér áhugavert, vona að ykkur finnist það líka.

Ég persónulega hefi meiri trú á reynslu,,,ásamt einhverjum teskeiðum af menntun...en reynslan situr í fyrsta sæti.

Fyrirlesturinn gekk vel. Þetta var rosalega gaman. En, já það er alltaf en í öllum sögum. Illugaskotta er alltaf stundvís og hún ákvað að mæta klukkutíma áður til að setja tölvuna í gang og tékka hvort ekki allt virkaði, og viti menn það borgaði sig.

Einhvern vegin hafði það ekki komist áleiðist að Illugaskotta æltaði að nota tölvu og skjávarpa til að sýna myndir af hinum ýmsu skepnum sem búa á Íslandi. Og það var engin tölva og enginn skjávarpi og enginn vissi að það átti að vera tölva!!!!!

Adrenalínið fór að renna, úfff, hvernig átti Illugaskotta að flytja þennan fyrirlestur og engin tölva. Hún var með allar bækurnar,,,andskotinn sjálfur. Allt þarf maður að gera sjálfur annars fer allt til hans kölska. Sigrid bókavörður hringdi eitthvað og fyrir einhverja heppni var einhver reddari enn þá í vinnunni og þessi reddari þekkti annan reddara...og allt fór vel.

En var búin að hugsa þetta út án skjávarpa og án tölvu. Alltaf tilbúinn!!!! En það mættu um það bil 30 manns, mikið spurt, og hlegið. Fyrirlesturinn var tekinn upp á video og verður settur á netið!!!! Hummmm já,,,svona er tæknin ekkert einkalíf lengur...tíminn situr kyrr í tækninni.

Fínar veitingar, vínarterta, ostar, kex, ídýfur og grænmeti. Góðar samræður á eftir, margir með áhuga að vita meir um skepnurnar sem búa á Íslandi.

Ég var spurð hvort ég hefði séð drauga og hvort ég tryði að álfar og huldufólk væru til. og fleira og fleira....sveitin á morgun og fleiri ævintýri. Mikið er gott að vera ekki í skólanum.

og nú er bara að drífa sig út í frostið og ég er í síðu pilsi,,,,25 stiga frost úti. Ég mun nú deyja því ég er að fara eftir hégóma mínum að vera fín og þá verður mér kallt. Farin á minn eigin fyrirlestur.....mikið hlakka ég til jólanna.

Var að flakka um eina af þeim síðum sem ég skoða nokkuð oft, sem snertir á umhverfismálum hér í Kanada,,manitoba,,og hvað haldið þið að ég rekist á. Fann bara skjaldamerkið mitt, hið íslenska skjaldamerki, og það er verið að fjalla um Kárahnjúkavirkjun. Verst að þetta var ekki fyrr, en góð grein sem er vísað á.

skrolla aðeins niður og þá getið þið lesið áhugaverða grein á www. manitobawildlifelands.org,,,,,hyperlinkurinn er ekki að virka þess vegna er ég að gera þetta svona.

Hvaðan koma skrímslin? Úr okkar eigin haus eða annara haus?

Held bæði.

Fór inn í gamla byggingu hér í dag, flott maður. Stigar út og suður fannst ég vera komin í stiga atriðið úr Harry Potter, nema þessir stigar voru ekki að hreyfast úr stað. verð að fara að lesa þjóðsögur til að koma mér í stuðið sem er í kvöld. neita því ekki að ég er spennt, alla vegana 20 manns sem ætla að mæta,,

kaffi,,,ég er háð því,,,ef ég er ekki búin að fá kaffi eftir hádegi þá líður Illugaskottu ekki alveg nógu vel

Míkon Mí Íkwe,,,það er annað nafn á mér. Sem Garry gaf mér. Það er gaman að hafa nokkur nöfn,,,ég sjálf hef gefið mér nafnið Illugaskotta.

Hef einu sinni séð draug, nei tvisvar. Bæ bæ,,þar til næstu pælingar detta hér inn.

Það er 23 stiga frost úti. Úfffff,,,nú þarf ég að fara í föðurlandið góða. Ég ætla ekki að fá frosna leggi eins og í gær þegar ég labbaði heim í 18 stiga frosti. Þurfti að koma við í búð til að afþýða freðna leggi.

Þessi búð var eins og kjörbúðin gamla á Blönduósi, allt gamalt, hillurnar og loftið. Einnig súrefnið,,,kannski fór ég aftur í tímann.

Úff,,,farin að útrétta með Kuldabola á hælunum.

Fyrirlesturinn er tilbúinn, bara eftir að prenta út það sem mig langar að segja. Lesa yfir 3 sinnum og muna það.

Hringdi í Garry Raven, er að fara aftur til Hollow Water á fimmtudaginn með galdrakallinum honum. Verð þar fram á laugardaginn. Fór í hrísgrjóna mat til Manju það var gaman. Indverjar eru nægjusamir. Manju sefur á gólfinu í stofunni. Hann er ekki með skrifborð og ekki sæng. Bara teppi. Hummm..hann lærir í skólanum, hefur þar tölvu og allt. Já draslið sem ég er með miðað við hann. Illlugaskotta skammaðist sín fyrir sína vestrænu græðgi,, við getum lært margt af öðrum þjóðum.

Ég er bara að hanga á netinu. Skrifa tölvupósta og skipuleggja sjálfa mig.

Vil að pistillinn minn fyrir blaðið heima heiti "Kúrekar og indíánar". Gott nafn, fékk þessa hugmynd frá Guðrúnu vinkonu sem býr í Victoria á Vancouver Island.

Farin að sofa. Stór og skemmtilegur dagur á morgun. Allt getur gerst. Veit ekkert hverjir mæta, hvort margir eða fáir. Þetta verður spennandi.

Fékk tvö símtöl frá Íslandi í dag, það var gaman. Eitt að norðan og hitt að sunnan...

bless, bless.

Ég er þvílíkt að skoða öll þessi persónuleika próf,,,,og nú er þetta ég.


You are Form 6, Elfin: The Wyld.

"And The Elfin saw the evil and
misjudgement in the world and shot her arrow at
the sky. Bolts of lightning struck the earth
and gave the world balance and
growth."

Some examples of the Elfin Form are Demeter (Greek)
and Khepry (Egyptian).
The Elfin is associated with the concept of growth
and balance, the number 6, and the element of
water.
Her sign is the half moon.

As a member of Form 6, you are a very balanced
individual. You can easily adapt to most
situations and you may be a good social
chameleon. You aren't afraid of changes in
your life, but sometimes you evolve too
rapidly, leaving others to think that you are
leaving them behind. Elfin are the best
friends to have because they are open minded.


Which Mythological Form Are You?
brought to you by Quizilla

Ég rakst á þessa frétt á mbl.is í dag. Veit ekki hvað mér finnst um þetta....en segir margt þessi frétt finnst mér.

Landsvirkjun og Ferðafélag Fljótsdalshéraðs hafa gert með sér samstarfssamning til þriggja ára um eflingu ferðamennsku og útivistar á Snæfellssvæðinu.
Landsvirkjun mun á næstu árum aðstoða félagið við viðhald á Snæfellssskála og mæta hugsanlegu rekstartapi af þjónustu Ferðafélagsins við ferðamenn á svæðinu.

Landsvirkjun og Ferðafélag Fljótsdalshéraðs munu vinna saman að kynningu á þessu samstarfi og einnig við eflingu ferðamennsku og útivistar á Snæfellssvæðinu, en virkjunarframkvæmdir við Kárahnjúka eru taldar hafa í för með sér aukna umferð ferðamanna um svæði þar sem Ferðafélagið hefur skála sína.

Hvernig er það með skrattann og selja sál sína. Einhvern vegin kom það upp í huga mér þegar ég sá þessa frétt. Gott og blessað og allt það.

Ég mun aldrei binda trúss mitt við Landsvirkjun. Viðhorf Landsvirkjunar til náttúruverndar er furðulegt, kannski er ég svo mikill þverhaus að ég skil ekki neitt sem Landsvirkjun er að segja. En mér finnst þeir ekki bera virðingu fyrir landinu okkar. Landinu sem er eitt af fáum perlum í heiminum þar sem maður þarf ekki að hreinsa vatnið áður en það er drukkið. Ísland er land sem hefur alla möguleika á því að halda sé óbreyttu til þess að vera einstakt en okkar stjórnvöld vilja feta í heimskuspor Bandaríkjanna. Þar eru endalausar sorgarsögur um hvað hefði ekki átt að gera varðandi virkjanir þar. Þeir geta ekki tekið skaðann til baka.

Við erum að feta í sömu fótspor. Ásamt því að vinna orku fyrir Bandarískann álrisa. Sem mun menga okkar land. Fussum svei.!!!! Ég væri sáttari við þessa fjandans virkjun ef það væri verið að fara að vinna vetni með orkunni sem við Íslendingar gætum selt út. Nei það er einblínt á mengunar iðnað. sem mun framleiða ál sem mun fara í einhvern skrattann.

ég held ég sé að fara aftur út í sveit....sem betur fer.

allt verður logandi í partý rugli hér um helgina, ég er hætt að partýjast bara eitthvað annað núna. öll eins þessi partý.

arnold swartsenager er í sjónvarpinu verið að gagnrýna kosningarbaráttu hans. hann er þvílíkt heimskur, en það vilja þessir god dam yankees...

Hvað er að gerast heima á Íslandi? Hvað er með öll þessi rán, alltaf verið að ráðast á einhverja og endalaus innbrot?

Ég held að fólk sé orðið alveg klikkað, en hvað veldur? Veit það ekki, félagfræðingar og aðrir hausafræðingar ættu að fara að pæla í því.

Ég er bara að skrifa fyrirlestur hér heima hjá mér. Hitta fólk og tala og gala. Drekka kaffi og njóta þess að vera búin í skólanum. Fyrirlestur á miðvikudaginn. Grýla og hennar hyski og fleiri skepnur verða lifandi þá hér í Kanödu.

Ég seinkaði för minni til Bandaríkjanna, fer þangað 21. desember. Væri annars til í að flytja í hús úti í skógi hér í kanödu. Sé til. Er farið að langa til að setjast að einhvers staðar.

Bækurnar mínar vilja komast í hillur og ég sjálf vill eiga heima einhvers staðar. Kannski bara jóla eitthvað í mér núna.

Tröll eru æði. Kv frá Björk

Ég fór í svita hof, sweat lodge. Það var gaman. Ég svitnaði meira en nokkurn tíma áður. 3 klukkutímar í tjaldi úti í móa, með Indíána og öðru fólki. Mér líður eins og ég sé að breytast í hippa,,nei það mun aldrei gerast.

Það var ekki þurr þráður á mér eftir þetta. Eldur logaði úti, vindurinn blés en ég fann ekki fyrir kuldanum þar sem ég stóð úti við eldinn til að þurrka mig. Eftir svita baðið, var farið inn í húsið hans Garrys. Étið, drukkinn alls kyns vökvi,,en mest appelsínu safi og mikið talað. Garry vinnur mikið með jurtir, en ég komst ekki til að tala við bróður hans sem er sagnamaður. Verð að fara aftur til þeirra. Og gleymdi að fá að vita afhverju Hollow Water heitir þessu nafni.

Illugaskotta er ekki alveg tilbúin í þessa Bandaríkjaferð. Veit ekki alveg afhverju, eitthvað bara. Kannski mun Illugaskotta aldrei koma aftur til Íslands......eða týnast í Kanödu, eða gleyma sér hér í Kanödu. Allt getur gerst í sveitinni,,,ekki í borginni, sem er hrútleiðinleg.

Borðaði bestu súpu sem ég hef smakkað, gulrætur,hrísgrjón og annað grænmeti en það besta við súpuna var elgskjötið sem var í henni. Sterkt og kraftmikið kjöt.

Var að vesenast með Manju í dag, fórum í alþingishúsið og svo á markaðinn. Hitti þar Roselle, elduðum saman og fórum svo í bíó. Gott kvöld til þess að fara að vinna í fyrirlestri og ritgerð, og svo einhverjum pistli fyrir eitthvað blað heima á Íslandi. Allt á að vera tilbúið fyrir 10. desember. Hvað er þetta með vinnu, hún hleðst alltaf einhvern vegin á einn andskotans dag í dagatalinu.

ég kom svo seint heim, klukkan 11 í gærkveldi. Var búin á því, vegna þess að ég hafði vaknað klukkan 445 og svo var farið í þetta jólaboð NRI, og þar var bjór og aðrar guðaveigar. Gleymdum okkur í þessu öllu, og gleymdi bara tímanum.

Er að fara til Hollow Water eftir klukkutíma. Hitta Garry Raven medicen man og bróður hans sem er sagnamaður.

Bestu kveðjur til ykkar.

Auðvitað keypti ég bækur, tvær. Get ekki staðist þessar áhugaverðu og spennandi bækur og svo voru þær líka ódýrar og glænýjar, það er best.

Báðar eru þessar bækur um ferðalanga. Edmund Hillary sem kleif fyrstur Everest og svo er hin bókin um gaur sem lifir í Norður Kanada, ferðast um á kanó og er að skoða landið. Hlutir sem mig langar að gera. Ljósmyndir í bókinni af dýrunum, úlfum, hreindýrum, björnum og moskusuxum.
Verð að lesa um þessa fjarlægu staði. Get þá dreymt mig þangað,,,eða eitthvað.

Landkönnuðir voru og eru enn hugrakkir. Eins og Vestur Íslendingarnir. Mynduð þið hoppa upp í bát sem væri að taka ykkur til lands sem þið hefðuð aldrei séð og til staðar þar sem þið kunnið ekki að tala tungumálið? Kannski myndi maður ekki hika við það ef von væri á betra lífi.

Veit það ekki. Get ekki sett mig í spor þessa fólks. En hugsa samt svoldið um það hvernig þetta hafi allt saman verið hér.

Í dag er jólamatur hjá NRI þar sem ég er að læra. Ég gerði svoldið sem ég hef aldrei gert áður, ég keypti niðurskurðartertu til að koma með. Heima bökum við hana alltaf, niðurskurðartertuna. Köllum hana þessu nafni því við bökum hana í skúffukökuforminu og svo skerum við hana niður. Vínartertu eins og hún er kölluð hér. Fann hana í besta bakaríinu. Seinast kom ég með vísunda chillí og þá voru allir að spyrja mig afhverju ég hefði ekki komið með eitthvað íslenskt.

Nú hér kemur þetta íslenska,,,,och well. Sybbbinnnn vaknaði klukkan 445,,,nú er klukkan bara 910 um morgun,,,best að drífa sig út á bókasafnið og í útréttingar. Geisp hvað mig langar samt bara að fara að lesa bækurnar mínar.

ó vá,,,,Never Ending story er í sjónvarpinu....þvílíkt skemmtileg mynd. Ætla að horfa á hana. Tröll og einhyrningar....allt sem allir halda að sé ekki til er í þessari mynd.

Ég mun vakna klukkan 445 í fyrramálið,,,til þess að fara í mjög svo stórann morgunverð sem er mjög svo snemma um morguninn. Allur ágóðinn af þessu rennur til þeirra sem þurfa peninga,,hummm, það eru svo margir sem þurfa peninga, er ekki alveg að skilja hvert ég er að fara er kallað Winnipegs Harvest,,er að fara með Roselle og Donald hennar kærasta. Svo verður bókamarkaður en Illugaskotta má ekki ALLS EKKI kaupa fleiri bækur. Þær eru svo þungar og munu kosta skottuna yfirvigt ásamt sinni yfirvigt

En Illugaskotta kaupir bækur frekar heldur en föt, snyrtivörur og annan óþarfa. Bækur eru þarfaþing, þær eru skemmtilegar og fallegar, og einnig góð einangrun á veggi. Þá þarf maður ekki að kaupa myndir og annað drasl.

Helvítis meðleigjandinn kom með partýskepnur heim í gærnótt, ég alveg uppgefin eftir ferðalagið. Komst ekki fram úr til þess að urra. Hins vegar var ég með hávaða í morgun. Það görguðu margar grágæsir í herberginu mínu og ég skildi allt sem þær sögðu.

Það er svo gaman að gera öðrum illt. Það sagði Láki Jarðálfur.

Fór í bíó með 3 vinum mínum, Lalít var að keyra, við flugum um göturnar. Því hann kann ekkert að keyra í hálku og snjókomu. Hummmm,,,,,,var búin að segja honum að vera ekki að bremsa. En við sluppum við allt rugl. Best að drífa sig í holuna og svífa inn í draumalandið...ps mig dreymdi að einhver væri búin að stela jeppanum mínum og selja hann til útlanda. Mikið var ég reið, ég var að springa. En komst ekkert því ég var með nýfætt barn á handleggnum...ruglið í þessum draumum. Þeir fara versnandi.

Kom heim um miðnætti í gær eftir að hafa farið í veislu til Grassy Narrows. Allir komu saman í barnaskólanum, í íþróttasalnum, það var boðið upp á hádegismat og kvöldmat. En í millitíðinni voru lamdar trommur, mjög stórar sem karlmennirnir og strákarnir sátu í kringum. Einnig sungu þeir indíánasöngva. Raddir sem koma frá fortíðinni, nútíðinni og framtíðinni. Þetta var ótrúlega gaman. Takturinn lætur mann dansa með fótunum. Dönsuðum og bara hugsaði mig eitthvað í burtu. Fengum tóbak eitt skipti í lófann, dansað með það og svo setur hver og einn sinn skerf af tóbakinu í poka sem eru utan á trommunum. Veit ekki alveg afhverju en mun komast að því. Einhver gjöf veit ég.

Nokkrir fóru í swead lodge en ekki ég, ég hitti Garry Raven, Garry Hrafn. Og ég fer að hitta hann á laugardaginn. Hann er outfitter, er með ferðir á kajökum inn í skóginn, tekur fólk á veiðar með sér í marga daga og svo er það besta, hann er medicen man!!!! það er æði. Hann sagðist ætla að hafa sweat lodge þegar ég kæmi. Eina sem ég veit um sweat lodge er að það er heitt þar inni, eins og í gufubaði og konur mega ekki fara í það ef þær eru á tungltíma/blæðingar. Þeir segja að þær séu of kraftmiklar þá og rugli jafnvægið í sweat lodginu.

Hann sagðist hafa unnið með forfeðrum mínum hér í Manitoba. Merkilegt allt saman.

Er annars að grafa mig í gegnum draslið í herberginu mínu, Manju segir að herbergið mitt sé eins og piparsveins íbúð. En ég er piparmey. Hvað er þetta pipar rugl? Hef aldrei skilið þetta pipar dæmi.

Hitta fólk og taka mig til það er svona allt sem ég er að gera þessa daganna.

Komin aftur í einhver próf,,,nú er það persónuleikaprófið,,,hér er mín niðurstaða...



Fight Club!


What movie Do you Belong in?(many different outcomes!)
brought to you by Quizilla

Kötturinn hennar Lycar heitir Rúllupylsa!!!!!! HAHAHAHAHAH,,,,,,,vegna þess að þegar þau eignuðust þennan kött þá voru sár á honum, sem búið var að sauma saman. Þau litu út eins og rúllupysla.....

Vinarterta, pönnukökur, hangikjöt, rúllupylsa, afi, amma. Þessi orð nota þau enn þá í Gimli.

GIMLI!!!! Illugaskotta er búin að fara í menningarferðina miklu til Gimli ásamt Roselle, sínum einka bílstjóra.

Í gærkveldi var mér boðið í mat til Karenar og Desmonds og það endaði náttúrulega á einn veg,,,,,rauðvín, lítill svefn, og þynnka í dag. Ekkert annað.

En ferðin var frábær. Keyrðum til hennar frú Lycar. Hún tók okkur út um allan bæ. Fórum í bókasafnið þar var kort af Gimli og öll nöfn bóndabæjanna,,,þar á meðal hét einn bærinn Björk og annar Hnausar. Svo fórum við í barnaskólann að skoða huldufólkið. Þjóðfræðingurinn ég varð ógurlega spennt að sjá huldufólkið þeirra þarna í Gimli. Það eru sem sagt tveir dvergar með rauða hatta sem lifa á háaloftinu á skólanum. Þeir hoppa og skoppa út um skólann en voru einhvers staðar úti að leika sér þegar við komum. Það er búið að búa til 3 bækur um þessa tvo huldufólks dverga. Og smiða lítil húsgögn í húsið þeirra. Þetta var gaman að sjá.

Svo fórum við á safnið þeirra, horfðum á mynd um fyrstu lendingu Íslendinganna til Gimli. Þeir voru á prömmum sem voru dregnir af bátum. Stormur skall á og það var að skera prammana frá bátunum. Íslendingarnir ráku stjórnlaust um Winnipeg vatn en lenntu þar sem Gimli er núna. Um nóttina gisti fólkið í fjörunni og þar fæddist fyrsti Gimli búinn 1870 og eitthvað.

Svo fórum við að hitta gamla fólkið og spjalla á íslensku og ensku. Það var gaman en erfitt að tala við alla, mest allt heyrnalaust fólk.

Að lokum fórum við á staðinn þar sem Íslendingarnir lenntu. Á leiðinni til baka fór Lycar með mig að vikingnum sem er stytta úti á torgi og táknið fyrir Gimli. Hann er með hatt sem eru horn á!!!

Flestir sem búa þarna vinna í víngerðarverksmiðju sem framleiðir kanadískt whisky. Svo fórum við heim til Lycar, töluðum um íslenskan, kanadískan og úkraínskan mat. Roselle er ættuð frá Úkaínu. Lycar steikti fisk handa okkur og gaf okkur ís með heimgerðri íssósu úr rifsberjum. Sælgæti og ekkert annað. Þessi ferð var ótrúlega vel heppnuð.

Lycar sagði okkur að Íslendingarnir hefðu kunnað að veiða fisk, Úkraínumennirnir sem bjuggu þarna líka kunnu vel að yrkja landið og svo voru indíánarnir þarna sem kunnu á þetta allt. Allt þetta fólk bjó þarna og lærði af hvort öðru að lifa af í þessu landa sem er sjóðani heitt á sumrin en ískallt á veturna.

Ég er sybbin dagurinn á morgun fer í það að fara til Ontario að hitta Grassy Narrows aftur,,indíánana sem eru að minnast þess að á morgun er 1 ár síðan þeir lokuðu veginum fyrir loggurum,,,flutningabílum sem flytja trén úr skóginum þeirra. 3 tíma ferðalag og fullt af skemmtilegum hlutum að gera. Svita herbergi,,sweat lodge..og ég bara veit ekki meir.

Rok, stingandi kuldi, sól. Mánudagurinn 1.desember er í dag. Það er furðulegt. Ég sem sagt fór út í sveit og gat ekki látið vita að ég myndi ekki koma í mat hjá fólki hér í Winnpeg. Var búin að tína fjandans símanúmerinu og helvítis tölvupósturinn kom alltaf til baka. Ég var að fara út í sveit og allt að gerast. Ég varð að fara án þess að afboða komu mína.

Jæja svo var ég með smá samviskubit yfir þessu. kom heim í gær,,,greyið fólkið var í stressi að eitthvað hefði komið fyrir mig!!! Skilaboð á símsvaranum mínum,,,og samviskubikið sem var þúfa varð að fjalli.

Jæja talaði inn á þeirra símsvara, en ætla að hitta konuna í dag. Biðjast afsökunar á þessu rugli.

Bestu kveðjur til ykkar frá Björk.

Sveitarferðin var með því besta og meira en nauðsynleg. Vaknað klukkan 5 á laugardagsmorgun, ég, Roselle,,hennar kærasti og hennar tengdó..étinn stór morgunverður, keyrt af stað. Farið í kaffi til afa gamla og sonarsonarins. Keyrt aftur af stað,,allir,,farið á dádýraveiðar. Veiddum eitt dádýr afi gamli skaut það. "God deam Yankees¨!!!,,,hann þolir ekki Ameríkana.

Jæja,,,sól og blíða,,gengið fram og til baka á þessum dádýraveiðum. Erfitt að útskýra en hefði verið skemmtilegra ef maður hefði líkað fengið að hafa byssu. Kannski seinna. Eitt dádýr hljóp rétt fram hjá mér. Veiðum hætt um hádegi. Farið heim, étið. Æft að skjóta úr riffli og keyrt heim til mömmu hennar Roselle. Fínt kvöld þar.

Sunnudagurinn fór í það að hitta Husky hunda eiganda. Um 40 hundar sem hann á, og ótrúlega fjörugir hundar. Mig langar í einn Husky hund,,,en þá verð ég líka að hætta þessum flandri...
Sniðugur gaur sem á hundana. Er með hundasleða sem hann æfir þá á. Hann á einnig viðasög sem er krafmikil og lítil. Hægt að taka út um alla skóga. Svo étið meir. Farið í risa göngutúr í þjóðgarði, snjór, frost, rok, frosin vötn, tré, bjórahús, bjórastíflur og fullt af alls kyns fótsporum eftir alls kyns dýr. Bjarnheldar ruslatunnur.


Kom heim klukkan 20 í kvöld. Seinasti dagurinn í skólanum á mánudaginn 1. desember. Dóttir bróður míns var skírð á sunnudaginn var. Hún heitir Kamilla Mist Leifsdóttir.

Farin að klára seinasta verkefni ársins. Bless,,ps ég er loksins útitekin, hefur ekki gerst lengi.