Sællt veri fólkið. Það er allt búið að vera brjálað í vinnunni, allir alltaf að spyrja sömu spurningarnar. "Hvaðan koma hrafnarnir?" "Hvað eigið þið þessa hrafna" og áfram og áfram.En svo eru líka skemmtilegar spurningar...um allt það er viðkemur göldrum.

Ég fer í frí annað kvöld. Veit ekkert hvert bíllinn eða hugurinn mun bera mig. Ég hef verið að spá í að fara á þjóðlagahátíð á Siglufirði, eða á Fjallabakið, eða á Vestfirði fara þar á kajak í bátsferð á Hornstrandir og sigla yfir Breiðafjörðinn og koma við í Flatey. Veit það ekki, eða fara heim á Blönduós og liggja með tærnar upp í loft.

Manga hrafn vill alls ekki láta henda sér upp á þak eins og hveitipoka, hún andskotast um allt urrandi og bölvandi þegar ég hef verið að reyna að ná henni. Í kvöld hennti ég systur hennar upp á þak því hún vill ekki fljúga, síðan reyndi ég að ná Möngu. Hún bölvaði mér í sand og ösku, loksins stökk hún upp á bekkinn og upp á bakið á honum, þar var hún að vandræðast með það hvernig hún færi að því að fljúga þaðan. Ég kom til hennar og þá stökk hún upp á axlirnar á mér og síðan flaug hún upp á þak. Núna kúra þær systur saman upp á þaki, öruggar fyrir drekum og nornum.

Bjarni bró er komin til Spánar að ég held, Lára og Þorvaldur voru hjá mér í eina nótt og þau eru líka á leið til Spánar, hvert ætti ég að fara næst???? Mig og mér og þeim langar til Indlands.

Ég er í mínum pælingum en þarf að styðja þær með annarra manna pælingum. Þetta er meginkjarninn í þessu öllu.

Ætti ég að breyta um ritgerðarefni? Fara yfir í efni eins og
"Sögulegt yfirlit yfir þróun náttúruverndar á Íslandi" í staðinn fyrir
"Fornar upprunaútskýringar á náttúrunni í eddunni" ? Veit það svei mér ekki. Hitt er auðvelt og vel afmarkað, en verra en hrútleiðinlegt, en það gamla er margþáttað en ótrúlega skemmtilegt viðfangsefni, sem þýðir að í það fer mikil vinna.

Er bara að koma heilanum aftur af stað. Sólbrann í dag, eins og venjulega. Manga flýgur, hrafninn flýgur! en Imba er frek, opnar ginið og heimtar mat, vill helst ekki fljúga og vill láta mata sig. Manga sofnaði á handlegg eins túrhestsins, hraut með hausinn undir væng.

Á sunnudaginn verður hægt að horfa á úrslitaleikinn í fótboltanum, í gamla bragganum á Hólmavík. Þar verður breiðtjald og bjór, Lára og Þorvaldur koma líklega, því það verður bjór en einnig vegna fótbolta. Svo er ball með hljómsveitinni Hraun í Árnesi, Trékyllisvík á laugardaginn, og svo er kvikmyndahátíðin 101 Hólmavík að byrja á sunndaginn. Nóg að gerast hér, það verður draugurinn að segja.

Góður vinur Illugaskottu sem er ættaður frá Brekku í Sveinsstaðahreppi í Austur-Húnavatnssýslu rak upp risa stór augu þegar hann var að lesa heimasíðu umhverfisráðherra siv.is á mánudagskvöldið, en þar var mynd af bóndabænum Sveinsstöðum sem eru í Sveinsstaðahreppi í Austur-Húnavatnssýslu.

Ráðherra vor hafði barasta flutt Sveinsstaði, en undir myndinni stóð: Sveinsstaðir í Skagafirði. Humm, Sveinsstaðir hafa verið í Húnavatnssýslu í nokkuð mörg ár, alla vegana áður en hann fæddist, en það var árið 1969. Þetta gat ekki staðist,,,að það væri búið að færa þá yfir í aðra sýslu með hjálp umhverfisráðherra.

Vinurinn klóraði sér í hausnum og ákvað að láta vita af þessu. Hann sendi ráðherra tölvupóst. Ráðherrann hringdi í vininn í dag. Þakkaði honum kærlega fyrir að benda sér á þetta, hún gæti bara ekki gert honum Magga vini sínum þetta og að hún væri búin að leiðrétta þetta.

En þið sem ekki vitið þá býr Magnús á Sveinsstöðum. Vinurinn varð kátur þegar hann heyrði að búið væri að flytja Sveinsstaði aftur yfir í Austur-Húnavatnssýslu, og vonandi verður hann Maggi aftur kátur,,Maggi Sveinsstaðabóndi. Búin að fljúga þarna á milli sýslanna.

Annars þá skelli hlær marbendill núna, hann heldur um ístruna og hún hristist, hann liggur á gólfinu. Ég ætla að fara að hlæja með honum og svo ætlum við að elda flatböku og ræða um hafmeyjur og hafstramba.

Er í Reykjavík fram á miðvikudag. Allt farið í óreglu úr reglu, eins og vera ber.

Sem þýðir að ég verð að fara að byrja á skítverkinu ógurlega sem er ritgerðar andskotinn. Það er búið að vera fjör á sýningunni.

Illugaskotta fær oft þessa spurningu frá Íslendingum: "Ertu norn?" Þá segir Illugaskotta
"Enginn alvöru norn segir að hún sé norn, það skemmir galdurinn",,,,en bara svona meir í gríni.

Sumarið er flott hérna í Reykjavík, hef ekki komið hingað í júní í mörg ár. Furðulegt. Margt í býgerð hjá mér og Þórdísi, sem ætlar að koma að heimsækja mig á Strandir.

Föstudagur á Ströndum. Bjarni bró og Svava komu við á Hólmavík í gær. Sýndi þeim Galdrasýninguna og húsið mitt. Þau gistu á tjaldstæðinu en eru á leið á ættarmót hennar Svövu á Ísafirði.

Hér rignir. Hrafnarnir verða sífellt skemmtilegri. Þær tala og tala, en ekki mannamál. Er að vinna um helgina og fer líklega til Reykjavíkur á sunnudagskvöldið. Við tekur svo júlí mánuður með mikilli vinnu, því þarf að vinna mér inn frí fyrir endaðann júlí.

Bestu kveðjur Björk.

Nú er norðanátt, sem veldur því að Illugaskotta sefur meir en endranær, svaf til 11 í morgun, þar sem norðanvindurinn hamaðist inni í herberginu mínu þá svaf ég fastar og meir og meir. Dreymdi ferðalög um allt Ísland.

Hrafnarnir éta ótrúlega mikið, þær eru mikilar persónur. Manga verður alveg ægilega pirruð ef hún á að sitja á handlegg gesta, þá krækir hún fótunum saman og neitar að festa sig á handlegg eða öxl. Þá tek ég hana, set hana á jörðina. Hún andskotast þá í burtu í miklu reiðikasti. En ef ég á að taka hana og setja hana á minn handlegg, þá er hún hress og situr þar hreykin, enda fær hún alltaf að borða þegar hún situr á handleggnum mínum. Ekki er sniðugt að setja þær á öxlina á sér, því þær virðast alltaf skíta ægilega mikið þegar þær sitja á öxlum fólks.

Mér er farið að þykja ægilega vænt um þessar svörtu systur, en varð nú pirruð á öskrunum í þeim í gær, og setti þær í búrið sitt. Þá sofnuðu þær.

Þakið var slegið á Galdrasýningarhúsinu í gær, mikið gras. Einnig var búið að setja nokkur ný Brönugrös í eitt beðið sem var með mjög litlu og aumingjalegu Brönugrasi. Sá sem gróðursetti gaf sig svo fram seinnipartinn.

Það mun snjóa á hálendinga í kvöld, það er gaman.

Át soðin sel í hádegismat. Þetta er besti matur sem ég hef smakkað síðan ég fékk elgssúpuna hjá Garry úti í Canödu. Spikið og kjötið er eins og sælgæti. Vá! Selur er minn uppáhaldsmatur núna.

Hrafnarnir stækka ógnar hratt, og éta rosalega mikið. Ég hef varla við að mata þá af hundamat og fiski. Sólin er búin að vera hress hér í dag, allir í góðu skapi og nóg að gera.

Á von á henni Binnu í heimsókn í júlí, hún sagðist þurfa að sveitast eitthvað. Einnig kannski hann Einar, og einnig Þórdís. Binna og Þórdís hafa aldrei komið á Strandirnar áður.

Þetta er snilldar sumar. Ætlaði í Kaupfélagið eftir vinnu til að kaupa tekex, en lokað. Ét þá bara sel í staðinn.

farin og komin aftur á Strandir.

Fór norður heim á Blönduós, gekk á fjallið Spákonufellsborg á föstudaginn með Guðrúnu Ósk, við komumst ekki á toppinn, en það verður gert næst. Guðrún Ósk var með svo mikið hælsæri að ég lét hana ganga á sokkunum niður fjallið, hún fékk svo rafmagn í rassinn og datt í mýri,,fékk sko rafmagnið í rassinn þegar hún var að klöngrast yfir rafmagnsgirðingu með mér. Greyið, en hún var hress með ferðina. Sáum fullt af fuglum, blómun og yfir sýsluna okkar.

Síðan fór ég að Hólum í Hjaltadal, að heimsækja skólabróður minn. Fór þar í draugagöngu klukkan 22:00 um kvöldið. Það var magnað spennandi og skemmtilegt.

Svo tók ég því rólega heima, skipti um olíu og olíusíu, ásamt því að bæta olíu á gírkassann sem var frekar olíulaus...ég er skussi.

Manga er víst farin að fljúga,,Manga hrafn.
Bestu Kv frá Björk..ps, allir hressi á Blönduósi, alltaf gaman að koma heim.

Gleðilega þjóðhátíð!!!

60 ár síðan við losnuðum undan stjórn flatalandsins,, til lukku með það góðir landar. Nú er Illugaskotta farin að ganga um í miðaldabúningi í vinnunni, ég er sem sagt í kindaskinns skóm, serk sem eru í hör, hann er brúnn í jarðarlitunum og svo er ég með græn dökkt sjal úr ofinni ull, sem er fest saman á brjóstinu með víkinganælu úr silfri...og svo gerði Siggi belti á mig úr hlýraroði og ull og einnig hrafnaarm,,sem er úr hlýraroði þannig að nú get ég vafið því um hendina á mér og þar geta Manga og Imba, staðið. Ótrúlega flott múndering,,,ég á eftir að svífa aftur í aldir í þessum búningi.

Siggi heldur núna að hún Imba sé kall!! Nú versnar í því. Hrafnarnir eru ótrúlega skemmtilegar skepnur, með dreka tungur. Ég er farin að tala hrafnamál og þá er það orðið gott. Þær eru einnig miklar blómaáhuga konur, naga og klípa blómin í jurtagarðinum. Einnig velta þær sér upp úr blómum, stundum veltast þær um garðinn.

Nú skeiðar rauður með Illugaskottu austur á bóginn. Góða helgi til ykkar allra.

Ps, það var hringt í Illugaskottu í gær af SagaFilm, og henni boðið að taka þátt í gerð heimildarmyndar um Lagarfljótsorminn. Þetta verður seinustu vikuna í júlí, er að hugsa um að taka þessu kostaboði. Þarna verður fólk úr öllum áttum: skrímslafræðingur frá Evrópu, íslenskur skrímslafræðingur, ljóðskáld, kafarar, flugmenn, þjóðfræðingurinn ég.. og fleira og fleira fólk. Allt uppihald og ferðakostnaður er borgaður. Þetta getur ekki annað verið en skemmtilegt.

Lífið er skemmtilegt.

Sælinú!

Illugaskotta heldur barasta að það sé alltaf gott veður á Ströndum. Er núna á Kirkjubóli. Ester er að baka, fæ mér á eftir heimabakað rúgbrauð hjá henni. Elska allt sem er heimabakað og er brauð eitthvað. Ég og Ásdís erum búnar að hamast í herberginu sem verður mitt. Máluðum það hvítt, og ég má svo mála á veggina það sem mér dettur í hug. Hef hugsað mér að mála fjöll og galdrastafi, ásamt því að mála "medicen wheel" í loftið. Sem er tákn frá indíánum. Venjulega hef ég haft stjörnur í loftinu hjá mér, svo er glugginn minn stór og flottur. Þetta verður nú flottasta herbergið á Hólmavík og líklega líka á Ströndum.

Var að tala við Fríðu vinkonu áðan, hún býr í Danmörku. Kannski fer ég á miðaldarhátíð í Danmörku í endaðan ágúst. Sé til. Allar helgar eru eitthvað bókaðar. Ragga vinkona og hennar foreldrar koma á Blönduós um helgina. Það er jarðarför Þórðar Pálssonar, frænda. Hann bjó til besta reykta urriða sem ég hef smakkað. Kann ekki að reykja fisk eða kjöt, það væri gaman að kunna.

Verð að fara að byrja aftur á ritgerðinni minni, því ekki langar mig að hafa hana hangandi yfir mér það sem eftir er míns lífs.

Farin út í sumarið.

Sunnudagur. Draugar og aðrir árar hoppuðu og skoppuðu um allt Sæberg í nótt. Illugaskotta hvorki svaf né neitt annað. Fannst alltaf einhver vera að koma.

Hitti hana Margréti sem vann með mér á leikskólanum Lindarborg. Hún kom á Galdrasafnið ásamt nokkrum samstarfs konum. Það var gaman að hitta hana. Sagði þeim frá galdramálum og nokkrum göldrum. Siggi tróð upp sem galdramaður og kvað niður draug með þeim.

Imba og Manga fóru á Kaffi Riis, til að láta taka myndir af sér með starfsfólkinu þar. Það var flott.´

Fór í langan göngutúr eftir vinnu. Fylgdist með æðarkollum og blikum, sem voru að rífast um unga. Fann flottan klett sem er úti í hafinu, Steingrímsfirði.

Murra og mala, það gera Manga og Imba hrafnar Galdrasýningarinnar þegar þær eru orðnar saddar. Í dag eru þær búnar að borða: fugl, hakk og hundamat, ásamt hundavítamíni. Þær verða oft mjög þreyttar,,,liggja þá í blómabeðunum með haus undir væng. Þá set ég þær í laupinn sinn, svo fá þær að hoppa um garðinn.

Það rignir vel hér á Ströndum, sem er gott því hér er búinn að vera þurrkur í marga daga. Nú mun gróðurinn spretta hratt. Var að klára að lesa bókina "Saga Litla trés", ágæt bók uppvaxtarsaga indjána sem elst upp hjá afa sínum og ömmu. Núna er ég að fara að lesa "Gunnlaðar sögu" sem er eftir Svövu Jakobsdóttur. Hef ekki í 7 sumur getað lesið eða hugsað. Þetta er eitthvað nýtt og sniðugt.

Er að þurrka jurtirnar sem ég fann á flandri mínum um Goðdal, og svo mun ég fara að búa til jurtasmyrls. Það verður nú spennandi. Illugaskotta er einnig farin að fara í klukkustundar göngutúr hvern einasta morgun. Það er gott. Pabbi á afmæli í dag, hann varð 57 ára í dag. Hann segir að tíminn líði allt of hratt, það er líklega rétt hjá honum. Hlakka til að sjá þau öll um næstu helgi.

Skúraði forstofuna!

Fór svo í ferðalag, inn í Goðdal. Týndi grös, fór í bað í heitum læk og æddi aftur til baka. Fór svo í sund á Klúku. Sundlaugin er svo heit að kaldasta fólk myndi bráðna.

Svo dreif Illugaskotta sig af stað á fullu gasi til Hólmavíkur til að komast í ríkið fyrir lokun. Þá drap ég næstum því sjálfa mig og mann í gráum bens. Hann tók fram úr bil sem var að koma á móti. Munaði engu.

Hræðilegt ef ég hefði drepið mann bara vegna þess að ég var að drífa mig í ríkið.

3 vinnudagar framundan. Nóg að gera, klára blómaspjöldin, leika mér við hrafnana og leiðsegja fólki um sýninguna.

Nú eru hrafnarnir komnir á sinn stað. Nöfn þeirra eru Galdra Manga og Galdra Imba, sem voru og eru hinar mestu galdrakonur. Corvus corax er nafn hrafna á latínu. Galdra Imba skeit á bakið á Illugaskottu, sem var að monta sig með Imbu á öxlinni.

Sólin er búin að skína í allan dag. Búin að koma mörgum af mínum málum á hreint,og mun klára allt pappírs stand á morgun. Sat úti á tröppum í dag í sólinni: raðaði pappírum, skrifaði reikinga, sorteraði draslið mitt, gramsaði í töskunni minni, týndi pennanum, fann pennann, skoðaði hrafnana, hlustaði á sjóinn og kríurnar. Hugsaði: Þetta er ljúft líf.

Klifraði hálfa leið upp í Kirkjuturninn á Hólmavíkurkirkju, það eru stillasar utan á henni, fékk lofthræðslukast og sat bara við þakið og glápti yfir bæinn. Jón arkaði upp í topp og tók mynd af skjálfandi draug og öllum bænum,,,,þetta var fúlt, hef ekki upplifað svona lofthræðslu fyrr, kannski bara af því ég er draugur.

Vinna um helgina,,,,fer austur heim,,á Skagann þar næstu helgi,,sem ég sé héðan frá Steingrímsfirðinum, þá er fyrirhugað að klífa upp á Spákonufellsborgina af mér, Hugrúnu systur og Bjarna bróður.

Sagan segir að í Spákonufellsborg hafi Þórdís spákona setið í fornöld, kemt hár sitt með gullkamdi, og horft yfir Húnaflóann. Þegar hún dó, þá lagði hún þau álög á allt það gull sem hún átti í kistu einni og geymdi í Spákonufellsborg að sú stúlka myndi erfa allt gullið, sem væri óskírð og hefði aldrei heyrt guðsorð. Enn er gullið í Spákonufellsborg, og ekki mun ég erfa það, en kannski einhverjir af mínum afkomendum.

Miðvikudagur við Steingrímsfjörð, sól og svali frá sjónum.

Í gær byrjaði að bubbla í klósettinu á Galdrasýningunni, ég vissi að þetta var ekki dreki, þetta var líklega klósettstífla. Og stífla í lagi!!! Hélt í mér í tvo tíma, hljóp heim eftir lokun sýningarinnar, og viti menn..heimkeyrslan full af rækjuvatni..Kjallarinn var fullur af vatni frá rækjuvinnslunni, lokaði bara hurðinni. Var ekki að trúa þessu, hljóp niður á veitingastaðinn til að komast á klósett, rakst þar á Jón sem æddi heim í hús móður sinnar.

Illugaskotta hatar ekkert meir en rækju, rækjuvinnslu, rækjulykt...enda vann hún í rækju í tvö sumur. Þvílíkur viðbjóður, þetta var sem sagt stífla í affalli frá rækjuvinnslunni...og ojbarasta. Ég, Jón, Addi og Ásdís bárum um það bil 150 lítra af vatni út úr kjallaranum. Loksins gátum við stoppað flóðið og sem betur fer flæddi bara á ganginum en ekki inn í hliðarherberginn. Meðan ég skrifa þetta hér úti á Kirkjubóli þá læðist rækjulyktin inn í nasirnar á mér..mér kúgast.!

Núna ilmar Sæberg af rækju! Ég ætla aldrei aftur að borða rækjusamloku eða neitt sem tengist rækju. Svaf samt ógnarvel því ég og Ásdís fórum í sund í Bjarnarfirðinum sem er með flottari stöðum sem ég fer á.

Nú er ég að útrétta, græja og vesenast í tölvunni, hringja og bla.
Mikið að gera í mínum málum.
Kv frá Skottu rottu.

Er komin aftur á Strandir, vona að nú geti ég farið að koma mér fyrir í mínu nýja herbergi, ásamt því að sortera bókhald og önnur blöð, koma mér í plöntusöfnun, jurtasmyrsla gerð og önnur nornastörf.

Ferðin suður var góð.

Á laugardaginn var ég úti á túni með Þórdísi að burðast með folald sem hafði fæðst um nóttina en vildi ekki og gat ekki sogið merina, mömmu sína. Þetta var nú meira basslið, en með þrjóskunni þá tókst að koma honum til að sjúga. Illugaskotta var öll út í merarmjólk í andlitinu og upp um allar hendur. Ég hélt folaldinu uppi við spenana á merinni, á meðan Þórdís mjólkaði framan í hann og reyndi að láta þennan stóra folalds strák læra á þetta. Allt í einu fattaði hann hvað átti að gera. Það sem eitt folald er þungt, þessi var um það bil 25 kg.

Þrjóskan er góður kostur myndi ég segja, og hljóðið sem heyrist þegar folald sýgur í fyrsta skipti er hljóð sem ég myndi segja að væri eitt af lífsins hljóðum, sog og garnalæti í folaldinu! og einnig vissa um að nú myndi hann lifa þetta allt af.

Síðan varð ég að fara í peysufötin, því ég var á leið í brúðkaup. Fínasta brúðkaup, og ég var sú eina sem var í peysufötum, það var fjör, en ekki þegar fólkið tók upp á því að dansa og rokka, þá ákvað Illugaskotta að nú yrði hún að fara heim að sofa, sem var nú um 3 um nóttina. Brúðhjónin Lára og Þorvaldur voru hress og allir hinir líka. Í miðju brúðkaupinu þá fór ég í 30 afmælið hennar Röggu, það var fjör lika og margt um gott fólk þar.

Bless frá Illugaskottu, sem þarf enn þá að finna Fjandafælu sem er planta.

Er komin suður.

Gisti í Dallandi sem er frábær staður, dýr og plöntur og fullt af öðru áhugaverðu.

Ragga er 30 ára í dag, til lukke gamle ven.

Ég er að stressast á þjóðarbókhlöðunni, auðvitað voru bækurnar ekki til sem ég bað um að væru á einum stað! en svona er þetta.

En dagurinn byrjaði vel, fór í tollinn tróð kvittunn í rassgatið á þeim! um að ég hefði ekki keypt það sem mér var sent, sem var mín afmælisgjöf frá Skotanum klikkaða. Og ég þurfti ekki að borga gjöfina mína út,,það lak af þeim fýlan, og ekki brosir þetta fólk.

Illugaskotta stökk hæð sína í loft upp í öllum herklæðum þegar hún stökk út í sumarið með þessa fínu afmælisgjöf.

Brúðkaup á morgun og allt er brjálað!!! og líka afmælið hennar Röggu,,hvar endar þetta allt!?

Í dag var meira unnið á Galdrasýningunni, ég er búin að finna út hvaða plöntur vantar og allt það.

Fórum áðan að skoða hrafnana tvo sem munu búa fyrir utan sýninguna,,þeir görguðu og görguðu. Mötuðum þá með brauði, þá stoppuðu þeir aðeins enn goggarnir á loft aftur,,,meira gargið í þeim, hrafnar eru víst alltaf svangir.


Fór norður í Bjarnarfjörðinn í kvöld, kom mér í laug Guðmundar góða, en sat bara á laugarbakkanum og sullaði, enda eins gott, var öll bitin af einhverjum óára. Mikið um toppendur hér á Ströndum, sá einnig mikið af álftum, æðarfugli og straumöndum. Það er gaman að skoða fugla.

Það var verið að þvo sundlaugina sjálfa, þannig að ég fór í heita pottinn sem er náttúrulaug, þvílíkt flottur, heitur, þægilegur..og allt það. Síðan fór ég til Magga á Bakka til að fá hjá honum nokkrar plöntur.

Við fórum að þræta! Já, geri Illugaskotta betur, ég og hann erum ekki sammála um plöntuna Lúpínu! sem Illugaskotta er ekki hrifin af en Maggi er það en hann hatar eitthver gras, sem ég man ekki hvað heitir.

Við þrættum um þetta þó nokkra stund, þar til ég sagðist ekki vilja tala um þetta meir, enda var draugurinn orðinn leiður á þessu þrasi. En kall vildi ekki hætta og þusaði meir um lúpínuna og þetta gras sem mun víst drepa okkur öll! Þetta bévítans gras! Hlátur núna en mér var orðið býsna heitt í hamsi, en fyndið eftir á. Nú er ég komin með lyfjagrasið, maríustakkinn og hvönnina, en vantar aðal gelluna, fjandafæluna.

Sem er að fela sig einhvers staðar í Kaldbaki, sem er fjall hérna á Ströndum. Ég og Maggi munum fara að finna þetta gras, það verður gaman. Þá munum við þrasa endalaust og þetta gras og þessa lúpínu og klífa fjallið.

Hvað ætli komi lifandi af fjallinu Kaldbaki? Ég, kallinn eða fjandafælan sjálf? Eða við öll saman? Það verður áhugavert að sjá.

Þrifum allt hátt og lágt á sýningunni, lærðum á kassann og erum að vinna í svæðinu fyrir utan sýninguna. Illugaskotta tók öll blómabeðin í gegn, reif arfa, hreinsaði og skráði niður þær galdraplöntur sem eru þarna og þær sem vantar.

Það vantar: hvönn, maríustakk, lyfjagras og hvítsmára. Þetta eru allt plöntur sem auðvelt er að nálgast hér í nágrenninu. Einnig vantar að setja smá mold í beðin.

Fékk góða gesti í dag, Ragga, mamma hennar og frænka þeirra. Fórum í sjoppuna hér á Hólmavík og fengum okkur sjoppufæði!!! sem er algjört æði.

Fór svo seinni partinn að versla mér í matinn, og fann þá kaffikönnu sem er alveg eins og mín, en Siggi Atla hefur átt í ástarsambandi við mína könnu sem veldur því að ég var orðin afbrýðissöm, þannig að draugurinn keypti könnuna, pakkaði inn og gaf kalli.

Hann skildi ekkert í því hvaðan þessi pakki hefði komið, ég sagði að kona í Kaupfélaginu hefði gefið mér hann og ég hefði átt að láta Sigga fá þennan pakka. Þá kom svipur á kall, og hann sagðist ekkert opna einhverja ómerkta pakka sem einhver kona væri að senda honum. Þá hló Illugaskotta hátt!! Þetta var fyndið, en sagði svo að ég væri þessi kona. Þá mildaðist hann, reif upp pakkann og brosti hringinn, hann varð ástfanginn af könnunni, og nú á ég mína alveg alein!

Góður dagur á Ströndum er að líða, hér er gaman að vera. Nenni alls ekki suður en þess er víst þörf.

Komin á Galdra Strandir. Veðrið er sól,blíða, kríur og kindur niðri í fjöru að jappla á þara og kannski dauðum marbendlum.

Mikil umferð að vestan og eitthvert suður á bóginn. Sumarið leggst vel í mig.

Fékk góða gesti í gærkveldi, sem voru að koma úr Skagafirðinum.

Skil ekkert í þessu öllu saman hvað allt breytist hratt og hvað maður er alltaf að prufa eitthvað nýtt.

Er að fara að vinna hér á Galdrasafninu í sumar, lesa margt og mikið um galdra, tala við fólk, skrifa lokaverkefnið mitt,,,(hlátur) og vinna í laugargrein um laugar að fornu, þjóðtrú tengda laugum og nytjar áður fyrr af laugum. Þetta mun svo birtast í laugarbók sem við nokkur erum að fara að skrifa saman. Alls kyns vitneskja um laugar á Íslandi, að fornu og nýju. Arkitektar munu skrifa, og einhverjir fleiri fræðingar.

Farin út í sumarið.

Veðrið gæti ekki verið betra. Á Blósnum er sól og blíða. Ætlaði að draga Hugrúnu í bíltúr en hún stökk í pottinn, letihaugur hún. Ofvirknin ég.

Búin að bóna bílinn, þrífa, laga hitt og þetta í honum.

Setja niður kartöflur með pabba og Hugrúnu, éta kökur og góðan heimamat. Slappa af og sofa. Klipa köttinn og njóta þess að vera til.

Fer á Strandir á morgun, verð komin þangað um hádegis bil, til þess að hitta á Röggu og hennar fólk á Hólmó, en þau eru að koma frá Bolungarvík.

Sumarið er æði, fyrir norðan er gott að vera. Fuglar og flugur á ferð og flugi, ég líka.

Tra la, la, la.

Norður fer ég í dag. Þarf fyrst að fara: Í Sölku, kaupa linsur, Tæknigarð, HÍ Aðalbyggingu að skrá mig úr útskrift, Þjóðarbókhlöðu bækur og ljósrita. Hitta Röggu og Valdísi í hádeginu. Kaffihúsið Bleika dúfan, þeir ætla að selja bókina mína. Viðtal í Mbl, en þar á ég að segja frá starfi landvarða, kveðja ömmu. Keyra út úr bænum, versla í Bónus í Borgarnesi...og fara heim í burtu frá lygum, ásökunum og öðrum leiðindum.

Verð á Blósnum um helgina, fer vestur á Strandir á mánudaginn til að taka við nýjum störfum og flytja í nýju 6000fm íbúðina mína. Það er ekki slæmt.

Svo kem ég suður á fimmtudags kvöldið, vinna á þjóðdeild á föstudaginn, fara í brúðkaup og 30 afmæli á laugardaginn. Norður á sunnudaginn. Þetta er nú meiri flækingurinn.

Dagurinn á morgun fer í að vakna! Vinna fram á daginn. Skrifa bréf. Pakka fötunum mínum og taka niður myndavegginn sem mun fylgja mér í mitt nýja herbergi á Ströndum.

Föstudagurinn fer í að snattast, hitta Röggu í hádeginu, versla í Bónus, tala við LÍN, kveðja ömmu,og keyra norður í Ísbjarnarsýsluna,,,,Húnavatnssýslu, mína sýslu. Ég fer svo á Strandirnar á mánudaginn til að byrja ný störf.

Ég er búin að ákveða að sannleikurinn skuli koma, hvað sem tautar og raular. Ég vil að það komi fram afhverju Dagný Bergþóra Indriðadóttir var ekki ráðin til starfa sem landvörður en fólk án landvarðarréttinda og reynslu er ráðið til starfa sem landverðir.

Fánamálið spilar hér stórt hlutverk. En allir þegnar þessa lands hafa rétt til þess að hafa skoðanir og tjá þær.

Ég viðurkenni að ég óhlýðnaðist mínum yfirmanni en það var vegna þess að ég var að berjast fyrir réttindum landvarða og einnig fyrir því að Umhverfisstofnun myndi gera náttúruverndarþættinum hátt undir höfði í Herðubreiðarfriðlandi og Öskju. En sú varð ekki raunin. Umhverfisstofnun tekur hvað eftir annað upp hanskann fyrir Ferðafélag Akureyrar. En Umhverfisstofnun stendur ekki með sínum starfsmönnum. Hvað veldur? Svari hver fyrir sig.

Ég segi um þetta mál: "Heggur sá er hlífa skyldi"

Hana nú, ég mun ekki þreyta ykkur meir með þessum skrifum.

Rottan er róleg, turninn er góður staður til að búa í. Siggi Atla eldaði dýrindis steik í kvöldmat og gaf mér bjór með. Ég er alsæl, enda kann ég að njóta góðs matar en ég kann ekki að ljúga. Það er eitt sem víst er.

Skál og étið skarfakál, þá fáið þið ekki skyrbjúg.

Það er stutt í júní. Ég er ekki enn þá búin að koma mér út úr húsi í dag, er þreytt eftir átök gærdagsins.

En er að fara á Kaffi Mílanó að hitta tvær úr umhverfisfræðinni. Síðan held ég galvösk í verkefni gærdagsins sem er orðið verkefni dagsins, að safna heimildum á Þjóðarbókhlöðunni.

Stefni fastlega á útskrift í haust. En annað er óráðið með mitt líf, sem er spennandi. Er kannski að fara til Ameríku aftur, kannski að vinna með Guðjóni að hlaða úr torfi og grjóti, kannski að vinna áfram í lokaverkefninu, kannski að fá mér einhverja vinnu hér á Íslandi, kannski fæ ég barasta enga vinnu því að Árna Bragason segir það! smá grín á hans kostnað og minn, að minnsta kosti fæ ég ekki vinnu hjá Umhverfisstofnun.

Það er yfirlýsing frá mér í Morgunblaðinu í dag. Ég er ekki hress með það að ósætti landvarða frá því í fyrra við FFA sé blandað inn í þetta mál. Fánamálið og samskiptavandamál okkar við FFA eru aðskilin mál. Skrítið að Umhverfisstofnun standi með FFA, en ekki starfsmönnum sínum, starfsmönnum sem unnu 100% með náttúrunni þarna upp frá. Við vildum slíta samstarfi vegna þess að við getum ekki sinnt fræðslu eða eftirliti, því 80% okkar tíma fer í vinnu fyrir FFA og 20% í fræðslu og eftirlit. Þannig að friðlandið ber skaða af því að landverðir geta alls ekki sinnt því!!! Þess vegna þarf að slíta samstarfi. En það er ekki gert. Við sem unnum þarna upp frá vorum ekki að skemma 30 ára farsælt samstarf við FFA. Seinustu ár hafa landverðir átt í miklum vandræðum að vinna með FFA. Þetta er ekki ný bóla.

Illugaskotta huxar margt. Megið þið eiga ævintýranlega dag. Það ætla ég að gera, vonandi mæti ég tröllum og drekum í dag. Nóg var af þeim í kringum mig í gær.

Það er allt búið að vera brjálað í dag. Búin að hendast niður á Alþingi hálf sofandi, hlusta á þingpöllum og fara í viðtal í útvarpið og meir og meir. Fundur í kvöld. Margt er óhreint.

Í samtali Dagnýjar Bergþóru Indriðadóttur við Árna Bragason mánudaginn 17. maí kom fram að ég, Illugaskotta mun ALDREI!!! fá vinnu aftur hjá Umhverfisstofnun. Þetta er leitt að heyra og er þetta vegna þess að ég á að hafa óhlýðnast skipunum hans. Ég óhlýðnaðist honum, það er rétt, en það gerði ég til að berjast fyrir réttindum landvarða. Einnig tjáði hann sig við hana um skýrsluna sem ég hafði skrifað. En hann sagði að hún hefði verið eins og blaut tuska í andlitið, það væri fáranlegt að leyfa hverjum og einum landverði að skrifa sína skoðun og svo sagði hann að ég fengi aldrei vinnu þarna aftur. Hvað gengur þessum manni til? Afhverju segir hann þetta ekki beint við mig?

Mér finnst furðulegt að Umhverfisstofnun standi ekki með starfsmönnum sínum, þá meina ég landvörðum.

Þetta er skrítið land, ég hef ekki áhuga á þessu bulli, þetta er leiðinlegt mál. Það er leiðinlegt að Dagný fái ekki vinnu því hún hefur skoðanir á náttúruvernd og er ekki að hylja þær skoðanir.

Illugaskotta er samt hress, lífið er skemmtilegt, ég á marga góða og sterka vini, ég er að segja satt, ég berst fyrir náttúrunni. Að eiga góða vini og sterka fjölskyldu er fyrir öllu, einnig að hafa góða heilsu. Þessu fólki skal ekki takast að skemma neitt fyrir mér.

Þeir sem vilja kynna sér þetta mál er bennt á síðu Ögmundar Jónassonar. ogmundur.is

En þar er hægt að skoða þau skjöl sem Umhverfisstofnun sendi Illugaskottu/Björk, vegna þessa svokallað fánamáls, ásamt þeim svörum sem ég sendi.

Það er margt um óréttlætið í þessum heimi og einnig á Íslandi. Ögmundur Jónasson tók á einu af fáum mála sem tengist óréttlæti. Illugaskotta fagnaði. Þetta var það sem þurfti. Ögmundur sagði t.d. þetta sem er hér feitletrað.

Þá minntist hann á að landverðir sem mótmæltu í fyrra framkvæmdum á hálendinu yrðu ekki endurráðnir í sumar. „Ætlum við að láta ríkisstjórnina komast áfram upp með þessi vinnubrögð? ... Það er kominn tími til að beina íslenskri pólitík inn í annan og uppbyggilegri farveg en þessi ríkisstjórn hefur grafið...“

Við sem unnum á hálendinu í sumar, reyndum í einu og öllu að vinna með náttúrunni, sýna náttúruvernd í öllum okkar verkum, þess vegna óhlýðnuðumst við skipunum okkar yfirmanna. Þess vegna!!!! Eitt okkar sótti aftur um í sumar á hálendinu en fékk ekki vinnu. Hvað sem þessi landvörður hefur spurst fyrir þá hefur honum ekki verið svarað afhverju hann er ekki endurráðinn!!!!

Ég sótti ekki um aftur vegna þess að ég vissi að ég fengi ekki aftur vinnu sem landvörður. Vegna þess bréfs sem ég fékk frá lögfræðingi Umhverfisstofnunnar eftir að ég varð að fá mér lögfræðing, til að verja það að ég flaggaði í hálfa stöng utan míns vinnutíma á mína eigin fánastöng.

Ég ákvað að sækja ekki um vegna þess að ég frétti að ég fengi ekki vinnu þarna aftur. Vegna þess að ég tala máli náttúrunnar. Þess vegna fengi ég ekki vinnu aftur. Ég tala ekki máli minna yfirboðara, og hlýddi þeim ekki vegna þess að þeir unnu á móti okkar þekkingu og reynslu á svæðinu vegna þess að þeir vinna á móti náttúrunni.

Heggur sá er hlífa skyldi! Þetta segi ég um Umhverfisstofnun.

Þegar yfirmenn manns vinna á móti náttúrunni, sem eiga að vinna með henni, þá er manni öllum lokið.

Enda er Illugaskotta búin að draga sig inn í sitt greni en hugsar sitt og segir sitt.

Sól og blíða á suðurtánni. Keyrðum í Laka í gær, í mjög góðu veðri. Vegurinn sundurgrafinn enda ekki búið að laga hann, þurftum að fara yfir nokkrar ár og sprænur sem er gaman.

Illugaskotta ætlaði ekki að trúa sínum eigin augum þegar komið var á svæðið. Þetta er ótrúlega magnaður staður, risa gígar út um allt, hraunbreiðan og víðátturnar, sást upp á Síðujökul,Sveinstindur og þar fyrir neðan kúrir hann Langisjór, sem ég hef mikinn áhuga á að vernda en ekki virkja.


Hins vegar er ekkert búið að gera fyrir ferðamanninn!!!! Þarna eru smá skilti um að þú sért komin inn í friðlandið en ekkert annað. Ekki áningarborð, ekki sögu- eða jarðfræðiskilti um eitt mesta gos sem sögur fara af á Íslandi á sögulegum tíma, en gosið átti sér stað árin 1783-84. Lakagígar eru um 25 km löng gígaröð í Vestur-Skaftafellssýslu.

Þarna þarf að koma upp lítilli fræðslumiðstöð, með jarð-sögu,flóru og fugla upplýsingum....en mikið er landið okkar magnað. Ég segi ekki meir. Greinilegt er að hér liggur fyrir mikið verk í fræðslu og uppbyggingu á þessu svæði.

Nú er sólin komin og regnið farið í frí.

Margt brasað í gær, Jökulsárlón skoðað, það var mikið um ísjaka á því, krívarp labbað en engin egg komin, þvílíkt mikið af kríum, eins og horfa á snjókomu af kríum að líta upp í dökkann himininn. Síðan stoppuðum við á Kvískerjum til að tala við hann Sigurð sem þar býr. Hann er mikill sagn- og náttúrufræði áhugamaður.

Þegar hann er að spá í atburði sem gerðust 1362 eða 1789 þá er eins og þessir atburðir hafi átt sér stað fyrir um það bil viku eða mánuði. Allt þetta forna stendur honum næst,. Þegar hann var að segja frá heimsókn Sveins Pálssonar í sveitina þá leið mér eins og að Sveinn Pálsson hefði bara verið í kaffi þarna á Kvískerjum fyrir um það bil mánuði síðan, en það eru um meira en 200 ár síðan hann Sveinn var upp á sitt besta og fékk kaffi á Kvískerjum.

Sigurður er ógnar fróður og Illugaskotta hefði getað setið langt fram á dag og hlustað á sögurnar hans sem allar virðast vera ný skeðar, en maður fattar að þær eru gamlar þegar hann dregur fram ártölin. Það er gaman að hlusta á hann segja frá atburðum í mannlegu lífi ásamt því að tengja þá all oftast við einhverjar náttúruhamfarir sem hafa átt sér stað hér í Öræfasveitinni.

Hann sagðist spá mest í því sem væri honum næst, í sinni sveit, því það skilur hann best.

Í dag á að keyra í Laka. Þangað hef ég aldrei komið og ekki heldur Guðrún Ósk. Siggi frá Hnappavöllum sem við erum að heimsækja kemur einnig með.

Nú er maður í Öræfasveitinni, fyrrverandi "Litla héraði" "Sveitinni milli sanda". Hér er rok og rigning. Mikið um fugla hér eins og spóa, hrossagauka og jaðrankan. Held að spóa nýlendan sé staðsett hér á landi.

Tók okkur 4 1/2 tíma að keyra hingað austur, enda vorum við ekki á hraðferð. Guðrún Ósk er með mér, hún var með puttan á kortabókinni, sagði mér hvað hraunin og bæirnir heita, á meðan við skriðum austur þjóðveg númer 1.

Núna er Guðrún Ósk í fjárhúsunum með Sigga, þau eru að merkja lömb, en draugurinn vill ekki út, fyrr en seinna í dag.

Eftir hádegi hyggjum við á að fara að Jökulsárlóni, til að sýna Guðrúnu Ósk það ásamt því að skoða eitthvað fleira, fara svo í skemmuna koma vetrardekkjunum mínum fyrir þar, skipta um olíu og olíusíu á bílnum. Svo bara veit ég ekki, en nóg er að vera hér og taka öllu með ró.

Borgir eru þreytandi en sveitir eru skemmtilegar.

Þá er búið að gæsa, grágæsina hana Láru. Það var gaman, hins vegar var draugurinn ekkert á því að drekka þetta kvöld, og kom sér heim hið snarasta, því draugur verður veikur daginn eftir.

Fórum í Golfskála, spila golf, svo í Bláa lónið sem fylltist af túristum kl 18, milljón rútur. Tók leir mér í hönd af botninum, ojbarasta hann var fullur af hárum. Finnst Bláa lónið vera svona mannlegt bað, bað allra landa!!!! Hvað fer svo fram ofan í þessu vatni? Humm, hef ekki hugmynd en það fer ógeðis hrollur um mig.

Farin í Öræfasveitina í dag.

Það er hagél úti. Fór í ríkið og í krónuna áðan. Hitti gamlan skólabróður í Krónunni, hann var klæddur í jakkaföt, eins og besti kerfiskall, en er það nú ekki. Gaman að spjalla við hann.

Verslaði bara hollt, það er gott. Át í hádeginu á Kentucky Steiktum kjúklingi ásamt Sigga Atla og Jóni, það var fínt, hef ekkert étið síðan þá, svo stór skammtur þarna frá Steikta kjúklingnum. Á morgun verður gaman, en enn þá skemmtilegra á föstudaginn því þá fer ég austur í sveit.

Það var hringt í mig í fyrradag, verið að bjóða mér einhverja tryggingu, en hún passaði mér ekki því ég á engan nema sjálfa mig og er ekki í fastri vinnu..............

Mitt nafn er Björk Bjarnadóttir og hið nýja er Meldal. Björk Bjarnadóttir Meldal.

Hvernig hljómar þetta? Veit það svei mér ekki, var að skoða Íslendingabók, þar er þetta nafn tengt langalanga afa mínum frá Melrakkadal í Víðidal. Er að reyna að koma skipulagi á allt, það er þó nokkuð.

Þriðjudagur. Ekkert markvert svo sem að gerast. Er heima að lesa greinar og annað spennandi. Hjólatúr í kvöld vonandi.

Veðrið er ágætt...bráðum flyt ég frá Reykjavík og norður.

Fór í langan göngutúr í gær, svo að horfa á fimleikaatriðið sem var niðri á Austurvelli, síðan skellti ég mér á opnun myndlistarhátíðar það var gaman. Áhugaverðar ljósmyndir og svo var hljóðverk, en þau eru í sérstöku uppáhaldi hjá mér. Tveir gaurar að tala saman, voru á krossinum, eins og jesú. Oft voru þeir að tala um hluti þannig að manni langaði að setja orð í belg með þeim. Frekar fyndið.

Svo bara horft á keppnina sem var hrikaleg, en hélt með henni Ruslönu enda vann hún, sem betur fer.

Seinasta vikan að renna upp þar sem ég verð að vesenast í að lesa greinar, ljósrita og panta fleiri greinar. Síðan er ráðgert að fara austur í Öræfasveit, skoða Bæjarstaðarskóg í Morsárdal og kíkja kannski aðeins á hana Skeiðará og hitta gott fólk.

Hellt úr fötu veður. Teiknaði tvær myndir áðan af svörtum draug með elds augu og í stað munns var hann með eld. Það er verið að ýta á mig að flytja til Canödu í vetur, fer allt eftir því hvort ég haldi áfram að vera aumingi með hor og ekki klára þetta rxxxxxxxx hxxxxxx! ef ég klára í sumar þá er ég frjáls.

Ojbarasta hvað ég er leiðinleg í dag, enda eru bara leiðinlegir hlutir búnir að gerast í dag....hvað geta manneskjur verið skrýtnar? Alla leið til tunglsins og aftur til baka.

Átta ár í dag síðan ég fór í fyrsta skipti til útlanda, og þá var ég búin að ráða mig í vist til sjö mánaða á eyjunni Jersey í Ermasundinu. Ein eftirminnilegasta ferð sem ég hef farið í ásamt því að reynsla og fólkið sem ég kynntist þarna er ómetanlegt...samt vorum ég og Eydís alveg að mygla um haustið og fram í desember. En þá fórum við til Parísar, dvöldum þar í nokkra daga og tókum svo Ermasundslestina til London, fengum ótrúlega ódýra miða vegna þess að bruninn í göngunum var ný búin að eiga sér stað...allt saman frekar fyndið.

Ég hef ekki stoppað að fara til útlanda síðan þetta allt gerðist, það er gaman.

Gúrku og tómatatíðin mikla, er núna. Í dag er gaman, nóg að gera og vinna og bardúsa....hlakka samt til að fara að vinna bara frá eitthvað til hitt.

Er í Tæknigarði, hér er erfidrykkja, heitt í þessari tölvustofu. Skrifa einhvern tímann næst...

Í dag fór ég í sveitina Dalland, skoðaði nýju folöldin tvö, spjallaði við Þórdísi, gróðusetti tómataplöntur og gúrkuplöntur, mokaði hrossaskít í holur, og reif arfa. Frábær dagur með góðu fólki. Allir í góðu skapi á Dallandi og hressir. Svart og hnífur.....

Hef komist að því að fólk sem er leiðinlegt er hætt að koma mér á óvart, fólk sem heldur að það sé merkilegri en aðrir er óþolandi fólk. Enda reynir draugurinn að forðast það sem heitann eldinn að umgangast þannig fólk, en stundum þarf maður að gera fleira en gott þykir.....segi ekki meir.

Upplifði mig í gær, sem risastórt tröll, stóra og mikla, með háa rödd..kannski er ég þannig,,,og fólkið í kringum mig var svo minna en ég og lágværara og í fínni fötum og eitthvað svo dannað. Ég á svo ekki heima í borg.

Draugur, vildi ekki fara út í gær. Var eitthvað slappur. Reyndi að vinna, en datt í holuna mína hvað eftir annað, sem er:bælið, rekkjan, grenið eða rúmið. Sem sagt var inni í allan gærdag, fram yfir kvöldfréttir, þá draugaðist draugur út ásamt hjólinu sínu. Farið á fund sem olli draugnum þreytu eftir að búið var að koma hinum ýmsu málum á hreint, þreytan/leiðast kom óvart fram. Ætlaði ekkert að sýna að ég væri hætt að fylgjast með,geispaði, og geispaði hátt,,,,,,,,aaaaaaaaaaaaaaaaaaaaaaaaaaaaaaaaa!!!!!!!!!!!!! Þessi geyspi þýðir:Nú er komið nóg af kjaftæði, vil fara út að leika mér. Svo gott að komast út, á hjólið og þeytast um bæinn.

Svona var nú það. Í dag mun ég vinna í að leita á netinu, svo er ég að fara í sveitaferð til Dallands, svo í mat til herra Muzaks og hans fjölskyldu, ég á að búa til salat og koma með brauð. Á morgun verður gaman, en það er leyndarmál afhverju.

Krían er komin í hólmann sinn á Reykjavíkurtjörn. Það er gaman að sjá hana þar.

Gaf blóð í gær í 16 skipti, Bjarni bróðir var að gefa í fyrsta skipti og stóð sig sem mesta hetja. Það liggur þoka yfir vesturbænum, klukkan er að verða 7 um morgun. Ég nenni ekki að vera vöknuð. Allt gengur fínt.

Nýjustu fréttir eru þær að draugur nokkur sprakk af bræði, en hélt þó andlitinu hjá tollinum. Þar sem Mark vinur minn sendi gjöf í gegnum netið þá er eins og ég hafi verið að kaupa þessa gjöf handa sjálfri mér, sem þýðir að ég þarf að borga toll af minni eigins afmælisgjöf....

Réttlætið er flott hér á landi...en ég neita að borga, og neita að leysa gjöfina út,,ég mun sigra.

Núna er Illugaskotta í tollinum, reiðin ólgar í mér....ætli ég þurfi að borga fyrir afmælisgjöfina mína??? Fer allt eftir því hvort tollverðir hafi átt góða helgi eður ei!!!!!!!

Mánudagur 10. maí til mæðu.

Innrásardagurinn á Ísland,,fyrir einhverjum árum, þegar heimstyrjöldin var.

Í gær sá ég í fréttunum bandaríska hermenn með vélbyssur á Íslandi!!!, vegna komu einhvers skips hér við Suðurnesin. Þetta fannst Illugaskottu nóg. Vil ekki sjá þessa hermenn á mínu landi og hvað þá sprangandi um með vélbyssur. Vil herinn í burt, vil að við getum sagst vera þjóð sem er án hers, og að við höfum friðarstefnu að leiðarljósi hér á landi.

Vá Bush og Blair eru búnir að biðja Íraka afsökunnar mikið eru þetta skilningsríkir og auðmjúkir menn. En hvaða lagar það? Ekki neitt, þetta eru bara orð ríkjandi herra. Þessu fólki heldur áfram að líða ömurlega eftir að hafa orðið fyrir barðinu á bandarískum og enskum hermönnum. Mér er alveg sama um innihaldslausar afsakanir og þeim líklega líka. Eina lausnin er að herinn drulli sér í burtu í frá Írak, þetta er land Íraka og þeirra óskipulag. Það á að treysta fólkinu að byggja upp sitt land og sína stjórn, án íhlutunnar USA eða UK.

Hvað kom eiginlega fyrir? Afhverju líta Bandaríkin á sig sem hina einu rétthugsandi og líknandi þjóð í heiminum? Afhverju er allt gott sem þeir segja? Afhverju eru okkar ríksstjórn fylgjandi Bandaríkjunum? Bush og hans félagar ættu að fara að hugsa um sinn rass og taka sig á heima fyrir, en í staðinn vilja þeir skoða annarra landa rassgöt sem þeir hafa ekki hundsvit á.

Þetta get ég þusað um, en mér er ekki sama að hafa verið dreginn undir stríðshatt ríkisstjórnarinnar, sem er bara fólk sem áttar sig ekki á því að Íslendingar dauðskammast sín fyrir það að styðja stríðið í nafni ríkisstjórnar Íslands. Svo senda þeir bara peninga út til að laga eftir stríðið, hvaða rugl og rykhernarður í augu almennings er þetta?,,,,,,,,,,,Hef sagt það áður og segi það nú, það þarf nýtt fólk inn á þing, fólk með reynslu úr mismunandi geirum atvinnulífsins. Ekki endalausa stuttbuxnastráka,,,,,,nú þegir draugurinn er orðin alveg sjóð dýr vitlaus í hausnum við allar þessar hugsanir.

Vá hvað það er mikið af fólki hérna á Þjóðarbókhlöðunni, eins og flóðið af nördum hafi ákveðið að flytja hingað inn, og ég með talin.

Ég er of mikil verkkona í mér til þess að vera hangandi yfir bókum, heimildum, tölvu, skrifum, kenningum, heitum og hvað þetta heitir allt saman. Sat heima til 14:00 í dag. Fór þá að ná í hjólið mitt, síðan í göngutúr sá þá kríuna sem gargaði heil ósköp. Svo í heimsókn til Svavars, síðan í sund að synda! ekki hanga í pottum eða sólböðum. Gargandi börn út um allt, fékk bólur og ofnæmiskast, teigði á og skundaði á braut frá gargandi skrímslum og fljótandi líkum,,,,,sem flutum hægt um og ekki var hægt að synda fyrir.

Síðan já, síðan fór ég heim, gekk frá las moggann,,,,og fór á leikritit sem Siggi Atla leikur í "Kleinur", ég fór á hjólinu mínu. Vá!!! hvað það er gaman að hjóla, flaug um bæinn og ætlaði varla að nenna á leikrit í þessu veðri, en það var þess virði að fara á leikritið.

Nú á morgun verður farið í það að leysa út afmælisgjöfina mína sem er að koma frá Mark vini mínum, en hún lennti í klónum á tollinum, sem mér finnst vera mjög pirrandi að þurfa mjög líklega að borga fyrir að fá afmælisgjöf frá útlöndum. Hvað þýðir þetta lesendur góðir? Við búum í eftirlits þjóðfélagi af hæstu gráðu. Einnig þarf ég að hanga og vinna á bókasafninu.

Sprengju fréttir daglega í fjölmiðlum, er hætt að taka eftir þessu..

Siggi á Hnappavöllum í Öræfasveit á afmæli í dag, til lukku með daginn!! Það var sól hjá honum eins og fleirum sunnanlands fólki í dag.

Frábær dagur í gær, fór með 3 vinkonum mínum til Sólheima en áður en stoppað var þar, þá stoppuðum við á Selfossi fyrri sund, átum nestið okkar úti í móa við Þrastarlund, keyrðum svo á Sólheima, þar var þetta snildar leikrit. Áður en farið var í nestis át þá var stoppað í áfengsverslunni, til að kaupa rauðvín og bjór. En Illugaskotta fékk allt í einu ákafa þörf fyrir rauðvín, drakk heila flösku alein!!!! Leyfði einni samferða konu minni að fá smá sopa, en hélt svo fast utan um mína bokku,,,enda var þetta bara pínulítil rauðvínsflaska, frá Chile....en ógnar gott með brauði og túnfisksalati..

Veðrið var sól og blíða, og dagurinn vel heppnaður. Er að drekka kaffið mitt, og hugsa um hvort ég ætti að fara í göngutúr og sund, eða fara að vinna og síðan göngutúr og sund? Ætla að byrja að vinna, það virkar betur.

Það er logn úti og skýjað, fínasta gönguveður.

Nú er förinni heitið á Sólheima, til þess að sjá leikritið Latabæ, ásamt því að skoða vorið og allt sem því fylgir. Tók til í bréfabunnkunum og bókahaugunum í herberginu mínu í gær.

Næsta helgi gæti orðið ein mesta djammhelgi ef ég nennti því, en það er önnur saga. Á föstudagskvöldið er próflokapartý hjá Yggdrasli, sem er félag umhverfisfræðinema. Á laugardaginn á að gæsa Láru, sem er eitthvað sem er gert fyrir konur áður en þær gifta sig. Um kvöldið er endurfunda partý hjá árgangi 1994 frá Menntaskólanum við Sund. 10 ár síðan ég útskrifaðist sem stúdent. Einnig er partý með Láru þetta kvöld. Nenni ekki að drekka lengur, heilinn í mér verður rykugur. Slæðingur af hausverk, velgju og pirringi. Sem draugar get vel lifað án.

Var einkabílstjóri foreldra minna í gær ásamt því að vinna eitthvað. Rottan sefur vært.

Ætli Björn Bjarnason sé núna að æfa sig með vélbyssu eða að keyra skriðdreka í Blóðríkjunum, eins og Árni Hósearson, kallar Vesturheiminn.

PS: Skrifa seinna meira um gæsun..hef samt verið að velta því fyrir mér að þegar fólk skilur, þarf þá ekki að afgæsa það og afsteggja???

Föstudagurinn 7. maí....dagarnir líða svo hratt. Er byrjuð aftur á skrímslinu mínu, sem er ritgerðin.

Fór í sund snemma í morgun, sól og rokið er að lægja sem betur fer. Synti mína 500 metra, teygði á,,,,kom svo heim banhungruð.

Vinna í allan dag, sitja heima og stauta....ætla svo í göngutúr seinni partinn.

Hef heyrt þó nokkrar sögurnar frá Kárahnjúkavirkjun. Heimilisruslið fýkur niður í Laugavallardal, engin aðstaða fyrir þetta fólk að eiga frítíma og fleira og fleira neikvætt og leiðinlegt.

Í gær heyrði ég sögu sem ég veit ekki hvort er fyndinn eða sorgleg en sem skákar samt flestum þeirra sagna sem ég hef heyrt frá svæðinu. En Egilsstaðarbúar voru að ræða saman í heita pottinum þar um jeppahvarf nokkurt sem hafði átt sér stað við Kárahnjúkavirkjun. Jeppinn fannst síðan undir malarhaug nokkrum, því menn fóru að velta fyrir sér afhverju þessi malarhaugur væri þarna úti á miðju plani. Settu gröfu í það að ýta honum í burtu og viti menn þá var þarna hinn glænýji Toyota Hilux sem mikið var búið að leita að!!!!

Það sem hafði sem sagt gerst, var það að Ítalarnir vildu ekki tilkynna enn einn bílinn skaddaðann og mikið bilaðann, þannig að þeir héldu að enginn myndi taka eftir því þótt einn jeppi af svo ótrúlega mörgum myndi bara hverfa!!! Þeir sem sagt náðu bara í gröfu eina og hún mokaði allri mölinni yfir hinn nýja jeppa!!!

Þetta er rugl allt sem er í gangi þarna upp frá, svo er hagvöxtur okkar að vaxa!!!

Kannski munu iðgjöld okkar Íslendinga hækka vegna mikilla tjóna á bílum þeirra verktaka sem eru að vinna við Kárahnjúkavirkjun??? Þá verður draugurinn mjög, mjög fúll.

Það er skrítið með stjórnmálamenn að þeir geta aldrei viðurkennt mistök sín. Hvað veldur? Eru þeir bara mistaka fríir? Björn Bjarnason er núna í Bandaríkjunum ásamt ríkislögreglustjóra vors lýðræðislega ekki lands. Að funda um öryggismál, merkilegt, hvað það er hægt að sækja mikinn fróðleik alla leið til Bandaríkjanna. Afhverju leitar hann ekki til fornar þekkingar og tekur upp sverð og skildi gamla víkingasamfélagsins? Alveg jafn ógnvekjandi og bandarískur lögguleikur, nema að það væri íslenskur veruleiki að eiga sér stað á Íslandi en ekki bandarískur löggu og hryðjuverkarleikur að eiga sér stað á Íslandi.

Hryðjuverk hafa valdið því að stjórnvöld hafa nú afsökun til þess að minnka persónufrelsi fólks á rökum þess að það sé verið að hugsa um öryggi . Kannski má segja að þessi hryðjuverkaalda hafi gefið stjórnvöldum margra ríkja nýtt og gífurlega öflugt vopn í hendurnar. Persónufrelsis vopnið.

Allt er svo ógnar merkilegt í huga mér í dag.

Þann 5. júní mun Lára æskuvinkona ganga í hnapphelduna. Það verður gaman. Þessi dagur er pakkaður hjá draugnum, því Ragga vinkona mun einnig halda veislu því hún verður 30 ára.

Hlakka til alls.

Það er oft talað um Steinu frænku í fjölskyldunni hennar Röggu vinkonu. Steina frænka er ekki lengur á lífi en hún sagði margt fyndið sem oft er haft eftir. Margar sögur til af henni kellingunni, hún var það sem er kallað orðheppin. Einu sinni var verið að smyrja flatbrauð af miklum krafti af fjölskyldunni hennar Röggu. Steina frænka var þar líka, hún vildi koma sínum athugasemdum á framfæri og sagði með sinni orð ratvísi: Muna svo að smyrja barmanna vel Steini minn. Ekki man ég hvað hann sagði....en margir hlógu.

Ég vil sem sagt koma þessari athugasemd á framfæri til allra þeirra sem eru duglegir að smyrja nestið sitt...að muna þetta vel. Nú hlær Marbendill....hátt og snjallt.

Einnig er til góð saga af því afhverju henni fannst gott að vera í fótanuddtæki, en sú saga er ekki til að birta hverjum sem er...eitthvað verður að vera geymt í munnlegri geymd.

Nú er kallt, svo kallt að það er ekki hægt að setja kartöfflur niður í frosinn svörðinn. Svaf með húfu í nótt, og í peysu og í buxum...til þess að svitna út kvefinu, og berjast á móti kuldabola sem hefur styggt drauginn svo um getur.

Rottan lætur illa alla þessa rokdaga, hún argar og andskotast..hún vill fá sumar, eins og fleiri. Fór í klippingu í gær,,,jamm og draugurinn lét lita líka á sér hárið, er með fjólublátt hár með grænum strípum. Eða sko ímyndaði mér það...er ljóshærð.

Það eru slæmir hlutir að gerast í málum sem eru tengd landvörðum og störfum þeirra.

Illugaskotta er agndofa, hugsi og leið fyrir hönd þeirra landvarða sem ekki hafa fengið vinnu.

Annars fór í keilu í dag, með Laufeyju...hún vann, enda var Illugaskotta ekki í besta formi.....er með beinverki, og líður eins og síveikri geðveikri,,,kellinnnnngggggguuuuuu!!!!! Væl og hor, og hóst, og póst....

Ef maður hangir of lengi inni þá kemur kerllingarlykt af manni. Þetta sagði mamma hennar Láru alltaf við okkur þegar við vorum litlar og vildum ekki vera úti að leika okkur......

Vika síðan ég missti vitið gjörsamlega. Samt hefur ekkert gerst þannig séð, dagarnir fljúga áfram, fuglar eru að frjósa í hel þarna fyrir norðan og Illugaskottu langar að bjarga öllum hrossagaukunum sem eru með frosin nef undir húsgöfflum.

Dreymdi í alla nótt að ég væri að reyna að útskýra á einfaldann hátt hvað Eddukvæðin væru,,,,hummmm,,,,,það gekk ekki. Þvílíka bullið og steypan í hausnum á mér. Er að lesa mikið í bókinni: Íslenskar lækningajurtir. Það er gaman að stúdera þetta á kvöldin þegar maður er að detta inn í draumalandið. Horfði á myndina 101 Reykjavík, súr mynd en fyndin. Einnig á frábæra japanska framtíðar teiknimynd, um baráttu góðs og ills, en nú var veiruhernaður í gangi. Veirur sem eru örvélar, jafnstórar og rauð blóðkorn en tvístra öllu í líkama mannsins. Frábær mynd.

Mússí, Mússí,,,,segir maður þegar maður tekur upp símann í Japan. Er enn þá með kvef, hálsbólgu og hósta, kannski af því ég hef ekki borðað fisk í langan tíma.

Himinn og jörð ferst ekki þótt að.....og mér er sko alveg sama, eins og mér sé ekki sama,,jú mér er sko alveg, skalveg sama!!!!

Þannig er nú það. Er búin að vera með hæsi og hósta í meira en viku,,hálsbólgu og kvef. Ét vítamín, hreyfi mig, en ét líklega ekki nógu fjölbreytt. Gekk um bæinn í gær, hitti skringiskrúfur á Mokka, labbaði svo til Vesturbæjarlaugarinnar þar sem ég synti 500 metra, bara svona temmilegt. Hitti svo Svavar vin minn sem vinnur á Morgunblaðinu, ræddum hvar veikleikar umhverfissinna liggja.

Jú, þeir eru oftast í skotgrafarhernaði. Sem þýðir t.d. lítum á Kárahnjúkavirkjun, störf fyrir Austfirðinga og náttúruverndarpakkið fyrir sunnan er svo á móti störfum fyrir Austfirðinga. Rétt, helvítis pakk!!! En svo sagði Svavar svoldið sem er snilld. Það þarf að tala við fólkið áður en stjórnvöldum dettur í hug að andskotast í eina virkjunina enn. Tala við fólkið sem býr á þessum svæðum, sjá og vinna í því hvað það vill gera. Búa til óska og hugmyndalista fólksins í landinu, senda beint til stjórnvalda. Þá þarf þeim ekki að detta endalaust stóriðja í hug,,,fólkinu er þá þegar búið að detta annað í hug, sem er þeirra.

Þeirra saga og þeirra vitneskja er það sem gengur í hugmyndum um störf fyrri þeirra landsfjórðung.

Tók til í fötunum mínum, hennti drasli, setti í þvottavélina, hékk á netinu eins og besta kónguló, sendi sms í gegnum siminn.is, hékk meira á netinu, las bók um ferðalög um eyðilendur Kanödu, át ristað brauð, át ab mjólk og morgunkorn, tók vítamín og lýsi, hóstaði. Labbaði út, er á leið á geðveikrahælið mitt, mitt eigið einka geðveikrahæli.

1. maí var flottur, sól og blíða, fórum á Bæjarins skvestu, bestu..ég og Idda. Hitti Láru í gærkveldi, hún var þunn, Illugaskotta nennir ekki að vera þunn....er að vesenast í plöntufræðum ásamt því sem ég er að skríða saman eftir mitt niðurrifs dæmi, sem var nú með þeim bestu. Húrra fyrir draugnum..hann er risinn upp frá dauðum!!!!

Er að fara að leita að stokkandar kallinum risa stóra, hann er jafnstór og grágæs,,sem er mjög stór stokkönd, kannski er hann stökkbreyttur eða bara ævaforn???

Sól og rok, hressandi veður.

Hvað ætli gerist í sumar? Held margt og mikið.

Farin að fá mér kaffi. Svaf í næstum 12 tíma! sem er met. Ekkert í fréttum og heilinn er dauður í mér. Rok og annað veður úti.

Hvað segir maður 1.maí? Gleðilegann verkalýðsdag? veit það ekki, en ég ætla bara að fá mér kaffi.

Fylgist með dagbók umhverfisráðherra, hún er núna í New York á þingi hjá Sameinuðuþjóðunum. Ég hef ekki mikið álit á stjóriðju í samkrulli við þjóðgarða, það er bara þannig að mannanna verk eru ekki náttúrunnar verk. Ekkert flókið.

Tók þessar línur úr dagbók umhverfisráðherra:
Í móttökunni var margt um manninn, en þar var t.d. Wade, umhverfisfulltrúi Alcoa. Ræddum við m.a. um þjógarðamál á Íslandi, en Alcoa hefur mikinn hug á að styðja okkur í þeim málum.

Alcoa vill einmitt styðja okkur í að fegra landið okkar, þeir eru bara að menga það aðeins með sínum framkvæmdum. Ég brjálast þegar ég hugsa um þetta, gjörsamlega tryllist. Bandrískt auðhringja fyrirtæki, með mengunarstrafsemi sína ætlar að styðja þjóðgarð!!!! Er ekki verið að grínast í mér??? Siðferðið er tvöfallt í þessu máli. Göfugt og fallegt að stofna þjóðgarð, en til hvers við hliðina á stórframkvæmdum???

Kannski til að sýna að svona hefðum við nú ekki átt að gera, en þessi stórframkvæmd hefði bara verið það eina sem íslenskum stjórnvöldum datt í hug, og jamm og já, allir þurfa nú að læra af mistökum sínum, og svona verður nú aldrei aftur gert....þetta voru nú bara mistök, en þetta er allt í lagi, því Alcoa studdi okkur í að stofna þjóðgarð í staðinn.

Dæs, þessar framkvæmdir eru byrjaðar, landinu blæðir eins og skáldið sagði: Ekkert var skapað úr engu.

Sund í morgun, það er stress að lenda á milli sundkennslu eða gamla fólksins sem vill helst fljóta um sundlaugina í rólegheitunum. Var komin á flug og þá skall sundkennslan á. Við sem vorum að synda hratt vorum þrjú, komum okkur fyrir á einni braut og gamla fólkinu var þeytt til og frá, við skriðsunduðum fram hjá því og skvettum yfir það, þvílíkar aðfarir en nú var komin tími til að synda!!!! Illugaskotta lét ekkert stoppa sig, nú skyldi skriðsundið æft af kappi, hjartað hamaðist, og allt gekk vel, var í kappi við nokkra sem gerði þetta enn þá skemmtilegra. Hef bætt á mig vetraspeki sem er farið að fara mikið í taugarnar á mér, nú er komið vor...og þetta skal leka af mér.

Sótti um vinnu á netinu, í Cambódíu af öllum stöðum. Sem landvörður, veit nú ekki, en ákvað að láta slag standa! Og sendi inn starfsferlis skránna mína sem er til á ensku og sagðist hafa mikinn áhuga að vera í frumskógum Cambódíu, með rifill við hönd og berjast við veiðiþjófa. Ég veit ekki hvað kom yfir mig en hef engu að tapa allt að vinna.

Það mun ekkert gerast. En betra er að taka þátt heldur en ekki.

Nú svo er bara sumarið komið í gróðurinn, börnin farin að öskra úr sér lungun þegar þau koma í sund, sem lætur eyrnaskítinn stingast út úr eyrunum á manni, og allt er í besta standi þannig séð.

Draugar eru lífsseigar skepnur!

Samkvæmt snorra -eddu og konngsbók eddukvæða þá var heimurinn búinn til úr Ými, en Ýmir var jötunn sem varð til við samruna hins kalda Niflheims og hins heita Múspellsheims, þessir kraftar mættust í Ginnungagapi þar sem var ekkert og úr varð jötuninn Ýmir. Síðan drápu bræðurnir Óðinn, Vili og Vé hann Ými og sköpuðu alheiminn úr líkamspörtum hans.

Auðvitað hefur Einar Beneditkssona ritað kvæði um þetta og með sínum stíl sem er rosalega stór stíll,en flottur, því er ekki að neita.
Hér kemur fjórða erindi úr kvæðinu:

Ýmir

Hver lífsglóð var alslokkin innst í kjarna.
Á öræfum himnanna blakkti ei stjarna.
Tíminn var sjálfur eitt skugga-skar,
sem skímu ei átti á gröf sinna barna.
En Ýmir gnæfði af rökkri ragna,
í rishæð og vídd yfir Ginnungamar.
Framliðinn svip yfir brá hann bar
og blik þau í sjón er heldýpi fagna.

Pælið í því, hann talar um öræfi himnanna??? nú er einungis talað um öræfi Íslands, og þau eru nú full af ítölskum skít, landsvirkjunar skít, íslenskra stjórnvalda skít, og alls kyns öðrum skít. Illugaskotta sér stundum myndir frá Kárahnjúkasvæðinu, ljótt, ekkert annað hægt að segja um þær myndir.

Sól og blíða, best að drífa sig í sund í Vesturbæjarlauginni. Vildi alls ekki vakna. Dreymdi að ég væri á ferðalagi um Jersey, sem er eyjan í Ermasundinu sem ég bjó eitt sinn á. Var þar á hjólinu mínu, það var ótrúlega mikil þoka. Kannski ætti ég frekar að fara til Jersey í maí? En ekki Danmerkur. Eða bara vera á Íslandi í maí og skoða mig um þar, taka því rólega og vera í friði og ró.....eldurinn í rassgatinu á mér segir þó nei við seinustu tillögunni.

Allt veltur þetta á því að ég geti klárað fyrir 10. maí, ef ekki klára þá, þá er útskrift í haust og ég þarf að vinna í þessu í maí.

Fyrsti kaffibolli dagsins er alltaf bestur.

Það getur nú varla breytt miklu?! Siggi Atla er að æfa eitthvað handrit,,skil ekkert hvað hann er að segja,,,,,,,,, hann er búin að segja "Það getur nú varla breytt miklu" á svona 30 vegu í framburði,,,,kleinur,,,,hvað ertu með? Kleinur, tveir dagar til stefnu segir, hann, svo segir hann:" Kleinur, kleinur,,,,kleinur, kleinur, kleinur, kleinur. Kleinurhrúga!!!!"

Góður dagur, er búin að labba í svona fjóra klukkutíma, fara á kynningu á meistarprófsritgerð, og Gísli er að skoða hrafnasparkið mitt, það verður áhuga vert að vita hvað gerist í þeim málum.

Farin að lesa skáldsögu.

Svefninn er góður. Í gær ætlaði ég að slappa af á Mokka, en þá var þar kall sem var að taka videó myndir af öllum. Illugaskotta stífnaði í baki og hálsi,,,vildi alls ekki að hann kæmi til mín. Hann færði sig hægt um staðinn sem er mjög lítill. Valdi fólk af handahófi og tók bara myndir af því í margar mínútur. Fólk virtist vera upp með sér, Illugaskotta horfði með hryllingi á þennan furðulega mann, sem ætlaði að dirfast til að leyfa sér að taka videó mynd af henni.

Hennti öllu ofan í bakpokann og æddi út áður en hinn furðulegi kvikmyndamaður myndi ná draugnum á filmu. Er annars hás, með endalausann kverkaskít, sem veldur því að mér finnst ekkert gaman að tala. Fékk taugaáfall í gær, hélt að tölvan væri að hrynja en bara klaufaskapur í draugnum.

Annað fór þá að hugsa að allar mínar tilfinningar og hugsanir renna inn í maskínuna tölvu. Hvað er það?

Annars hann Einar Benediktsson var flott skáld. Hann orti t.d. kvæði um hvarf séra Odds frá Miklabæ. En Oddur hvarf og talið var að kvendraugur, Sólvegi að nafni hafi valdið hvarfi hans. Oddur sveik hana í lifandi lífi, hún framdi því sjálfsmorð.

En hálfur máni af himinleið
slær heljarbjarma á mannanna ríki
og merkir skarpt þína miðnæturreið
á melinn í risalíki.
Þín fylgja, hún vex og færist þér nær,
þótt á flóttanum heim þú náir,
því gleymskunnar hnoss ei hlotið fær
neitt hjarta, sem gleymsku þráir.

Sögn er, að eitt sinn um úthöf reið
Óðinn og stefndi inn fjörðin.
Reiðskjótinn, Sleipnir, á röðulleið,
renndi til stökks yfir hólmann, á skeið,
spyrnti í hóf, svo að sprakk við jörðin-
sporaði byrgið í svörðinn.

Svona varð nú Ásbyrgi til,,,,,gott fólk. Þetta er "Sumarmorgun í Ásbyrgi"

Hádegi, mánudagur. Skila fyrstu drögum eftir hádegi. Er að bíða eftir tölvupósti frá Örnefnastofnun, varðandi Heinberg og Ásbyrgi.

Ætla svo að anda í dag, snattast fyrir Fannar bróður, hitta kannski ömmu og fara á Mokka kaffi, skrifa í dagbókina mína, þessa alvöru og fá mér gott kaffi. Er að fara að vinna í styrkumsókn til KB banka, en útskriftarstyrkur í boði þar, fæ aldrei neitt, en ætla samt að taka þátt.

Er með áhyggjur af Náttúruverndarmálum á Íslandi. Hugsa um þetta og reyni að finna flöt á þessu sem gæti komið að góðum notum, en er alveg skák og mát. Fræðslan er lítil sem engin, en fræðsla um þessi mál er allt of lítil ásamt því að vekja fólk upp á jákvæðan hátt um að umhverfið sé það sem bera þarf virðingu fyrir og hvers vegna

Illugskotta skríður hratt inn í grenið sitt og hugsar sitt. Á næturnar gengur best að vera til, segir lágfóta, einnig á morgnana.

71 blaðsíða án mynda. Þetta er allt að koma. Búin að vera að vinna síðan 10 í morgun. Klukkan er að verða 19 núna, ætla í bíltúr og í göngutúr. Síðan heim að halda áfram að vinna, þarf að hringja eitt símtal meir í dag varðandi ritgerðina. Vantar að finna ljóðið "Sumar í Ásbyrgi" sem er eftir Einar Benediktsson, en þar lýsir hann hvernig Sleipnir spinnti í bergið og bjó til Ásbyrgi.

Úff,,,skila af mér fyrstu drögum á morgun til Gísla. Halda áfram að vinna þótt hann sé búin að fá eitthvað í hendurnar. Afþakkaði að fara á stökkva fram af skipum í dag út í sjóinn, sat bara hér og bræddi út á mér heilann.

Illugaskotta er þráa draugur...ég skal, ég skal og aldrei mun ég gefast upp.

Rigningin hefur komið gróðrinum af stað á suðurtá landsins. Vaknaði ekki hress klukkan 7 í morgun ákvað að leyfa mér að sofa og svaf til 9, vantaði það.

Vann með Röggu vinkonu í gærmorgun að finna myndir fyrir ritgerðina, það tók miklu styttri tíma en ég hélt. Langar að benda ykkur á frábæran vef mats.is. Þar er að finna alls kyns landslagsmyndir frá Íslandi, og ekkert mál að fá leyfi til að nota allar þessar myndir, búin að tala við þennan gæja. Iðunn vinkona las yfir, lagaði eftir hana. Hringdi í Kvískerja bóndann Sigurð, sem allt veit um sagnfræði, sögu og annan fornan fróðleik. Við vorum að ræða Heinbergs nafnið, hvað er Heinberg?

Sigurður heldur að það sé gömul mynd af orðinu stuðlaberg, og þá ef það er rétt, þá bjó Þór Þrumuguð, öll stuðlabergin til!!!! Nú er ég hissa. Hann ráðlagði mér að tala við málfræðing og það mun ég gera strax á morgun. 10. maí er dagurinn sem allt stefnir á. Frelsi eða áfram fangelsi? Einungis að bíða og sjá.

Get ekki beðið eftir að komast í vorið og sumarið á Ströndum.

Humm fékk upplýsingar sendar í pósti áðan að Sigurður bóndi á Kvískerjum hefði átt afmæli í gær, hann varð 87 ára í gær. Til hamingju Sigurður Björnsson.

Hóst, hæsi, hálsbólga, kvef, ég elska þetta helvíti. Snérist um hausinn á sjálfri mér í stress hvirfilvindi í gær. Andskotaðist á Þjóðarbókhlöðunni og önnur leiðindi. Svaf lítið sem ekki neitt vegna brjálaðra hugsana.

Hef setið mikið nálægt einum sem er alveg snarbrjálaður og stundar Þjóðarbókhlöðuna. Hann situr oft við tölvurnar, muldrar við sjálfan sig og oft koma upp setningar og orð sem koma manni til þess að hugsa um það hvort ég sé ekki alveg eins brjáluð og hann. Því ég er líka farin að tala við sjálfan mig.
Ég hef verið að segja:" Djöfull er ömurlegt loft hérna inni". "Nú klikkast ég", og áfram og áfram.

Hann segir muldrandi en þó hátt t.d. "Þetta eru allt helvítis þjófar". "Andskotinn sjálfur, já svona á þetta að vera". Svo grúfir hann sig yfir sína endalausu rannsókn alveg eins og ég. Sat bara og starði á hann fyrst, var að hugsa að það væri nú frábært að vera ekki eins klikkuð og hann, en svo fór hann að tala, alveg eins og ég. Þá runnu tvær grímur á Illugaskottu. Síðurnar urðu 64 í gær þegar ég var að lesa yfir og bæta inn í. Las ekki yfir allt, er að fara að setja myndir inn í dag. Skrifa í kvöld og morgun. Lesa yfir annað kvöld til þess að laga og bæta. Senda í yfirlestur til tveggja vina minna. Skanna inn myndir með Sigga. Laga eftir þeirra gagnrýni og senda til kennarans.

Veit ekki, naga á mér handabökin, hugsa og hrissti hausinn. Afhverju Illugaskotta? Afhverju fattaði hún þessa ritgerð ekki fyrr???? Kannski vegna þess að hún var ekki undir tímapressu? Kannski.

Sólin skríður fram úr skýjum. Vonandi étur úlfurinn hana ekki í dag. Krían kom víst í gær til Hafnar í Hornafirði. Það er gaman.

Nú er Illugaskotta stressuð!!! Hún á að skila þessari ritgerð fullbúinni þann 10. maí. Ekkert rugl og bull. Alveg innbundinn og allt það. Þetta er ein stress bomba. FARIN á þessa skrattans Þjóðarbókhlöðu til að nota bækur sem má bara alls ekki lána út. Asnalegt, handbækur...

Setja inn myndir á morgun, skrifa um 19. aldar pælingar á sunndaginn, skanna inn myndir á mánudaginn. Lesa yfir, laga og lemja endahnútinn á þetta. Senda í gagnrýni, svo til kennarans. Laga og láta prenta fjögur eintök sem skila skal 10. maí inn á skrifstofu Félagsvísindadeildar...nú er gaman, nú er fjör.

60 síður maður!!! 60 síður af snilld eða bulli? Það er stóra spurningin???? Sumardagurinn fyrsti er búin að vera æði, sól, logn og ótrúlegur hiti. Ég inni, en fór út klukkan 17 í dag. Eftir að hafa hrotið í sófanum í Tæknigarði í klukkutíma.

Veitti áfallahjálp í dag, vini sem ég vissi ekkert hvað ég ætti að segja við. Hlustaði og sagði fátt. Gengum út í vorið, heyrði í hrossagauk hann hneggjaði í vestri. Víst ekki góð spá það, segir þjóðtrúin. Man samt ekki hvað vestur spáin þýðir. Sáum margar feitar æðarkollur, sendlinga, og grágæsirnar vinkonur mínar.

Úff, vona og vil og skal klára þetta þessa ritgerð. Er með hausverk, hjartað er í vinstra heilahveli.

Gleðilegt sumar!

Ég er komin með 54 blaðsíður,,,,,og plús 10 af myndum sem sagt 64 blaðsíður, þetta skal takast, ég gefst aldrei upp. Fór í bíó áðan, fékk boðsmiða á Touching the Void,,sem sagt bókin sem ég var að byrja að lesa, nú þarf ég aldrei að lesa hana. Ótrúleg fjallasaga, mig langar aldrei að vera fótbrotin á fjalli, falla ofan í sprungu og síga lengri ofan í hana, klifra upp úr henni fótbrotin og skríða yfir skriðjökul og stórgrýtis urð með lag með hljómsveitinni Boney M glymjani í höfðinu á mér. En þetta gerði hann Joe, hann skreið í 4 daga, án matar og drykkjar með þetta ömurega lag á heilanum, hann komst þetta áfram með því að setja sér markmið, 20 mínútur þetta og 20 mínútur hitt,,hann komst til félaga sinna. En þeir héldu að hann væri dauður.

Góð bresk mynd um atburði sem áttu sér stað í Suður-Ameríku árið 1988.

Nú sit ég og les og spái og bölva mér að hafa ekki fattað þetta allt fyrr sem ég er að fatta núna. Sendi inn spurningu á stjörnuáhugamannafélag seltjarnarness og það sem svörin hafa dottið inn. Þvílíkt góðir gaurar þar. Hafa verið að svara mér hvaða stjarna Aurvandilstá sé, sem Þór kastaði á himininn. Þetta er sagt vera stjarnan Ríge sem er í Óríon eða Veiðimanninum, Aurvandill er forn íslenskt heiti á Óríon, sá sem gengur um með björtu skini. Aur er birta en vandill er ferðamaður.

Nú er komið nóg, ég er farin að sofa og vakna aftur í þetta.

Mér leiðast stjórnmál, en samt skipta þau miklu máli og manni á ekki að vera sama. Hvað er ríkisstjórnin að liggja á þessari fjölmiðlaskýrslu????, mikið er ég orðin leið á þessum stjórnmálamönnum. Alltaf sama fólkið inni á þingi, ekkert breytist í framkomu ríkisstjórnarinnar í garð fólksins í landinu. Sjálfstæðisflokkurinn og framsóknar bullið ættu að fara að pakka saman, það er komin tími á að fá nýtt blóð inn á þing. Framsókn er bara sjálfstæðið og sjálfstæðið er bara framsókn....ojbarasta.

Sko ég myndi bara gera þetta þannig að gera þeim auðvelt sem eru að skulda mikið en eru að vinna að góðum verkefnum, vera með góðar stefnur í garð umhverfisins, dýra, barna og barnafólks...og vera vond við vondu gæjana.

Illugaskotta vill byltingu. Umturnun og óskipulag sem leiðir af sér nýtt skipulag og nýjar hugmyndir ásamt almennri ánægju fólksins.

Hvar er kerlingin sem stóð við Drangey og hvenær drapst hún? Það er að segja brotnaði mélinu smærra? Annað vitið þið nokkuð hvort menn séu að síga í hið svokallað Heiðnaberg í Drangey? En Guðmundur biskup góði ákvað að blessa það ekki, og leyfa hinum vondu að vera einhvers staðar. Mjög áríðandi að fá svar.

Klukkan er hálf átt um morgun er að tala við Manju vin minn á messanum, sakna þessa brjálæðings og rugludalls. Erum að bulla á netinu nú. Hann bjargaði lífi mínu í skólanum, enda drep fyndinn og ekki að taka hlutina alvarlega.

Er að missa röddina, og datt öfga hugmynd í hug fyrir nokkru og ætla að framkvæma það í sumar, það sem ég mun ekki gera í sumar það er ótrúlegt. Það að vera ekki landvörður í sumar kemur mér til að hugsa á annan hátt og annað, gefur mér tækifæri til að gera hluti sem mér hefði aldrei dottið í hug að gera.

Farin í mína 10 tíma törn í Tæknigarði.

Bjórinn minn kúrir sig undir sæng en Illugaskotta er að drekka eldsterkt kaffi sem andskotar henni af stað. Ég vann í 10 tíma í gær og vona að það gerist líka í dag. Tók utan af kaktusnum sem Pétur í Ófeigsfirði gaf mér í afmælisgjöf. Þessi kaktus er eina pottablómið í turninum og hann sómir sér vel hér.

Er hins vegar í vandræðum að koma DVD diskunum mínum til að virka í tölvunni. Þeir vilja ekki spilast, líklega vegna þess að maskínan er keypt í Ameríku, finnst alltaf jafn furðulegt að skrifa Ameríka, að ég hafi verið þar. Er ekki enn þá að fatta það.

Illugaskotta hló svo mikið af sambýlingi sínum að hún fékk magakrampa, hún hló af honum í þynnku sinni. Er að fá hæsi og kvef, það er vegna þess að draugurinn hefur vanrækt að taka þessi blessuðu vítamín. Í dag er 20. apríl, vorið er komið og lóan líka, heyrði í henni í gær. Ætla að fara að líta eftir margæsunum sem stoppa við á Bessastöðum á leið sinni til Canödu.

Illugaskotta er mikið að hugsa um að fara til Ameríku aftur í haust. Áttaði mig líka á því afhverju mér hefur liðið eins og hálfri persónu, það er vegna þess að Illugaskotta stendur í skilnaði við svæði sem er norðan Vatnajökuls.

Hún stendur í skilnaði við tvö fjöll, eitt vatn, eina jökulsá og stærsta hraunflæmi Íslands, sjálft Ódáðahraun. Þetta eru engar smá persónur, líður alveg eins og þegar ég ákvað að vera ekki kærasta meir. Var ekki viss um að þetta væri rétt ákvörðun en samt ólgaði inni í mér að ég yrði að koma mér á nýja staði og kynnast öðru fólki.

Kannski var þetta rétt ákvörðun, veit það ekki, ákvarðanir sem snerta líf manns og allt það eru mjög oft erfiðar. En indíáninn vinur minn og ég erum að hugsa um að brasa eitthvað saman í haust, það er að segja ef guð lofar og allt það. Allt getur gerst og lífið er spennandi, bara svoldið furðulegt að vera að skilja við landsvæði en ekki manneskju.

Land býr yfir persónuleika.

Mikið er það rosalega leiðinlegt að vera með þynnku. Ég svaf til klukkan 15:00,,,vaknaði þá við jamm,,,,,,hausverk og asanalegar hugsanir sem verða til í þunnum hausum. Ákvað að fara í föt, drattaðist í sund. Þegar Illugaskotta gekk fram hjá ísbúðinni á Hagamelnum þá ákvað hún að Íslendingar væru furðulegur þjóðflokkur. Þar var biðröð í hring, því enginn vildi standa úti,,,,,,,allir í kremju inni í ísbúðinni, og sól og hress vindur voru úti.

Fór í sund, stóð í útiklefanum og lét vindinn sjá um að vekja mig,,,,,,,lá í gufunni og gufaði öllu mínu eitri yfir fólkið........sem sagt enginn dagur, en þess virði........því afmælið var frábært. Nú verður aldrei drukkið meir,,,og unnið í tvær vikur stanslaust í ritgerðinni sem ég mun klára nú.

Mig dreymdi rosalegann draum, Illugaskotta roðnar þegar hún hugsar um hann, hvað er að gerast í hausnum á manni þegar manni er að dreyma?

Þetta var rosalega skemmtileg veisla, allt kláraðist.

Margir góðir gestir komu og margt var spjallað.

Við erum búin að taka til og allt er fínt og flott.

Ég fékk frábærar gjafir líka, takk fyrir það.

Ég er að ég held farin að leggja mig aftur.............sé til.

Svaf sem steinn, eftir að hafa lesið mig til suður ameríku árið 1988, þar sem tveir fjallgöngumenn eru að fara af stað í skelfilegann leiðangur. Sem sagt en þeir lenda í slysi, eru báðir að fara að drepast og það sem gerist er að það verður að bjarga lífi, bestu vinir. Skera á línu, annar hverfur hinn kemst niður í búðirnar. Stendur allt aftan á bókinni.

En jamm og já, það er ótrúlegt magna af áfengi hér á bæ inni í íbúðinni, mér verður óglatt við tilhugsunina að vakna í fyrramálið! En gott er að eiga afmæli og bjóða góðu fólki.

Er farin í vinnuna, svo að ná í kökuna mína um, síðan heim að umbreyta íbúðinni og bíða eftir veislunni....

Gönguferð sumarsins hún verður farin einhvers staðar þarna á Ströndum. Takk öll fyrir góðu kveðjurnar, þið þarna í Danmörku og þið hjúin í Englandi, þið í Kanödu og Skotlandi og ekki síst allir hér á Íslandi!!! Nú hlæ ég þegar ég les yfir þessar þakkir eins og ég sé einhver alheims draugur.

Bjó til kaffi í morgun sem ég hef ekki gert lengi... djöfull var það gott.

Illugaskotta er 30 ára í dag. Það er gaman. Búin að fá ótrúlega mikið magn af símtölum, búin að hringja þó nokkuð athygglisvert í dag, ásamt því að fá tvær afmælisgjafir. Koníak og ótrúlegt blóm frá Jóni og Sigga, Vöðvaolíu frá Þórdísi og bók frá sjálfri mér. Prúttaði hana niður í ekki neitt....

Dagurinn er búin að vera frábær, fór í sund snemma í morgun, svo út í sveit í göngutúr með Þórdísi og hundum hennar, svo í Kringluna að hitta Bjarna og Svövu,,,svo í bæinn að hitta norðlendinga og kaka og kaffi, og einn bjór,,,,,búin að njóta þess að vera til og eiga frábæra vini.

Á morgun verður svo veislan og er að fara að versla í hana núna með hjálpartólinu henni Röggu. Sumarið leggst vel í mig, er með fullt af hugmyndum um hvað sé sniðugt að gera,,,,

Draugurinn fékk fyrsta símtalið klukkan 6 í morgun alla leið frá Skotalandi.....keypti mér Avena Sativa úr heilsuhúsinu sem á að auðvelda manni að sofa, er komin með meira en nóg af andvökum og slíku....Segi það aftur og enn,,,,,,,,allur aldur er skemmtilegur og sérstaklega er gaman að eiga afmæli.

Skoða lóðina og húsið hvern einasta dag. Það sem draugnum langar í þennan stað. 2.2 hektara lóð, sumarhús á henni, sem bara á eftir að leggja rafmagn í og vatn. Þetta er draumur fyrir einfara og drauga eins og Illugaskottu. Þarna get ég sett upp gróðurhús, verið með hundinn minn sem ég á eftir að fá mér. Sett allt draslið mitt, upp með bækurnar og verið í friði og ró þarna.

Svo geta vinir og vandamenn notað húsið þegar þeir koma í heimsókn, hvenær sem er. Því draugar eru gjafmildir. Þarna er gróðursælt, þarna er gott að vera. Örugglega líka ótrúlega gott að sofa þarna úti í móa.

Vann í dag, við það eitt að skrifa ekki. Bara hugsa og lesa. Nóg að gera. Var að ræða það við vin minn hvað það er til allt of mikið af vitleysingjum það er óþolandi, þeir skemma allt.

Á morgun mun ég byrja daginn snemma, fara í sund um 730, synda og láta mér líða vel. Fer svo upp í Dalland til hennar Þórdísar til að ræða ýmiss mál ásamt því að fá mér góðan göngutúr með henni. Fara svo til ömmu í Kópavoginn. Síðann fara með Röggu að versla fyrir veisluna, bjór og snakk og svo ætlum við í Bláa Lónið, svona kannski. Þá verður draugurinn búinn að fara tvisvar sinnum í bað í dag, og bæði skiptin undir berum himmni, en því miður í sundfötum!!! Þoli ekki sundföt.

Svo er kvöldið óákveðið. Kannski bara fara aðeins út og hitta einhverja góða félaga. Sé til. En þessi dagur á að vera góður á morgun.

Er að telja hvað margir koma kannski í veisluna, líklega um 30 manns. Það verður gaman. Er búin að panta 20-25 manna tertu sem ég fæ með ríflegum afslætti í gegnum bróður minn.

Illugaskotta er svo þreytt, hún var andvaka aðra nóttina í röð. Hef svo margt að huxa sem vill ekki hverfa þegar draugurinn leggur þreyttann kollinn á koddann þar sem bjórinn, dýrið bjór, sefur líka. Kannski of margir sem liggja á þessum svæfli?

Illugaskotta verður 30 ára á morgun, það verður fjör, það verður fjör, það verður öfga fjör.

Draugurinn hefur haft furðulegar hugmyndir um aldur í gegnum tíðina. Einu sinni hélt hann að allt væri bara búið og skeð og allt þegar hann yrði 25 ára. Þá væri þessi svokallaði staðlaði pakki í höfn: Hús, bíll, börn og kall. Nei í staðinn þá umturnaðist draugurinn, og uppgötvaði að þessi pakki er bara ekki allra.

Svo héllt draugurinn að hann myndi bara vera á grafarbakkanum þegar árin 30 kæmu. Nei svo er ekki, hef aldrei verið hressari og mun láta til mín taka svo um munar þegar ég kemst út úr þessu skóla skriffli.

Farin í vinnuna. Mun taka mér frí frá störfum á morgun.

Heili draugsins er að lamast, hann er að kafna úr rakspíra fýlu!!!!! Táfýla er betri!!! Gaur með mér á skrifstofu sem notar svo mikinn rakspíra að það veldur því að svifagnir þær sem eru í súrefninu mettast og mengast af ilmvatni sem er svo ónáttúrlegt að það jaðar við umhversspjöll að setja það á sig!!!!

Varð að pústa smá áður en draugurinn ræðst á kauða, rétt held draugnum rólegum sem var að detta inn í einhvern vinnu trans!!!! Annars er lífið frábært og ekkert hægt að stóla á drauga sem bera heiti eins og skotta eða móri.....farin inn í rakspýralandið!!! Bestu kveðjur til ykkar allra.

Á baksíðu Morgunblaðsins í dag er mynd af engum öðrum en Funa galdraketti!!!! Þetta er magnað. Var að drekka kaffi og fletta mogganum margt af góðum fréttum í Morgunblaðinu í dag en einnig slæmum.

Dagurinn tekinn snemma. Illugaskotta er á labbinu því hún er að stirðna upp á allri þessari setu.
Þjóðarbókhlaðann...tölvukerfið þar er freðið, tekur um 5 mínútur að fá upp færslur þegar verið er að leita að bókum á þessu bókasafni.

Hins vegar lá hann Funi galdraköttur núna í anddyrinu, hann lá á mottunni í sólbaði. Vældi ógurlega þegar ég tók upp á því að klappa honum, fólk bara glápti á hann þar sem hann flatmagaði á gólfinu sem hinn bestir húsvörður. Þessi köttur á skilið að fá fálkaorðuna að flytja inn í Þjóðabókhlöðuna og brjóta upp á hversdagsleikann sem er þar við völd.

Randaflugur á sveimi, trén að blómgast og hettumávurinn er líka kominn, hann argar alveg ógurlega hátt og frekjulega sá fugl.

Afmælispartý Illugaskottu verður haldið á laugardaginn, um kvöldið í turninum þar sem hrafnar og draugar sveima um. Þetta verður allt saman alveg ógurlega skemmtilegt.

Í gær varð vinur Illugaskottu bensínlaus og svo fór bílinn ekki í gang, þegar bensínið var komið á hann. Náð var í Rauð sem er enn þá á skaflajárnunum, og Gráni gamli dreginn af stað. Hann komst í gang og er víst hinn sprækasti að ég held eftir þennan drátt.

Það er slydda úti, ég er svo hissa. Gæsir og annar búfiðraður er að maka sig alla daga, gaman að fylgjast með því,,hrafnar að krúnka sig saman, álftir að para sig og fleiri fuglar. Sá mikið af fuglum í gær.

Fátt annað. Illugaskotta dreymir sig bara út og suður, það er það sem hún gerir best.

Mánudagar sem eru sunnudagar eru furðulegir. Allir að sunnudagast eitthvað þótt það sé mánudagur, en vinnuvikan er stutt hjá þeim sem vinna eitthvað,,,annað en Illugaskotta gerir,,,hún bara situr fyrir framan tölvu og bætir á sig kílóum og grömmum, hef aldrei áður verið með bumbu,,,hummm, en þá er hægt að ganga hana af sér eða synda. Ég hlakka svo til sumarsins, það verður fjör með sjávarlykt i nösum og galdraskræður í augum.....nú verð ég að fara að læra að galdra upp á gamla siðinn, kann það nú alveg,,,en alltaf gott að æfa sig.

Ástargaldrar, og svo eru það matargaldrar og hestagaldrar,,,,Hlakka til alls en kvíði ekki neinu, það er góð tilfinning.

"Sjaldan ætlar sá góðs af öðrum sem er vondur sjálfur". Þetta er sá málsháttur sem Illugaskotta fékk úr páskaeggi sínu. Humm,,stundum hef ég tekið málsháttum þannig að þeir eigi að passa við eitthvað í lífi manns, kannski get ég fundið það út með þennan.

Í gærdag, þá gerði ég við stórt gat á hurðinni á bílnum mínum, rygðað í gegn, það var gaman. Nota trimmara til að hreinsa allt, pússa, og líma í, láta harðna og pússa meir, mála svo yfir og gatið er horfði. Var bara fyrst að taka í burtu ryð, skrúfjárnið fór bara í gegn!!!! þannig að þá varð bara að laga.

Svo var ætt á svo sem ágætt leikrit, of mikið öskrað fannst Illugaskottu og það hefði mátt taka á krassandi málum í þessar brúðkaupsveislu sem var verið að setja upp. Síðan um kvöldið þá fór Skottan á sveitaball á Blönduósi. Það var fyndið, þarna er sama liðið síðan ég var á ballast. En breytt andlit, sem sagt það sem ég meina er að það eru og verða alltaf til sömu týpurnar af fólki. Flottu gæarnir, nördarnir, bólufésin, fínu píurnar og hinar sem sjást ekki svo mikið. Þetta var ótrúlegt, mér fannst ég hafa stigið aftur í tímann, en þarna voru ekki: Gummi, Svavar, eða Ragga, Iðunn, Lára og,,,,,allir hinir sem eru hættir að fara á þessi böll, þau heita eitthvað annað núna.

Dansaði og skemmti mér vel.

Margt mis áhugavert rætt, kom heim um klukkan 3 og át tvær risastórar samlokur og las gamla mogga.

Páskaeggið mitt er nú hálfklárað, ég nenni ekki neinu, systkini mín eru dauð í sitthvoru herberginu, pabbi farin í húsin og mamma að bardúsa eitthvað í eldhúsinu, Glúmur galdraköttur er með meiddann framfót, halltrar eins og versti róni.

Ég er farin að hressa mig við.

Vindurinn blæs kaldur að norðan, svo kaldur vindur að hann bítur í beinin. Hvítt niður í miðjar hlíðar Langadalsfjallsins.

Í fyrradag, fór Illugaskotta ásamt 10 ára frænku sinni að leita að tröllum. Fórum inn í Vatnsdal og fram að Þingeyrum, en tvö tröll eiga að hafa dagað uppi inni í Vatnsdal, og eitt af þessum tröllum átti að hafa hennt staf sínum að Þingeyrarkirkju. Stafurinn brotnaði á miðri leið, kom hálfur niður rétt við kirkjuna, hann var síðan notaður sem hestasteinn, en skessan var svo reið og pirruð út í kirkjuna að hún gleymdi sér og sólin gerði hana að steini. En við fundum engin tröll, en keyrðum um fallega sveit í góðu veðri.

Allt er svo sem ágætt, get ekki kvartað.

Merkilegt hvað ég hef mikla þolinmæði til að bíða eftir að netsíðan birtist hér á þessum skjá á þessari fornaldartölvu sem ég er að nota.

Dagurinn hefur farið í að fatta að ég sé fyrir norðan en ekki fyrir sunnan. Hér er best að sofa, sjávarloftið er einstakt. Fór í húsin í morgun með henni systur minni. Étinn var grjónagrautur og slátur í hádeginu. Pælt í mörgu og margt hugsað. Hér er nóg að éta, kjúklingur í kvöld. Illugaskotta finnst hún blása út eins og hinn besti loftbelgur.

Það er apríl, hlakka til sumarsins. Að takast á við ný verkefni og kynnast alls kyns fólki.

Ég er komin heim í heiðan dalinn ég er komin heim við sjó og grjótafjöru, grjótafjöru sem þakka má Blönduvirkjun og Landsvirkjun... (SYNGIST SEM "ÉG ER KOMIN HEIM Í HEIÐANN DALINN")

Sólin skín í heiði, Strandafjöllin og Vatnsnesið eru hress að mér sýnist. Það eru að koma páskar.

En hvað það er gott að vera í burtu frá Reykjavík og öllu því sem þar býr.

Hvað er í gangi?!!! Þessi frétt Morgunblaðsins er ein sú furðulegasta sem Illugaskotta hefur séð,,,kannski finnst mogganum þetta áhugavert vegna þess að þetta gerist í Ríkisstjórnar Íslands heittelskuðu Bandaríkjunum!!!!!

Þekking á sögu Íslands kom sér vel fyrir 14 ára bandarískan skólapilt því hún varð til þess að hann vann landafræðikeppni Georgíuríkis í Bandaríkjunum.
Robert Nuttall frá borginni Decatur vann keppnina er hann vissi svarið við lokaspurningunni en þar var spurt hvaða land milli Grænlandssunds og Noregshafs hefði á sínum tíma lotið yfirráðum Noregs og Danmerkur.

Ísland, sagði Nuttall og hafði sigur í keppninni sem fram fór í bænum Milledgeville á föstudag. Fráfarandi meistari, Martin Ocon frá bænum Cumming, sagði Grænland og varð því annar í keppninni.

Að launum fær Nuttall þátttökurétt á bandaríska landfræðimeistaramótinu í Washington í lok maí.

Sem sagt alveg furðuleg frétt....Ísland er komið á spjöld sögunnar í bandarískum spurningarkeppnum....

Jamm og já. Illugaskotta sólbrann í gær, fór aðeins í sund, draugsins viðkvæma andlit er ekki mikið fyrir sól. Vesturbæjarlaugin var mannsins draumur í gær, sólin skein í heiði og allir voru kátir. Fór svo í hitta vin minn sem vinnur á Morgunblaðinu og þar var margt pískrað og rætt. Hygg á norðurferð á morgun, vinna í dag og koma ýmsu á hreint.


Er komin með góða hugmynd af starfsvettvangi fyrir drauga frá hausti fram að jólum, bara eftir að koma því á framfæri.

Það er vor, vor úti,,,,brjálað vor. Er að fara í hjólatúr og fulgaskoðun með sjálfri mér. Sá hegra um daginn rétt við Dalland þar sem ég var á hestbaki, hélt fyrst að þetta væri fljúgandi dreki, en svo var þetta hegri. Þeir eru með vænghaf frá 170 cm til 195, ég er svo hissa. Var að lesa fuglahandbókina mína.

Já, afmælið var hin mesta skemmtun en drakk ekki neitt, var bara alveg siðprúð, en át vel af bestu snittum sem ég hef bragðað á. Gaman að hitta fólk og spjalla.

Það eru 12 dagar í að ég verði fullorðin. Hvernig ætli það sé að verða fullorðin? Iðunn segir að það sé engin breyting, þannig að ég held að það muni ekkert gerast. Og svo hef ég heldur aldrei verið mikið fyrir það að verða fullorðin.

Það gengur ekki neitt með þessa ritgerð, ég meina ég skrifa ekki neitt. Er að lesa og pæla og pæla og lesa. Finnst allt freðið í hausnum á mér og skil ekkert í því að dagarnir líða og ég bara sit í sama fúla hjólfarinu, spóla mig niður í helvíti kannski!? Æji maður, þetta er eitthvað svo asnalegt, finnst ég vera búin að týna áttum einhvern vegin. Er sem sagt búin að rífa allt út um upprunaskýringar úr Eddunum og er núna að finna uppruna útskýringar í þjóðsögunum varðandi fyrirbæri sem eru í náttúrunni. Svo á ég eftir að finna myndir, skrifa um 19. aldar goðafræði náttúrupælingar sem voru þó nokkrar þá ásamt því að túlka það sem ég er búin að rífa úr eddunum og þjóðsögunum. Þetta er gaman.

Bestu kveðjur frá Skottu rottu.

Fátt og lítið og ekkert að gerast. Er að klikkast en það er ekkert nýtt. Samt verður gaman í dag, fer í afmæli sem mun vara langt fram á rauða nótt. Draugurinn er hress þótt hann sé að klikkast þannig heldur hann sér á lífi. Ákvað að láta gott af mér leiða, gaf ormi einum sem ég þekki og hans umsjónaraðila leikhúsmiða á Dýrin í Hálsaskógi, átti gjafakort sem var farið að rykfalla.

Er á leið í skítabað, svo í rölt um bæinn síðan í afmæli og svo mun ég missa vitið í drykkju og algleymi. Úlfar eru dýr ásamt bjórum sem ég vildi óska að ættu heima á þessu skrímslaskeri. Það er hægt að læra svo margt af þessum dýrum, t.d. að búa til stífflur og byggja sér moldarhús eins og bjórarnir gera og veiða í hóp eins og úlfarnir gera.

Sælt veri fólkið vildi segja að krakkarnir fylltust áhuga á draugum og öðrum verum eftir að Illugskotta var búin að þruma yfir þeim flest allt sem hún veit um drauga. Eftir daginn voru þau beðin um að skrifa hvað þeim fannst og hve mikið þau hefðu áhuga á þjóðsögum. Einn strákurinn skrifaði:
"Ég ætla að verða þjóðfræðingur eins og hún Björk". Draugurinn ég varð hress við þessi orð, gaman að geta frætt og kætt.

Þegar Illugaskotta hamaðist eins og vilteysingur við að lesa og hugsa í morgun á bókasafni Árnastofnunar þá sá hún að það var verið að hringja í hana frá útlöndum. Það var Kris Logan, snillingur með meiru. Hann hafði frá mörgu að segja. Góða fréttir og afar slæmar fréttir. Góðu fréttirnar voru þær að fyrirtækið hans er að stækka og allt gengur vel þar.
Þær slæmu eru þær að besta vinkona dóttur hans Kris, var myrt fyrir þrem vikum. Það fór hrollur um mig. Ég þekkti þessa konu, ekki vel en var málkunnug henni. Hún var ein af þeim sem alltaf komu í stóra hópnum á kránna okkar á Jersey. Hún var sú sem kom öllum til að hlæja og var alltaf með hávaða. Hún var skemmtileg og hress.

Illugskotta er búin að vera hugsi í dag, og hefur ekkert getað unnið. Vandamál draugsins eru ekki neitt miðað við þetta. Draugurinn er sorgmæddur í dag.
Ég er þakklát fyrir það sem ég hef, ég hef allt sem hægt er að kjósa sér.

Ráðum við einhverju um okkar líf eða hvað? Hux......

Ég ætla í göngutúr og láta þetta hverfa.

Snjórinn er farin í vatnaferð, Illugaskotta er ekki mikill penni þessa daganna. Það er komin 2. APRÍL!!!!,,og ég er alveg hress.

Fór í Góða hirðinn í gær í einni pásunni minni, þar keypti ég þrjár bækur og einn tappatroðara, gamladags. Hitti þar gamlan vinnufélaga og það var gaman. Bækurnar þarna kosta 200 krónur og þarna er fullt af eigulegum hlutum fyrir þá sem eru ekki alltaf að flytja, ég nenni ekki að eiga sófasett eða annað drasl. Seldi Röggu vinkonu rúmmið mitt fyrir ári síðan því ég var orðin svo leið á að flytja það alltaf með mér.

Er núna í Árnagarði er að fara að lesa bækur á bókasafninu þar. Annars þá virka engin bókasöfn hér á landinu, fyrr en 5. apríl. Eins gott að muna hvar þær bækur eru sem ég þarf að nota.

Ég er svo aldeilis hissa, nú er ég svo hissa, undrandi að það er að koma heilanum á mér á flug. Fréttir þær er ég fékk í símtali fyrir klukkustund síðan sannfæra mig fullkomlega að þetta eru allt asnar Guðjón! Fólk er fífl og þaðan af verrra, en mér sko sama, mér er alveg sama.

Farin að hitta Iðunni 30 ára gömlu vinkonu á Kaffibarnum, kannski hefur hún breyst.

Ps hef ekki skrifað staf í dag, nú er það lestur og aftur lestur. Hugmyndir fæðast hratt og drepast einnig ógnar hratt. Ef þær myndu líta út eins og risaeðlur þá væri Illugaskotta á kafi í dauðum risaeðlu hugmynda líkum......hvað er að gerast í kollinum á draugnum?

Allt hvítt úti, allt blautt líka. Iðunn vinkona er 30 ára í dag. Mér finnst stutt síðan ég var að fara í 10 ára afmælið hennar. Tíminn flýgur hraðar en allt, en stundum held ég að einn dagur séu tveir dagar, það sé bara verið að plata okkur með þessari klukku og þessu dagatali.

Illugaskotta fór á mannbætandi og snilldar góða mynd í bíó í gærkveldi. Myndin heitir "Whale rider". Hún gerist á Nýja Sjálandi í samfélagi frumbyggja þar á okkar tíma. Ég hef sjaldan farið á eins eðlilega mynd, manni líður vel þegar gengið er heim eftir svona mynd.

Annars fátt eitt sem hægt er að segja. Páskar á næsta leiti, norður, hestar, stússast í bílnum mínum og vera með fjölskyldunni minni.

Það liggur gult ský yfir Reykjavík, mengun frá bílum. Ekki að undra að margir séu með hina ýmsu sjúkdóma, þetta er óheilbryggt umhverfi, hávaði, mengun, og allt of mikið um ljós á kvöldin. Draugar eru ekki fyrir þessa neikvæðu hluti.

Þriðjudagur til þrautar. Þórsdagur í dag, þess vegna ætlar Illugaskotta að berjast eins og hinn versti þurs við allt sem heitir skipulag og taka á því. Heiðni og kristni, myrkur og ljós. Andstæður og allt það, dragast að hvor annarri, en það sem er eins er ekki að meika það í sama bás. Hvað er að veltast um í mínum rugluhaus?

Það væri svo magnað ef hægt væri að taka drauma og hugsanir upp á myndband, þá gæti maður t.d. á morgnana horft á draumfarir sínar og svo gæti maður í enda dagsins sest fyrir framan skjáinn og horft á allar sínar ljótu og fallegu hugsanir lifna til lífsins á skjánum!!!

Ekkert að gerast annað en það að ég held áfram með mitt verkefni, en þetta er samt betra en að vera atvinnulaus, ég hef að einhverju að stefna og það er gott.

Trén hér á suðurlandinu er farin að bruma, mig langar að heyra í spóanum því hann vellir graut og mig langar að fylgjast með álftunum sem búa við Álftavatn uppi í Herðubreiðarlindum. Þær koma þangað hvert sumar, fljúga alla leið frá Skotlandi og upp á hálendið. Önnur þeirra er merkt og ég sendi númerið til Náttúrufræðistofnunar Íslands fyrir 2 árum, þá kom fram að þessi álft er fædd árið 1991 og er hinn mesti ferðalangur. Merkilegt hvað fuglar eru ratvísir.

Þetta er nú búin að vera meiri dagurinn. Fór upp í Grafarholt í morgun, nánar tiltekið í Ingunnarskóla. Þar var ég að segja 10 og 11 ára börnum frá því hvað þjóðsögur væru og frá einkennum nokkurra íslenskra drauga. Tölvuleikir og dvd og video, virðist hafa glapið sum þeirra. Þau nenna ekki að lesa, vilja horfa og hlusta. En ég gat vakið áhuga þeirra ásamt því að gera þau hrædd og Illugaskotta fékk margar skemmtilegar spurningar og athugasemdir.

"Ertu skyggn?"

"Ég er hræddur við þig, þú ert alveg eins og draugur!"

"Hvar er þessi steinn sem þeir settu yfir Djáknann á Myrká?, ég vil sjá þennan stein!"

"Afhverju verða draugar til?"

"Bróðir minn er skyggn"

"Geta draugar drepið mann?"

Ég sýndi þeim myndir af Skottu, Móra, Þorgeirsbola, útburði, Djáknanum á Myrká og draugnum sem vildi komast ofan í gröfina sína eftir að hann hafði barnað konu,,en honum var ekki hleypt ofan í gröfina fyrr en hann sagði frá því hver yrðu örlög þessa draugamannsbarns......

Þetta var frábært og skemmtilegt. Þjóðsögur eru þessum börnum og líklega foreldrum þeirra sem lokuð bók. Þegar þessari bók er lokið upp þá flæðir fram frábær heimur sem á svo skilið að vera kynntur fyrir fleirum á þessu landi og einnig erlendis. Margir þessara krakka ætluðu að fara á bókasafnið og leigja þjóðsagnabækur

Illugaskotta var hress eftir þessa skemmtilegu framsögu.

Fór svo í að hitta Fannar bróðir, fengum okkur að éta. Svo á fund hjá kennaranum mínum og svo með Fannari í varahlutainnkaup.

Svo margt fleira sem var ekki alveg klárað. Nú er klukkan að verða 1730

Það var tekið frí frá tölvunni og martröðinni um helgina. Illugaskotta verður með smá kynningu á þjóðfræði og draugum í Ingunnarskóla á morgun, fyrir 10 og 11 ára börn. Það verður gaman. Er búin að útbúa glærur af nokkrum draugum, mæli eindregið með bók Skúla Gíslasonar, Sagnakver. En þar eru hinar fínustu teikningar af hinum ýmsu fyrirbærum úr íslenskum menningararfi.

Fór í Þjóðarbókhlöðuna í dag, og viti menn , þar var hann Funi galdraköttur. Hann lá við innganginn á hitaristinni og með sólina skínandi á feldinn sinn. Tók mynd af honum og hann brosti fínt, eins og hinn besti herraköttur.

Illugaskotta hefur einnig verið mikið í því að skoða upp í kjaftinn á sér,,önnur frammtönnin er að fara fram fyrir hina,,hin mesta kvöl og pína að horfa upp á þetta, og fattaði í dag, afhverju þetta er að gerast. Er alltaf að ýta tungunni í augntönnina sem ýtir svo á framtönnina. Þessum kjæk verð ég að hætta. Réðst svo með sandpappír á yfirborðsskemmd, ætlaði að pússa hana í burtu. Þetta er lítill brúnn blettur, en það gekk ekkert. Sem þýðir að hann Gunnar Guðni tannlæknir fær bráðum heimsókn frá draugnum.

Færslan þar sem ég talaði um baktal og illt umtal og allt það var leiðinleg, en varð að skrifa þetta og þá fer það úr hausnum á mér. Nú líður draugnum miklu betur og er með hreinann haus. Er samt ekki enn þá búin að ákveða neitt með sumarvinnu eða vinnu almennt. Langar að vinna eins og brjálæðingur í sumar og fram á haustið. Er orðin jarðar óðari en áður, og hef alveg gríðalega góða hugmynd um það hvað ég vil gera á jörðinni minni.


Það snjóar nú í borginni af og til, heilinn er svolítið krumpaður eftir rauðvínsdrykkju í gær,,,en það er ágætt af og til. Fannar bróðir kemur í bæinn í kvöld, krummi krunkar úti og allt gengur vel.