Mótmælendur stóriðjustefnu og virkjanna hanga á krönum uppi á hálendinu, æðarkollur hamast við að koma ungum sínum til að stækka sem hraðast, fólk æðir hingað og þangað en alltaf kemur sólin upp og sest á ný. Það kemur að ég held alltaf nýr dagur eftir þennan dag, þess vegna á kona eða kall,,barn eða umskiptingur, skoffín eða skuggabaldar alltaf að gera það besta sem þau geta við daginn.

Þess vegna á fólk alls, alls ekki að vera að spá í hvað hinum og þessum finnst um mann, segir um mann, eða flokkar mann í. Það er eyðsla á orku í óþarfa. Illugaskotta gefur þeim langt nef og löngutöng, sem eru að spá í og segja henni hvernig hún er og hvað hún er. Hún ein veit hvað er henni fyrir bestu. Kill them all.er gott lag!

Hvað er það sem lætur fólk hlaupa á eftir dauðum hlutum? Í stað þess að spá í að rækta samband sitt við fjölskylduna eða vinina.

Illugaskottu langar að vera gáfuleg í dag,,en það getur hún ekki. Er að rembast eins og rjúpan við staurinn. Eldgamla Ísafold hljómar hér á Rás 1. Greyið Ísafold, hún er tætt í sundur af heimskingjum sem ekkert skilja í því að landið er okkur allt, og með því að selja það til stórfyrirtækja úti í heimi erum við að selja sál okkar skrattanum.

Illugaskotta brunaði í gærkveldi eftir vinnu og át á söltu lambakjeti,,, með einn Íslending, einn Breta og einn Bandaríkjamann í sund á Krossnesi. Það var fjör, útlendingarnir voru að frjósa ef þeir stungu sínum öxlum upp úr vatninu..en ég og Binna erum miklir jaxlar enda Íslendingar...og stungum okkar öxlum mikið upp úr lauginni til að sýna þeim að hvorki kaldur vindur né nokkur önnur náttúruöfl myndu koma okkur í vist hjá henni Hel.

Hins vegar tjáði Bretinn mér eftir laugarferð, að hann hefði upplifað margt á sinni ævi hér og þar um heiminn. En þessi sundlaugarferð, væri eitt það eftirminnanlegasta sem hann hefði upplifað..laug niður við Atlantshafið, undir berum himni lengst norður í einhverju, eins og hann sagði. Draugur varð kátur..og svo komum við heim í nótt, þreytt en alsæl.

Það eru komin krækiber, en ekki hef ég enn þá séð bláberin góðu.

Í gær fór Illugaskotta á frábæra sýningu um Kvennaskólann á Blönduósi, sem sett var upp í skólanum sjálfum af Aðalbjörgu Ingvarsdóttur, þessi sýning er mögnuð og á lof skilið.

Annað sem ég sá er að stofna þarf aftur Kvennaskólann á Blönduósi, þar sem kenndar yrðu hinar margslungnu mataraðferðir forfeðra okkar og formæðra. Einnig yrðu hinar ýmus hannyrðir kenndar. Boðið yrði upp á hin ýmsu námskeið sem væru bæði stutt og löng í tengslum við matarmenningu og handverk ýmisskonar. Staðurinn er þarna, húsið, og allt. Það þarf einungis að koma skólanum aftur af stað. Nýsköpun og kraftur er það sem þarf inn á Blönduós. Ég skora á bæjarstjórnina á Blönduósi að taka þetta mál fyrir og koma þessu verkefni af stað. Vonandi verður það gert.

Fékk símtal frá Binnu vinkonu í dag, hún er að koma á Strandirnar í fylgd tveggja Ameríkana. Það verður nú gaman að hitta hana svölu Binnu, New York farann og konuna sem kom mér til þess að vera þrælahaldari í New York í desember 2003! Það var ein versta upplifun Illugaskotta nokkrun tíma í útlöndum.

Draugurinn er kátur vegna þess að VERSLUNARMANNAHELGIN ER BÚIN! og útvarpið getur tekið ró sína á öldum ljósvakans, nú eru þetta bara dagar,,,ekki óðsmannsæði og múgæsingar helgin brjálaða..hún er farin og kemur aldrei aftur.

Já já,,,það er að koma enn ein Verslunamannahelgin! Djö,,,, leiðist mér útvarpið um Verslunarmannahelgina..allir eru hressir að gera eitthvað ægilega sniðugt, með skuldahalann í borunni..grilla pylsur, tjalda fellihúsinu, kaupa bensín, kaupa ís, hlusta á tónlist, vera hress, leika við börnin, fá meiri skemmtiatriði, drekka meiri bjór, meiri vodka, labba á fleiri fjöll, sigla niður fleiri ár, reykja meira, tala meira...meira af öllu!

Draugur er massa fúllegg, ojbarasta! Ég er Schrooge á Verslunarmannahelgar, hef alltaf hatað þær...til skrattans með það að gera eitthvað, ætla ekki að gera neitt!..læt ekki múgæsinginn ná til mín. Nei skal liggja í bælinu, lesa endalaust af vísindalegu fræðilegu mjög alvarlegu efni sem fjallar ekki um útilegur og hvernig beri að haga sér við grillið!

Annars hef ekkert að segja sniðugt, enda eru draugar aldrei sniðugir, bara stríðnir og miklir tækifærissinnar!

Datt í það!!!!! Ægilega...en þess var þörf,,,súkkulaði, datt í það..Draugurinn situr núna ropandi og kámugur fyrir framan tölvuna. Fullur af Risa stóru rís og kúfuðum disk af kókapuffs!..ojbara..en mig langaði bara svo..og lét verða af því. Nammi namm... Jón Glói var mikið heima við í dag, æpandi af pirringi á allt og alla, milli þess sem hann sat gapandi af hita ofan á útidyrahurðinni á Galdrasýningunni. Merkilegur kvistur þessi hrafn.

Láki Jarðálfur var eitt sinn uppáhalds bók einhvers sem draugurinn þekkti, vegna þess að hann var alltaf að gera öðrum illt, en svo hætti hann að gera illt og breyttist í undurfallegt mannabarn. Þar með missti Láki af sér allt hið dýrslega útlit sem hann hafði, sem var; skott, krullótt hár, dýrslega uppmjó eyru og langleitt andlit. Merkilegt í alla staði.

Steinbítur, nýjar kartöflur, og ofur salat allt útbúið af Illugaskottu, endaði á kafi ofan í maga draugsins eftir góðan dag úti í Bjarnarfirði við vinnu. Kotbýli Kuklarans er flottur staður.

Veðrið lék við hvern sinn fingur, Jón Glói er komin með vin, eða kannsku kærustu, það er gott, enda var hann búin að vera alveg vængbrotinn eftir að Jón lærði hvarf eitthvert í bókalesturinn mikla.

Illugaskotta verður í frí um þessa annasömu helgi, ætla heim á fornar slóðir, Blönduós.

Sunnudagur,,og það er sól...og mjög hressandi vindur úti. Fjör í gær, og Kotbýlið mun slá í gegn, það er magnaður staður. Hitti mann og annan í gærkveldi...og alltaf kemst Illugaskotta betur og betur af því að Ísland er lítið..það þekkja allir alla og einhvern veginn tengjast allir öllum á óbeinann eða beinann hátt.

Illugaskottu finnst ekki gott þegar neikvæðann tón kveður í garð náttúruverndar, stundum er fjallað um þjóðgarða og vernduð svæði á Íslandi með neikvæðum undirtón. Kannski þurfa viðhorf beggja að breytast þeirra sem vilja vernda og þeirra sem vilja nýta...það heldur Illugaskotta að sé besta ráðið. Nýjasta dæmið um lítilvægann nei tón, sem ég hef rekist á er úr fréttum hjá Ríkisútvarpinu þar sem fjallað er um að nú sé verið að beita sauðkindinni á lúpínuna í Bæjarstaðarskógi sem er í Þjóðgarðinum á Skaftafelli. Fréttin endar á þessum orðum:

Gamli bóndinn í Skaftafelli sagði raunar alltaf að lúpínuvandamálið væri auðleyst með beit en ráðamenn í þjóðgarðinum og helstu postular náttúruverndar í landinu telja sauðfé ekki eiga heima í þjóðgörðum og hafa þar til í vor þvertekið fyrir að hleypa því á hina helgu staði. Postular og helgir staðir! undralegt í alla staði finnst mér að taka svona til orða. En taki hver til sín sem á.

Valdís Vera og Laufey elduðu hádegismat fyrir mig í gær og komu með hann í vinnuna, það var ljúft. Núna eru þær úti í Bjarnarfirði. Ég hlakka til ferðalagsins míns í ágúst.

Margt gesta hér á Galdrasýningunni í dag, kunningjar frá Egilsstöðum litu við..og von er á fleirum vinum og kunningjum Illugaskottu á Strandirnar í dag. Það er alltaf gaman að fá góða gesti í heimsókn.

Illugaskottu hlakkar til veislu annað kvöld, nú er gaman og nú er fjör. Sumarið er búið að líða eiginlega æglilega hratt....júlí er næstum á enda. Hvar endar þetta allt saman? Það er búið að vera mjög gaman að vinna að uppsetningu annars áfanga Galdrasýningar á Ströndum. Afsteypa var gerð af höndum draugsins, sem fannst undarlegt að takast í hendur við sjálfan sig...það var eiginlega stór furðulegt. Þessar hendur munu dvelja einhvers staðar í Kotbýlinu á komandi árum.

Sólin er í felum, en mér er sama, enda brennir hún hvíta drauga verklega!

Bullustrokkur í pörtum og stór poki af gifsi eru hlutir sem eru úti í bílnum mínum ásamt öðrum hlutum. Veðrið er himneskt,,sá ekki Jón Glóa í kvöld, vonandi er hann búin að kynnast öðrum hröfnum. Það verðu grillandi gott veður á morgun, það er gott.

Margt fólk er á tjaldstæðinu, Illugaskotta er ekki á ferðabuxum enn, en brátt tekur það smá við. Hænur skoppa um á Klúku, fimm stykki það er heimilislegt, sérstaklega fyrir utan torfbæ. Tröllin er ekki enn þá farin að skoppa fyrir utan Klúku en kannski seinna.

Getur einhver bent mér á bók sem er: fræðandi, spennandi, fyndin og skemmtileg. Draugur er í vanda, því hann finnur ekkert skemmtilegt að lesa. Þetta eru þær skemmtilegustu bækur sem ég hef lesið:
Sjálfstætt fólk, Hýbýli vindanna, Lífsins tré, Pope Joan, I heard the Owl call my name.

Veit ekki, skil ekki og hugsa mikið um vissann atburð. Enn er kallt í veðri, á morgun fer draugur í að mála hús í Bjarnarfirðinum, það er gaman.

Draugur hefur verið í fríi í dag, meðan himnarnir rifna yfir okkur og úr þeim hefur dunið hið svokallaða regn, sem er nú gott í hófi. Lesið bækur, sofið, lesið meir, eldaði pasta, vann í tölvunni..horfði á fréttir og lét allt leka í gegnum heilann á mér. Fátt gerist, dagarnir líða, sólin sest og sólin rís, eins og hún hefur gert í einhverjar þúsundir ára. Er byrjuð að lesa aftur bókina Saga Fjalla-Eyvindar. Herfilega leiðinlega skrifuð bók um mjög áhugavert efni. Kannski get ég þjösnast í gegnum hana,,,held samt ekki. Þetta kvæði samdi hann Matthías Jochumsson um Skugga-Svein, en fyrirmynd hans var Fjalla-Eyvindur.

Þú ein bauðst mér trú og tryggð
tröllum helguð fjallabyggð,
dugur, þrek og dirfskan mín
drjúgum óx við brjóstin þín.

Komið nóg af engu, góða nótt.

Jón lærði hefur ekki skilað sér heim í dag, hann var hins vegar á prikinu sínu í gærkveldi. Jón Glói er alveg pirraður og veit ekkert hvernig hann á að haga sér þegar uppáhalds bróðirinn er ekki á svæðinu. Líklega hefur hann Lærði litli fundið galdrabækur í einhverjum giljum hér á Ströndum og er að læra eins hratt og hann getur alla þá galdra sem snúa að hröfnum.

Það rignir núna, át skyr með rjóma í dag, draugurinn varð svo gráðugur að hann fyllti diskinn af rjóma, lét hann drekkja skyrfjallinu..og svo slafraði hann þessu öllu í sig eins og hann hefði aldrei borðað skyr áður. Svo varð draug herfilega illt í maganum, æ mig aumann. Og borðaði ekkert fyrr en í kvöldmatnum. Eftir góðan sundsprett í lauginni sem bætir allt.

Nú er rólegt laugardagskvöld hér á Ströndum, sólin er farin eitthvert annað. Illugaskotta er að klára að lesa bókina Lífsins tré sem er eftir Böðvar Guðmundsson. Góður og fyndinn höfundur hann Böðvar.

Hálf grillaður draugur situr hér fyrir framan tölvuna. Var að mála úti í Bjarnarfirði í dag, það var svo heitt að draugurinn reif sig úr fötum og hamaðist að vinna. Svo var bakið orðið grillað,,,og hendur..en ekki andlit,,því það var grátt og hvítt af sólarvörn. Draugur gleymdi að húðin hans er svo mikið drasl þegar sólin vill steikja hana.

Það er föstudagur, þokan er að skríða niður hlíðarnar hérna. Illugaskotta mun einnig dvelja úti í Bjarnafirði á morgun.

Eygerður og fjölskylda kom á svæðið í gær, það var gaman að hitta þau öll, og svo komu þau út í Bjarnafjörðinn í dag.

Glói og Lærði litli voru á baksíðu Morgunblaðsins í gær, en Illugaskotta átti myndina.

Bestu sumarkveðjur frá Skottu rottu...ps. Vegurinn upp í Herðubreiðarlindir er að fara í sundur eða í kaf eða bara bæði held ég, Jökulsá á Fjöllum er ekkert lamb að leika sér við.

Ég öskraði á vindinn í morgun, en hann bara hló og hélt áfram að blása inn í hausinn á mér. Hann blæs enn þá og klukkan er að ganga fjögur um dag. Illugaskotta hefur ekki bakað neitt, eða eldað að ráði. Sjónvarpsdagskráin er áhugamál hjá draugnum, sem situr oft með hundshaus yfir kassanum. Svo hefur geralistinn styðst, og núna er ég að byrja að skrifa greinargerð um verkefnið mitt í Kanödu. Það er erfitt að skrifa þessa greinargerð, vegna þess að ég verð að afmarka mig vel.

Í einum sjóði sem ég ætla að sækja um styrk í eru 500 milljónir, fimmhundruð milljónir, bara ef ég fengi svona nokkrar krónur af þessum 500 milljónum þá yrði draugurinn kátur eins og brjálaður bátur.

Það er hins vegar svo margt sem ég á eftir að gera í Kanödu, að ég fæ spenningarhnút í magann!

Núna ætla ég að éta eitthvað og halda svo áfram að pikka og stinga út hugmyndum úr mínum þykka haus inn í mína þunnu tölvu.

Hið milda Strandaveður kom í kvöld, við sátum úti á tröppum og drukkum rauðar veigar, á meðan við nutum lognsins í stað roksins ægilega sem hér hefur geisað.

Hef fátt að segja, fylgist lítið með fréttum, drekki mér í alls kyns bókum, tala við ferðamenn,,,sinni herra hröfnum og spái í sjálfa mig. Er egóisti þessa daganna, eða kannski er ég það alla dag? Eldaði kús kús í gær og í dag, merkilegur matur það. Nennti ekki í sund eftir vinnu dag, lagðist strax í mitt bæli og lagði mig.

Keypti moggann í dag, vegna þess að í honum er athyglisverð grein um mann sem er þjóðháttafræðingur plantna, eða ethnobotany. Einmitt hlutur sem Illugaskotta hefur einkar mikinn áhuga á. Vinkona mín kemst sem betur fer á fyrirlestur hans sem verður á miðvikudaginn, þá fæ ég nánari fréttir af þessum frekar áhugaverða manni.

Frí á morgun, hef margt að gera í því. Græja pappíra, pósthúsið, hringja ýmiss símtöl, tína jurtir og rætur, kannski baka brauð og gera þykka súpu úr alls kyns grænmeti. Illugaskotta er hress og dagarnir líða allt of hratt.

Að sitja hátt uppi á priki eða ljósastaur langt fyrir ofan okkur öll hin fíflin er það sem krummar vilja gera. Einnig vilja þeir éta mikið, leika sér og leggja sig af og til, þá finnst þeim einkar gott að fá gogga og hausnudd. Illugaskotta er ekkert að rugla hérna, fylgist vel með þeim félögum Lærða og Glóa. Þeir eru skemmtilegar skringiskrúfur, sem ég get endalaust fylgst með.

Nú er ekki þurrkur, það er blautt úti. Tók til í herberginu mínu, það er afrek, og setti í þvottavél. Skipulagið er að koma aftur til mín. Laugardagur á morgun, 9. júlí. Það er há sumar.

Tveir dagar í útivinnu ekki slæmt. Búin að vera að vinna úti í Bjarnarfirði við Kotbýli kuklarans, það var fjör. Skrokkurinn er allur í strengjum, fínt. Það rignir og rignir. Millt og gott veður þó. Vinna um helgina. Á sunnudaginn er Knebelsdagur, en þann 10. júlí 1907, hurfu Þjóðverjarnir Knebel og Rudlof við Öskjuvatn. Þeir fundust aldrei, en sumir segja að þeir sveimi þarna um enn í dag. Ég hef oft velt því fyrir mér hvað hafi komið fyrir þá félaga, en aldrei komist á eina niðurstöðu.

Föstudagur til föstu, sagði einhver og datt á höfuðið.

Ef allt væri eins og maður vildi hafa það þá myndi maður vilja hafa það öðruvísi.

Illugaskotta varð massa fúl í gær, því grein sem hún skrifaði og átti að birtast 19. júlí í Morgunblaðinu, birtist í gær!!! Hvaða heyksli er það? Ég er fúl út í Morgunblaðið, mér var boðið að skrifa aðra grein, stutta grein þar sem ég gæti vitnað í gömlu greinina mína. Enn þá fúlari við þetta tilboð. Draugurinn eyddi tíma og pælingum í greinina sína sem ber heitið: Landið lifir án okkar en við ekki án þess, hef engan tíma í að skrifa aðra grein. Er að skrifa svo margt annað.

Búin að vinna í dag, er á leið í sund, svo elda mér hamborgara, flaka og taka innan úr fiski, glápa á kassann,,,drekka pilsner, hugsa ekki neitt og vera ekki neitt. Það er ágætt.

Ferðin var góð suður, hitt mann og annan og miklu meira en það. Það er nú fjör að vera til eða er það ekki?

Súldin liggur hér yfir, nóg var að gera í dag. Hlautbollinn vekur forvitni hjá gestum, Illugaskotta heldur að það hafi ráðist á hana draugur í morgun, en hvað um það. Illugaskotta henntist upp í loftið og gargaði, þegar hurðin að hlautbollaherberginu lokaðist allt í einu af sjálfu sér.

Svona verða draugasögur til.

Það var svo mikil umferð suður, að ég er skil ekkert í því afhverju byggð úti á land sé ekki lögð niður af ríkisstjórninnni. Þá þarf þetta Reykjavíkur lið ekkert að fara út á land, lenda í umferðarhnútum og öllu þessu. Það getur bara verið heima með fellihýsið sitt!!!! Pakkið með hús eitthvað í eftirdragi var margt úti á vegunum í gær.

Það þarf að innleiða aðra ferðamenningu. Ekki hús í rassgatið ferðamenningu!

Illugaskotta er nú stödd í Reykjavík, á leið í brúðkaup eftir 45 mínútur. Mér var falið það verkefni að búa til brúðarvöndinn, og já það hefur verið höfuðverkur, vegna þess að í honum áttu að vera íslenskar jurtir sem tengjast þjóðtrú og lækningum. Illugaskotta er ekki vel að sér í því hvar jurtir vaxa hér á suðurtánni, þannig að draugurinn er búin að vera á hinum undarlegustu stöðum að leita að jurtum. T.d. í Grasagarðinum, Öskjuhlíðinni, skurðköntum og fleirum undarlegum stöðum sem draugar sveima stundum um á.

En vöndurinn er tilbúinn í honum eru jurtirnar: Burnirót, birki, reynir, maríustakkur, fjalladalafífill og blágresi. Ég veit ekkert hvar ég mun hitta brúðina, en venjulega reddast allt sem tengist mér og Fríðu, vegna þess að við erum hinar ótrúlegu nornir..nú hlæ ég.

Hér sit ég nýgreidd af henni Valdísi Veru snillingi, í bláum síðum kjól...og kann varla að hreyfa mig í þessu. Gaman að klæða sig upp, þetta verður góður dagur.

Komin aftur í Strandasýsluna. Ferðalagið var gott, jöklar, fjöll, jökulár, svartir sandar, rollur á stangli og túristar. Mývatnssveit, heim á Blósinn, hitti gott fólk, og skemmti mér hið besta.

Búin að sakna krummanna og það var gaman að sjá þá aftur, enda hafa þeir rifnað í sundur.

Allt gengur vel, Illugaskotta er mjög upptekin þessa dagana í því að pæla í öllu, gjörsamlega öllu, merkilegt allt saman.

Illugaskotta hefur skömm á því að ekki sé hægt að sækja um starf sem sendiherra. Heldur er þessu starfi úthlutað til einhverra og all flestir eru þessir einhverjir karlar. Ósanngjarnt og undarlegt allt saman. Ef staðan væri auglýst má segja að alls kyns hæfileikaríkt fólk myndi sækja um.

Þreyttir stjórnmálamenn,, stjórnmálamenn sem ekki er þörf fyrir lengur hér á klakanum, hátt settir embættismenn innan ríkisins og fleiri sem tengjast einhvern veginn inn í í stjórnkerfið fá þessi störf. FÁRANLEGT...og þessu ætti að útrýma úr stjórnsýlunni.

Nú ætla ég að hætta að skammast, það er líka leiðinlegt. Nú ætlar Illugaskotta að vera kát, því hún er að fara í ferðalag á fjöll og líka að fara heim til sín. Kuldinn er ægilegur hér á norðurlandinu, gróðurinn hefur haldið í sér en er rétt tekinn að lifna við.

Þangað til næst sem verður eftir viku, segir haninn:"Hana nú, nú er komið sumar".

Góður dagur í gær, það var nóg að gera á Galdrasýningunni. Illugaskotta leiðsagði fyrir 23 manna þýskan hóp, síðan komu kvikmyndagerðar mennirnir Páll Steingrímsson og Friðþjófur Helgason. Þeir eru að vinna að heimildarmynd um íslenska hrafninn, Jón lærði stóð sig sem hetja og það gerði Glóinn líka.

Síðan æddi Illugaskotta í sund og þegar heim var komið var búið að elda sel. BESTI MATURINN, þetta kjöt bráðnar í munninum á manni. Selur er þannig matreiddur að hann er soðinn í potti og salti bætt út í. Síðan er hann borðaður með soðnum kartöflum, hvítri sósu og rauðvíni ef það er til, annars er það blávatnið. Illugaskotta át eins og besti draugur,,,,smjatt smjatt.....

Kuldaboli ætlar sér að dvelja lengi hér á Ströndum, vona að hann fari að koma sér í frí eitthvert annað.

Hálendið heillar mig til sín, þangað held ég á fimmtudaginn.

Rok og rigning,,Ísland í dag. Illugaskottu var búið að hlakka til að horfa á spennumynd í sjónvarpinu í gærkveldi, en þegar til kom þá var þetta hin mesta þvæla. Fólk smitaðist af vírus, drapst en svo lifnaði skrokkurinn aftur við, og vildi bara éta annað fólk. Hvernig dettur mönnum í hug að búa til aðra eins þvælu?
Slökkti um 11 og fór snemma í bælið.

Rok er mest svæfandi fyrirbæri sem Illugaskotta veit um. Í dag eru 90 ár síðan konur fengu kosningarétt. Hátíð á Þingvöllum í dag.

Furðuleikar einnig að Sævangi í dag.

Í dag fóru Jón glói og Jón lærði í fyrsta skipti í bað, þeir steinsofnuðu á eftir sem betur fer....hættir að æpa eins ógurlega og venjulega. Bað hrafna gengur út á það að draugar hella yfir þá ísköldu vatni úr blárri fötu, þá verða hrafnarnir ægilega kátir og byrja að þrífa sig.

Nú er það 17. júní og allir eru hressir. Gulrótarkakan ógurlega var bökuð í gær,,og hún situr nú bústin og sælleg inni í ískáp ásamt risstórri skál af þeyttum rjóma. Hef ekki enn þá dýft mér ofan í þessa köku.

Dýrindis steik beið mín þegar ég kom heim, þvílíka snilldin,,grill, salat, rauðvín. Illugaskotta er öfga kát með þetta allt saman. Hér er enn þá kuldaboli á ferð, sumarið í fyrra er ekki hér nú..skyldi engan undra.

Skyrslettur, hafa skapað af sér deilur og leiðindi. T.d. sletta krummarnir alltaf á mig skyri, ég verð ekki hrædd eða fúl. Illugaskotta þvær það bara af sér og heldur áfram með daginn. Hvað er annað hægt að gera?

Hálendið er farið að kalla á mig, og Illugaskotta fer þangað brátt. Get ekki beðið eftir að sjá fjöll, jökla, svarta sanda, jökulár. Í straumi alls þá hugsar Illugaskotta oft til fjallsins sem heitir Herðubreið, og til staðar þar sem Hvannir vaxa vel.

Í gærkveldi lagaði ég greinarkornið mitt með hjálp Binnu, hún var hrifin af greininni og ég hlakka til að koma henni frá mér. Hún á að birtast í Morgunblaðinu þann 19. júlí, næstkomandi.

Það er ekki enn þá búið að hýða þingmenn,,en kannski virka orð best?

Tveir hvalir aftur úti á firði, að blása. Fuglar í ham, sjaldan sé ég sel, bara séð einn hér á Steingrímsfirði í sumar. Krummarnir vilja láta tala við sig alla daga, þeim leiðist ef þeir fá ekki nóga athygli. 17. júní á föstudaginn, hæ og hó og jibbí jei.

Best að fara í morgunkaffið, morgunmatinn og halda áfram að lesa Híbýli vindanna. Mæli með þeim bókum, grípa hug minn og færa mig aftur til undarlegra og harðra tíma í Íslandssögunni.

Illugaskotta leggur til að ríkisstjórnin öll með tölu sé múlbundin úti á Austurvelli, með rassinn út í loftið. Svo má fólk fara í röð og rasskella með gamalli spýtu eða hrís. Hver og einn má rasskella eins oft og hann vill fyrir allt það skilingsleysi sem þessir þingmenn hafa á því sem er að gerast í landinu okkar.

Hana nú, þá yrði kannski stóriðjudraugurinn laminn úr skrokk ríkisstjórnarinnar..og kannski verður lamið í þá vit..nú hlær Illugaskotta efasemdar hlátri.

Illugaskotta þekkir mann sem hefur verið sjálfstæðismaður í um það bil 40 ár. Hann hefur skömm á Framsóknarflokknum, enda segir hann að sá flokkur sé búin að marg svíkja fólkið í landinu að það sé hætt að trúa nokkrum sköpuðum hlut,,þessi sjálfstæðiðmaður er einnig kominn með skömm á Sjálfstæðisflokknum. Þessi Sjálfstæðismaður er fastlega að hugsa um að kjósa Vinstri græna í næstu kosningum, vegna þess að sá flokkur er að berjast fyrir því sem þarf að hlúa að úti á landi. Það vantar jafnvægi á milli landsbyggðar og borgar.

Illugaskotta ætlar aldrei að festa sig í flokk, það væri frábært ef það væri hægt að kjósa menn en ekki flokka.

Kiðlingurinn var að spyrja hvort að agameðferð sú sem beitt var á hrafnana virki á börn og eignmenn. Illugaskotta hefur ekki draugslega hugmynd um það. Hröfnunum var haldið í burtu frá hvorum öðrum og látnir hlýða, ekkert hlustað á möglið og bögglið í þeim. Það virkaði á þá!

Hópnauðgun á Tjörninni, var yfirskrift á einni sjónvarpsfrétta Stöðvar 2 í gærkveldi. Illugaskotta og Siggi Atla störðu á þessa mjög svo undarlegu frétt og voru svo hneyksluð eftir þessa umfjöllun að þau áttu ekki til orð. Í stuttu máli var fréttin sú að andarsteggir á Reykjavíkurtjörn séu víst farnir að stunda hópnauðganir á æðarkollum.

Talað var við mjög svo áhyggjufulla Reykjavíkurmær sem vinnur á Kaffi Iðnó. Hún sagði að kollan hefði öll verið blóðug eftir árás fimm andarsteggja á hana. Síðan sagði þessi mjög svo áhyggjufulla og hneykslaða Reykjavíkurmær, að þetta hefði verið hræðilegt að horfa upp á. Móðir hefði komið niður að tjörninni með barn sitt og hún hefði þurft að taka fyrir augun á barninu vegna hræðilegra aðfara steggjanna að kollunni. Síðan var sagt að dýralæknir nokkur segði að þetta væri óvenjuleg hegðun hjá fugladýrunum.

Jæja segir Illugaskotta nú og dæsir. Afhverju var ekki talað við fuglafræðing í stað dýralæknis? Ég næ ekki upp í nefið á mér, það er hræðilegt þegar fréttamenn fjalla svo ófagmannlega um dýr. Sýn fólks á atferli dýra er í meira lagi undarleg, og að alhæfa um að hér hafi átt sér stað hópnauðgun, er fáranlegt. Ég hef hvað eftir annað orðið vitni að því að atferli dýra sé túlkað á fáranlegann og rangann máta í fjölmiðlum þessa lands.

Getur ekki verið að eitthvað hafi verið að kollunni og þess vegna hafi steggirnir ráðist á hana? Getur ekki verið að hún hafi verið svo vinsæl að sá sterkasti vinni hana og fær hana sem sína ektakollu?

Illugaskotta hvetur þá sem eru svona ægilega hræddir við dýraríkið að lesa um dýr, fara út fyrir bæinn og fylgjast með þeim, upplifa, sjá og skilja þau. Úfff,,Illugaskotta er einnig mjög leið yfir þessari frétt, hér kemur fram skilingsleysi, fordómar og fáfræði á náttúrunni hjá mörgum aðilum.

Jæja best að koma sér í moldarfötin, er að fara að moka mold í hjólbörur og keyra hér í grænmetiskassana sem eru í garðinum hér við Sæberg. Það eru smá skúrir úti, logn og yndislegt veður. Illugaskotta ætlar ekki að voga sér að hugsa út í hópnauðganir andarsteggja í bili að minnsta kosti.

Gaggalagú sagði haninn og velti sér á bakið, því hann hló svo mikið af heimsku mannanna.

Sunnudagur til suðurs!

Himbrimar, lómar, kríur, æðarfugl, sandlóur, álftarpar, lóa og brjálaður tjaldur eru þeir fuglar sem helst verða á leið minni á morgnana. Engan örn hef ég séð í sumar. Nóg að gera á Galdrasýningunni, og margt er þar í bígerð. Krummarnir hættu smá saman að æpa í gær, eftir að tveir einstaklingar tóku þá í agaþjálfun í því að þegja! Kötturinn lætur sjá sig hér í Sæbergi, er víst að eigin sögn fluttur inn. Hann er hættur að væla undarlega.

Það var frétt í útvarpsfréttum í dag, að örn hefði tekið lamb hér fyrir vestan. Núna þegar arnarstofninn er að styrkjast, þá verður meira vart við örn. Það er nú þannig að örninn hefur alveg jafn mikinn rétt og við mennirnir að lifa, koma afkvæmum sínum á fót, éta og vera til. Hefur maðurinn allan rétt að verja sitt, sinn æðarfugl, sín lömb og á örninn engan rétt?

Illugaskotta ætlar að taka upp hanskann fyrir örninn, vegna þess að fáir gera það. Örninn er kraftmikill og fallegur fugl sem við ættum að vera stollt af. Illugaskotta skal verja hann með kjafti og klóm, hún getur farið út í sjoppu étið eins og svín, t.d. svín, lömb eða naut á meðan örninn étur eitthvað annað sem hann tekur frjálsum klóm. Að fordæma lífsferli eins kraftmikils dýrs er eitthvað sem Illugaskotta hefur ekki mikið álit á. Hana nú sagði hænan þegar hún lagðist á bakið!!!

Sumir hafa orðið hræddir eftir þessar fréttir um að líklega geti ernir einnig tekið börn. Það er af og frá að svo fari, og vil ég biðja alla sem halda það að slaka nú aðeins á, og lesa sér vel til um örninn í hinum ýmsu fuglavísum sem til eru hér á landi.

Púfff,,úfff,,húffffff...heyrðist úti á flóa í morgun. Undarleg hljóð hugsaði ég þar sem ég lallaði í mínum göngutúr. Horfði út á flóann og sá ekki neitt. Kannski var þetta einhver vél hinu megin við flóann. Nei, þetta er eitthvað annað. Svo sá Illugaskotta hvað þetta var, tveir hvalir að fnæsa og blása úti á firði. Strókarnir stóðu upp í loftið. Merkilega skemmtilegt að fylgjast með þessum dýrum.

Sólin skein í morgun, nú er að verða skýjað. Það virðast vera hátíðir út um allt land í sumar. Hin og þessi bæjarhátíðin er orðin fastur liður í sumarpakkanum stóra sem allir taka þátt í að einhverju leyti. Hér á Hólmavík verða það Hamingjudagar. Á Blönduósi er Matur og menning orðin fastur liður. Ekkert nema gott um þessar hátíðir að segja. Svo eru alltaf búin til sönglög fyrir hverja hátíð. Kannski ættu þessi bæjarfélög að fara í söngvalagakeppni sín á milli?

Draugurinn er á leiðinni í vinnuna. Það er fjör. Hef ógnar gaman af því að segja fólki frá göldrum og galdrafárinu, þótt þetta hafi verið dökkir tíma, þá er áhugavert og gaman að fræða fólk. Hér kemur alhæfing:" Allar sögur eiga rétt á því að vera sagðar". Eða hvað?

Ferðamenn eru farnir að láta sjá sig, gaman. Svavar, Pálína og Dagbjört komu til Hólmavíkur í kvöld. Þau voru að keyra Tröllatunguheiðina í fyrsta skipti og fannst það fjör.

Fátt að frétta, draugurinn er algjör haugur, þótt hann fari í göngutúra snemma hvern morgunn, éti hollt og allt það. Þá er bara haugur í draugnum. Allt er fínt, en já draugurinn ætlar að viðurkenna eitt. Hann er dauð dauð þreyttur og kann illa að slaka á, því það er ekki til í eðli draugsins. Þetta kemur allt segja Glóarnir,,,já ef maður gæti nú öskrað stanslaust í 8 klukkustundir, þá myndir draugurinn kalla sig góðann.. En það gera krummarnir okkar,,þeir bara standa á öskrinu.

Illugaskotta ætlar bara að láta þetta sumar líða, síðan verður hægt að ákveða eitthvað með framtíðina. Get ekki tekið ákvarðanir núna, æ mig auma!!! Nú hlær marbendill. Eitt alsherjar rugl út í eitt þetta blogg.

Galdrasmyrslið er tilbúið,,næstum því, alveg. Bjó það til í gær, úr þessum jurtum: hvítsmára, rjúpnalaufi, birki, mjaðurt, blóðbergi, kerfill, draumsóley og fíflahausum. Gríðarleg blanda,,síðan er rest leyndarmálið ægilega. Á bara eftir að setja miðja á krukkurnar og striga ofan á lokin. Þetta er forneskjan sjálf.

Þarna er hjallurinn aftur risinn upp frá dauðum, það er gaman að sjá og á honum er nýtt snið. 9. júní,,,undarlegt hvað tíminn hoppar og skoppar áfram. Ég fer til Reykjavíkur í brúðkaup 2. júlí. Eitthvað fer ég á fjöll áður en að Reykjavíkur ferð kemur.

Krummarnir æpa alla daga, afhverju? Þessir krummar eru allt öðruvísi en Manga og Imba voru.

Breytt matarræði, er algjört æði. Hrökkbrauð, grænmeti, heimtilbúnir skyrdrykkir og lýsi..og margt fleira hræðilega hollt fer ofan í draugsins maga alla daga. Hins vegar hefur eitt smá gerst ef draugurinn vogar sér að borða eitthvað feitt fær hann hina svokölluðu steinsmugu. Ekki franskar, ekki hamborgara, ekki kjúkling segir maginn.

Það var hvasst í gær, en nú hefur vindurinn brugðið sér á aðrar slóðir. Því miður féll hjallurinn sem stóð fyrir utan Galdrasýninguna. Draugurinn er einnig mjög Strandakær, vill hvergi annars staðar vera. Er enn þá uppgefin í hausnum eftir ritverkið ógurlega, er þó búin að hamra saman einni blaðagrein og byrjuð að skrifa bók nr tvö.

Úr einu í annað, dauðir hlutir falla til jarðar en þegar fólk er drepið þá er það drepið. Í fréttum útvarpsins er alltaf talað um að þetta og þetta margir hafi fallið í hinum ýmsu stríðum úti í löndum. Illugaskottu finnst þetta lélégt orðalag. Hvert féllu þessir menn? Féllu þeir til jarðar af himnum ofan? Eða féllu þeir í ægilega erfiðu prófi? Sem sagt,draugurinn vonar að útvarps- og sjónvarpsfréttir fari að spá aðeins í orðið féll!!!

Stundum verður Illugaskotta óþolandi pólitísk,,,,svo óþolandi pólitísk að draugnum verður óglatt. Jæja það er runnið af mér. Á laugardaginn gerðist margt skemmtilegt, Lára sagði okkur skemmtilegar sögur og ég fékk rosa gjöf frá Hildi Eddu, Iðunni og Láru. Silfurhring sem á stendur Illugaskotta og það er skrifað með rúnum.

Skemmtileg saga fylgir hringnum. En Iðunn var að spá í stærð þar sem hún var hjá gullsmiðnum. Allt í einu segir gullsmiðurinn:"Já sem sagt stærð 58" Iðunn hrorfði á kauða með undrunarsvip og sagði:"Ég var ekki búin að segja orð, og ekki var ég heldur búin að máta mótin". Þau horfa síðan á hvort annað og bæði uppgötva að þriðji aðilinn var á staðnum, en líklega var það draugurinn sjálfur Illugaskotta, sem var að ráðleggja þeim. Iðunn og gullsmiðurinn ákveða síðan að halda sig við stærð 58 fyrst það var komið fram. Auðvitað smell passaði hringurinn, enda skjátlast draugum sjaldan.

Þetta hring snýst allt í kringum mig, draugar, árar, steinar og fjöll. Hvað skal draugur gera, annað en að reyna að vera kátur og láta pólitíkina sigla sinn sjó. En pólitík er lífið í landinu okkar. Ooooo NÚ byrjar ég aftur. Góða nótt, ætlaði að fara snemma að sofa, það gerist aldrei.

Í gær var Illugaskotta í uppnámi, yfir afskiptaleysi íslenskra stjórnvalda á þeim vanda sem herjar á Vestfirðina, uppsagnir fólksins. Þetta er ekki hemja hvað þetta er slæmt, og einnig sá vandi sem steðjar að fleiri stöðum úti á landi. Ef Illugaskotta væri forsætisráðherra þá hefði hún farið strax vestur til að tala við fólkið, ræða úrlausnir og ný sóknarmið. Stefna að nýsköpun, efla frumkvæði fólksins.

Hvað er Halldór og hans ríkisstjórn að gera?!!!! Afhverju hætta þeir ekki við stóriðjuárformin? Afhverju hleypa þeir erlendum auðhringjum inn í landið okkar? Afhverju fer Halldór Ásgrímsson ekki vestur og talar við fólkið sitt? Hvað er hann að hugsa þessa daganna, forsætisráðherrann okkar?!!! Úfff,,,,öll sú þekking, reynsla og elja sem er að fara í vaskinn úti á landi vegna þess að stjórnvöld sjá bara eldspúandi álver sem hina einu lausn fyrir því að redda ,,landsbyggðar vargnum vinnu, sem vill svo ekki vinna í mengunar æxlinu..ÁLVERI!!! Það þarf svo að flytja inn erlent vinnuafl.

Illugaskotta tók svo kæti sína aftur í dag. Stjórnvöld eru sjálf sér verst, og sem betur fer, verst er hve lítinn skilning þau hafa á landsbyggðinni, þeirri menningu sem þar leynist og einstökum tækifærum. Leiðari Morgunblaðsins laugardaginn 4. júní , er gjörsamlega frábær, Morgunblaðið á hrós skilið. Styrmir Gunnarsson ritstjóri skrifar leiðarann Hágengi og hagstjórn.

Illugaskotta ætlar að vitna hér í nokkrar línur úr þessum pistli.

Eins og Morgunblðið hefur bent á eru raunar fleiri ástæður fyrir því að flýta sér hægt í stóriðjumálunum; bæði nærgætni gagnvart landinu og umhverfinu og hætta á aukinni einhæfni atvinnulífsins. Steingrímur. J. Sigfússon, formaður Vinstrihreyfingarinnar-græns framboðs, hefur rétt fyrir sér er hann bendir á að stóriðjukappið má ekki verða til þess að takmarka möguleika annarra og e.t.v. arðbærari atvinnugreina. Í þessu efni þar að leita að jafnvægispunkti.

Takk fyrir þetta.

Ég mæli með að sem flestir kynni sér þessi mál, því þetta snýst um framtíðina fyrir okkur, börnin okkar og landið okkar. Álver eða önnur stóriðja fyrir börnin okkar. Er það áhugaverður og heilbrigður valkostur?

Jón glói og Jón lærði eru mikið fyrir það að éta, enda eru þeir bara með eina görn. Corvus corax, eða öðru nafni hrafn, það eru þeir félagar.

Illugaskotta á það til að reyna að láta þá þagna,,það er ekki auðvelt, þeir arga eins og lífið sé að leka frá þeim. Að flauta lag fyrir þá virkar best og gefa þeim gogga nudd, og reyni bara hver og einn þetta á þeim. Það er ekki enn þá komin rigning, jörðin er farin að skrælna og flest allt sem vex á henni líka.

Er að borða jarðaber, þau eru frosin. Allt gengur vel, nóg að gera í flestu. Á föstudaginn kemur einkun fyrir ritgerðina, get ekki sagt að ég hlakki til, bara að ég nái. Það er nú markmiðið, ef ekki þá er lífið ekki alveg nógu sniðugt, núna er það sniðugt í dag, morgun en kannski ekki hinn.

Fór í sund í morgun, var ein í lauginni...vann í dag, og svo göngutúr eftir vinnu,,,þetta var eiginlega of mikil hreyfing fyrir slappann draug..en hollt er það, jamm.

Tröllið fauk og það datt af því hausinn! Setning dagsins hjá Illugaskottu.

Sjórinn var eins og spegill klukkan 8 í morgun en nú er að hvessa upp úr hádeginu, hafgolan gamalkunna lætur sjaldan standa á sér. Það var frábært í veislunni okkar Hugrúnar á laugardaginn, mikið af góðu fólki og frábærar kökur..vá! Gulrótarkakan var æði,,og allt hitt líka.

Illugaskotta ætlaði aldrei að geta vaknaði í morgun, mánudagar eru þannig. Sýningin opnar á miðvikudaginn formlega. Bless...er að drekka jarðarberja skyrdrykk sem ég bjó til sjálf.

Tjarga, tjarga,,og tjarga. Nú er það svart sagði hún,,og datt á höfuðið.

Sólin grillar allt hér á Ströndum, hér vantar rigningu...bara þegar við erum búin að mála hús galdrasýningarinnar. Illugaskotta fer á Blósinn í kvöld, yngri systirin er að verða stúdent, og fjölskyldan ætlar að halda smá veislu. Ég mun baka gulrótarköku og fjallagrasafléttubrauð..smá langt orð.

Jæja ætla að setja framan í mig sólarvörn númer 25, er samt farin að brenna.

Bjartar nætur, kaldur vindur, þurr gróður, kátt fólk. Þannig er þetta núna. Gestir í heimsókn þar á meðal voru tveir Þjóðverjar. Illugaskotta reyndi að tala þýsku,,en talaði bara dönsku og ensku í hrærigraut..ægilegt. Ég sem lærði þýsku í fjögur ár,,og get varla sagt aukatekið orð. Sóun á tíma, myndi ég segja.

Fór í sjoppuna, vantaði súkkulaði,,,hamaðist í sundi í dag, þrekið er að byggjast upp hægt og rólega, er samt í slæmu formi. Einkun vegna ritgerðar kemur í næstu viku einhvern tíma. Illugaskottu dreymir heimsenda hverja nótt, druknun í hafi, eða hún sé stödd í lyftu sem hrapar vegna þess að vírarnir slitna.

Fórum í dag út að Kirkjubóli að ná í rekavið í borð. Tókum fram úr manni á reiðhjóli sem var íklæddur kuldagalla, hundur nokkur hljóp um götuna ráðvilltur og þreyttur. Illugaskotta starði bara og spáði í það hvort manninum væri virkilega kalt þar sem hann púlaði upp hæðina.

Fékk ægilegt hláturskast í fyrradag. Hitt orðljótasta mann sýslunnar að ég held, Siggi Atla kippti sér lítið upp við orðaflóðið ljóta, á meðan Illugaskotta starði bara, hlustaði og síðan hrisstist hún út úr húsinu vegna hláturskast af verstu gráðu. Sat í bílnum og hló svo mikið að mig verkjaði í magann, Siggi hló líka þegar hann sá það fyndna við þetta allt saman.

Næsta miðvikudag kemur 1. júní, þetta líður allt ægilega hratt, hlakka svo til jónsmessunnar...þá verður fjör að velta sér upp úr dögginni.

Það er aðeins farið að hlýna hér, sem betur fer. Nóg af gestum á Galdrasýningunni, sem er gaman. Einnig er nóg að gera í alls kyns málingavinnu og tiltekt. Illugaskotta skilur ekkert í því hvað dagarnir fljúga áfram. Bráðum er maí á enda, og júní byrjar. Árið er næstum því hálfnað. Illugaskottu er umhugsað um þessar pestir sem eru að ganga yfir heiminn, fuglaflensan í Asíu og hermannaveiki í Noregi.

Hvað ætli séu margir með fluglaflensu sem komu með forsetanum frá Kína? Umhugsunarvert, er það ekki? Eða ofsóknarbrjálæði?

Jæja, þá er það sundið og svo dund heimavið. Elda einhverja hakkkássu og hrjóta fyrir framan sjónvarpið,,,lífið er frábært eftir að ritgerð lauk, segi ekki meir.

Það er logn úti, kannski er kuldaboli að sleppa sér, sleppa klaufum sínum af norðurlandi,,á erfitt með að trúa því. Setti upp Skype í tölvunni hennar Ásdísar, en það vantar hljóðkort í tölvuna þannig að það virkar skammt. Allt er svo sem ágætt, nóg að gera. Dreymir frekar oft að ritgerðin mín sé heil hörmung og ég útskrifist aldrei! Útbræddur heili. Ætlaði að blogga eitthvað um pólitík, en nenni því ekki.

Mikið er gott að vera hress og sérstaklega í hríðinni og kuldabola sem heldur kuldaklaufum sínum vel yfir Strandasýslu og fleiri norðan sýslum þessa helbláa lands.

Breiddi nokkra klúta yfir galdrajurtirnar sem allar hríðskulfu í norðan garranum í dag. Fór í minn göngutúr, í hríðinni þann 21. maí. Undarlegt allt saman, það er eins og það sé nóvember. Var að koma úr góðu matarboði á Svanshóli, og þvílíkar kræsingar..vá. Frábært kvöld í góðra manna hópi. Illugaskotta er í andstyggilega lélegu líkamlegu formi, eftir allar þessa inniveru í vetur, en nú er draugurinn búin að taka sig á í matarræði,,ekkert gos ekkert nammi,,og hreyfingu..göngutúr einu sinni á dag,,sund og 500 metrar þá...úfff hvað það er gott að vera frjáls...

Nú liggur grátt yfir jörð,,,hvenær kemur sumarið? Vonandi sem fyrst. Illugaskotta mun fara í eitt brúðkaup á þessu ári, hélt að ég myndi ekki fara í neitt..og var farin að undrast þetta mjög mikið. Nú gefst tækifæri til að nota kjól og allt. Mikið verður þetta gaman, og draugurinn á meira að segja að búa til blómvöndinn. Íslenskar galdra-og þjóðtrúarjurtir munu draga brúðina út úr kirkjunni og lengst upp á fjall til trölla og álfa. Því skal ég lofa þér fröken brúður..!!! bráðum frú brúður!

Illugaskotta er orðin hressari,,svaf í allan dag, með norðan rokið beljandi í kringum mig, gal opinn gluggann,,fúlt herbergi með veikri manneskju það þoli ég ekki, og hef því gluggann gal opinn.

Norðan kuldi beljar enn,,,kuldaboli vill ekki gefast upp...ekki fyrr en í júní.

Jæja,,komin tími á að fara í sjónvarpsgláp.

Illugaskotta er með ælupest, beinverki og hita. Gat unnið í dag, en um fimm leytið byrjuðu herlegheitin. Jæja þessu verður að taka..bara undarlegt að fá pest að vori til þetta tilheyrir dimmum vetri.

Garðurinn fyrir utan Galdrasýninguna verður sífellt flottari, Siggi Atla er að smíða algjörlega frábærlega hannað borð, úr rekaviði og hnúfubaks kjálkabeinum. Og ímyndi hver og einn sér hvernig það lýtur út.

Fór í dag í jurtaferð, til að ná í Burnirót í galdragarðinn. Vindurinn er napur, norðan garri, en sólin skín flesta daga.

Sá ekki söngvakeppnina, lá milli heims og helju,,í mínu hitamóki, gæti ekki verið meira sama um búning Selmu, söng hennar eða frammistöðu. Undarlegt hvað þessi þjóð verður alltaf óð í allt. Óð í sódastream, fótanuddtæki, fellihýsi, megurnarkúra, risa stóra ameríska jeppa,,,og nenni ekki að telja upp meir sem þessi þjóð hefur verið óð í eða er óð í.

Veður úr einu í annað,,og svo er annað einkenni sem er hið algjöra minnisleysi, eitthvað gerist í samfélaginu og allir búnir að gleyma því eftir svona 2 vikur. Merkileg og nothæf staðreynd sérstaklega fyrir stjórnmálamenn sem eru ótrúlega duglegir að slá ryki í augu kjósenda...enda kjósa flesti flokka eins og fótboltalið.

Farin að lesa Pope Joan, gríðarlega merkileg bók, um kvenpáfa sem var víst við stjórnvöllinn í Vatikaninu árið 890 og eitthvað í tvö ár. Enginn vissi að hún væri kona, fyrr en hún varð ólétt. Eftir fæðingu barnsins var hún grýtt til dauða á götum Rómar, en barnið, ég veit ekki hvað varð um það.

Illugaskotta er búin að fara á Blönduós,,,síðan á Hólmavík. Fyrsti vinnudagurinn var í dag, frábært að vera úti í garðvinnu. Gæti ekki verið betra að vera drepast í öllum vöðvum, Illugaskotta er lifandi draugur. Galdrajurtirnar koma vel undan vetri, það vantar nokkrar en ekkert mál að redda þeim, ásamt því að bæta smá mold á þær allar.

Á morgun höldum við Siggi Atla áfram að laga garðinn, síðan verður byrjað að mála hús Galdrasýningarinnar að utan í vikunni. Það verður fjör, því draugurinn er ægilega lofthræddur.

Fór í Bjarnarfjörðinn eftir vinnu í dag, lá í pottinum þessum náttúrulega eins og skata, meðan fuglar alheimsins sungu endalaust um ástina, vorið og allt þetta tilfinningalega dæmi. Þetta er besti pottur sem Illugaskotta hefur legið í..það er ekkert betra en að vera í góðri vinnu og búa úti á landi í friði frá mengun og ólátum borgarinnar. Eða hvað,,,???? er ekki að koma ægileg mengun úti á land???

Ég er sveitavargur númer eitt!!!!!! Sem er komin með nóg af heimskulegum álvershugmyndum, er ekki komin tími á eitthvað nýtt og uppbyggilegra en mengunahús úti á landi????

"Álver hér,,og mér líður vel",,,þetta segir Valgerður "Álgerður" þar sem hún leikur sér með landakortið og hendir teningum yfir það til að ákveða hvar næsta mengunaræxli landsins muni rísa. Svona sér Illugaskotta þetta fyrir sér, kannski er þetta ekki svona,,en þetta er martröð mín.

Við verðum að fara að hugsa út í það að með því að reisa álver erum við að menga landið okkar, vatnið okkar og andrúmsloftið. Þessar auðlindir er ekki auðvelt að endurheimta þegar þær eru mengaðar eða glataðar eins og land sem fer undir uppistöðulón fyrir virkjun. Það verður að fara að finna eitthvað annað fyrir fólk úti á landi en stóriðju. Fá unga fólkið aftur heim í héröðin með sína menntun og bjóða upp á nýsköpunarstyrki fyrir hverja sýslu sem atvinnuskapandi fólk getur sótt í sem vill vinna út frá atvinnuskapandi hugmyndum, en ekki áli takk!

Frændi minn einn er Akureyringur, hann er með hálendisvegi yfir Arnarvatnsheiði og hann er með því að hringvegurinn hætti að fara í gegnum Blönduós. Enda býr hann í einum af fimm bæjum landsins, aðrir bæir eru ekki til á landakortum stjórnmálamanna. Þessir bæir eru: Akureyri, Egilsstaðir, Höfn, Reykjavík og Ísafjörður. Hálendisvegur yfir Arnavatnsheiði er ömurlegasta hugmynd allra tíma, segir Illugaskotta. Þessi vegur yrði á sömu hæð og Langardalsfjallið,,,sem þýðir klikkuð veður yfir vetrartímann...og annað afhverju ekki að leyfa einu svæði á hálendinu að vera án vegs og annarra mannvirkja.

Hætt núna,,,það sprakk einhver hugsunar æð í hausnum á mér. Farin að sá kryddjurtum.

Föstudagurinn þrettándi,,,,er enn í Reykjavík. Bílinn er blindfullur af bónusvörum, drasli, og töskum sem ég á og svo á eftir að troða dótinu hennar Hugrúnar systur inn, þetta lítur út eins og tveir sveitarvargar séu algjörlega að flytja í burtu úr borginni, sem við erum að gera. Þarf aðeins að koma við á einum sveitabæ því ég get ekki látið neinn sveitavarg vera sem ég þekki.

Ég horfði á kassana mína um daginn þar sem þeir eru í geymslu, hugsaði um hvort ég myndi nokkuð taka eftir því ef þeir myndu hverfa!,,,þetta eru bækur, og fleiri bækur...dröslast með þetta drasl nenni ekki að hugsa um það. Illugaskotta er fíkill á tvennt...kaffi og bækur, hún á svo erfitt með sig í bókabúðum að það er hlægilegt. Það að kaupa bók gefur henni dóp í æðar sem hvergi er hægt að nálgast nema í bókabúðinni.

Kaffið er gott. Er búin að dvelja á Dunhaganum hjá henni Iðunni sem var frábært. Takk Iðunn fyrir þetta. Ævintýri sumarsins eru að byrja.

Krummi hann er fuglinn minn..

Illugaskotta var að tala við vin sinn Manju sem er að vinna að MA ritgerðinni sinni, harði diskurinn í tölvunni hans er ónýtur og ritgerðin hans Manjus er horfin. Kannski getur einhver tölvusnillingur bjargað honum, en ég veit hvernig honum líður. Vona að allt reddist hjá honum, en öll gögnin hans frá rannsókninni hans á Indlandi voru í tölvunni. Hræðilegt ef það er ekki hægt að redda þessu. Þá getur hann vinur minn ekki útskrifast í haust.

Tæknin getur gert komið aftan að manni þegar hún klikkar illilega. Alltaf að vista allt á 3 stöðum segir Eygerður vinkona mín, og ég gerði það. Skila á eftir, þusa í Þjóðarbókhlöðunni, hitta Hugrúnu, hitta ömmu, snúast, ná í Laufey Mattíönu á leikskólann, snúast meir, pakka, hitta Önnu Fanney og Eygerði, pakka meir,,,klikkast brjálast og njóta lífsins...norður.

Vorið er minn uppáhaldstími, þá vaknar allt af vetrardvalanum, menn, dýr og gróður. Birtan eykst og allir verða einhvern vegin lífsglaðari. Sá kríuna í gær, sendlinga, sandlóur, grágæsir, margæsir, æðarfugl, stokkendur, hettumáva, veiðibjöllur, skógarþresti, spóa og starra. Það var allt brjálað þar sem ég var í fuglaskoðun.

Ritgerðin kom úr prentun í dag, en vegna þess að Illugaskotta er nákvæm þá fletti hún í gegnum allt, og þá kom í ljós að mistök hefðu verið gerð í þremur eintökum af fimm, þannig að ég gat ekki skilað henni í dag. Hún fer á sinn stað á morgun. Það verður svo margt skemmtilegt að gera í sumar að ég veit varla á hverju ég á að byrja. Yfirgefa Reykjavík á vorin er það besta, hér er ágætt að vera en bara stutt.

Hitti Hugrúnu litlu systur í dag á Laugarveginum þar sem hún var að rogast með stúdentshúfuna sína í poka.

Gera listinn minn er óendanlega langur en það hefur mikið saxast á hann í dag. Þarf að hitta fullt af fólki á morgun, erindast og snúast. Svo er það Húnavatnssýslan um helgina svo er það Strandasýslan. I

llugaskotta er kát vegna þess að hún er frjáls frá ritverkinu ógurlega. Vegna þessa lokakafla þá var framin "rites of passage", eða svona nokkurs konar athöfn sem tekur mann frá einu stigi yfir á annað. Ragga vinkona varð vitni af þessu. Illugaskotta sem sagt skrúfaði pinnan úr tungunni á sér, og mikið er gott að hann er farin alveg eins og ritgerðin. Þessi pinni var settur í tunguna á mér í Glasgow árið 1998 að mig minnir, það var komin tími á breytingar þá eins og nú. Úff hvað það er leiðinlegt að vera andvaka. Er búin að harka mér í gegnum margar vefsíður hjá fólki sem ég hef aldrei hitt, lesa moggann, éta ristað brauð, drekka djús...lesa meir.....andstyggilegt. En þetta er hið svokallaða spennufall.

Í kvöld eru eldhúsdagsumræður. Fyrir ári síðan tók Ögmundur Jónasson upp óréttlætið sem tengdist fánamálinu fræga, allt varð brjálað og svo hætti allt að vera brjálað. Illugaskotta er kát yfir því að allt sé hætt að vera brjálað, og hún ætlar að horfa hin rólegasta á eldhúsdagsumræður, og vera voða ánægð með alla þessa þingmenn, hvað er annað hægt? Þeir eru hvort sem er þarna og við kusum þá þangað. Pollýana í mér í dag.

Jákvæðin drepur engan. Í nótt þegar ég fór að sofa þá sá ég blaðsíður, blaðsíður og fleiri blaðsíður sem svifu um í mínum tóma þverhaus. Úfff,,,reyndi að hugsa mig í burtu frá þessu en ekki hægt. Heilinn hélt áfram að stríða mér, segja mér hvað ég ætti að gera í dag, búa til geralista þegar hann átti að vera að hvíla sig. Sussum svei en ég get ekkert tjónkað við þennan heila, enda er ég kleifhugi ímynda ég mér.

Ef ég hefði staðið við orðin um að snerta ekki mitt hár fyrr en ritgerðin væri tilbúin þá væri ég ekki búin að fara í klippingu í heilt ár, en gerði það fyrir mömmu að láta snyrta makkann um jólin, enda var það orðið slæmt. 150 síður, af Goðsögum á stjarnhimni, óendanlegt gæti það líka verið, en punkturinn kemur í dag, sá seinasti.

Megi Morrinn gleypa mig og alla mína ára. Stress er ekki mitt uppáhalds ástand, en það hefur yfirtekið hug minn, algjörlega. Best að fara í bakaríið og fá sér eitthvað róandi,,,ég gær ruglaði ég orðum, sagði til vínrauðið í staðinn fyrir rauðvínið.

Ekki gott ástand, þess vegna er það bakaríið!,,en ekki Apótekið.

Föstudagur til fjárans,,fjársins, fjár, mjár og skjár. Stundum tala ég bara með orðum sem ríma, í rími. Hef ekki enn þá séð kríuna, fer af og til smá út fyrir bæinn til að heyra vorsöngva og finna lyktina af vorinu sem er alltaf ógnar góð. Allur gróður að vakna og jarðvegur að afþýðast.

Ég er núna hjá Svavari hann er að lesa yfir náttúrusýnar kaflann minn. Gott að fá gagnrýni frá honum. Náði í kápu fyrir ritgerðina á Félagsvísindadeild áðan, og allt er þetta hægt og rólega að smella saman. Mun láta prenta 5 eintök. Þessi rigerðarsmíð hefur verið rosaleg reynsla, eiginlega einskonar eldskírn. Lærdómsrík eldsskírn.

Mig langar óendanlega mikið að sjá vinkonur mínar í Danmörku, Fríðu og Eydísi, börnin þeirra. Spjalla við þær og hafa gaman. Bráðum, einhvern tíma. Illugaskotta er kát og hlakka mikið til sumarsins. Ég byrja að vinna 16. maí á Galdrasýningunni. Þá verð ég flutt á Strandir.

Þótt ég væri hvalur þá væri ég ekki búin að drekka meira vatn, Illugaskotta er alltaf þyrst. Held að heilastarfsemin geri þetta allt saman, hann er loksins farin að virka heilinn.

Fyrir tveim dögum breytist Illugaskotta í frökin Þus. Illugaskotta fór á Þjóðarbókhlöðuna og þusaði og þusaði um að hún skuldaði sko ekki neina bók, og hún draugurinn sjálf myndi og hefði aldrei týnt bók á sinni löngu ævi. En í tölvan sagði það að Illugaskotta lægi á tveimur bókum eins og ormur á gulli. Nei, það er ekki rétt þusaði Illugaskotta, glætan og hefði aldrei gerst. Endaði með því að draugurinn sveimaði af stað með bókasafnsverði og viti menn, dýr, skrímsli og draugar. Illugaskotta fann aðra bókina, hún var þarna inni á bókasafninu...en hin bókin fannst ekki. Bókin var straujuð inn á meðan draugurinn stóð þarna sigri hrósandi, og fékk framlengingu á hina bókina! Það var nú ekki eitthvað sem Illugaskotta vildi, þannig að hún þarf að vera Fröken Þus aftur á morgun.

En hvað tölvur og önnur tækni getur verið pirrandi þegar eitthvað svona gerist. Meira mark tekið á vél en draug! Ekki gott.

Var að týna fífla hausa og blöð, einnig kerfil það er lakkgríslykt af honum. Er byrjuð aftur að spá í jurtir og lækningarmátt þeirra. Fífillinn og hvönnin er miklar lækningajurtir, sem vaxa gjörsamlega alls staðar. Er einnig að vinna í ritgerðinni, allt gengur vel, hægt og bítandi.

Miðvikudagur. Framsóknarflokkurinn og Jónas frá Hriflu. Þarna á milli er órjúfanlegur þráður, sterkari en orð fá lýst. Aðdáun framsóknarmanna á Jónasi er ósvikin, enda stofnaði hann flokkinn. Hins vegar er Illugaskottu spurn hvort að aðdáun Jónasar væri jafnmikil á flokknum ef Jónas væri á lífi? Jónas var mikill aðdáandi allrar sveitarmenningar hvaða nafni sem hægt var hana að nefna. Ekki sé ég mikinn stuðning frá Framsóknarflokknum við það að styðja við landsbyggðina og framfarir þar á bæ. Hins vegar slefa þeir ef minnst er á Jónas.

Illugaskotta er engin aðdáandi Framsóknarflokksins eða Jónasar, áhugaverðir punktar hér og þar, en nei. Jónas valdi t.d. hvað væri úrkynjuð list og hvað ekki. Hvað er það? Hvernig er hægt að segja að eitt sé fallegt og annað ljótt? Smekkur, gildi og val fólks er mismunandi.

Vinir mínir sumir hafa sagt að Jónas frá Hriflu hafi verið fasisti. Illugaskotta hefur ekki skoðun á því máli. Einnig segja margir þeirra að Framsóknarflokkurinn og Sjálfstæðisflokkurinn séu fasistaflokkar, sem troði sínum skoðunum upp á fólk og komi sínum markmiðum í gegnum þingið, sama hvað tautar og raular.

Jamm og já...eitt er hins vegar öruggt. Að það er engum hollt að stjórna of lengi, svo er einnig með ríksstjórnina okkar. Hún er þreytt, stíf og komin með verklega vöðvabólgu. Hún þarf að fara frá völdum. Það er komin tími á nýjar hugmyndir, hugsjónir og baráttumál. Jæja ég er farin upp á himininn með norrænu goðsögunum,,,

Kuldaboli var duglegur í nótt að dreifa hvítu efni yfir Bláfjöllin og hana Esju gömlu. Illugaskotta fór snemma í sund, síðan í blóðprufu verð að vita ástandið í blóðfitunni, ætla alls ekki að láta hana koma aftan að mér, skal vera fyrri til að drepa hana. Prentaði út fröken ritgerð 135 síður án mynda, búin að lesa minn hluta. Kolla vinkona er að lesa yfir 40 síður, varðandi stafsetningu. Á morgun hitta Gísla og Þorra smá fundur varðandi útfærslu á praktíska hlutanum,síðan set ég inn myndir og myndaskrá, með dyggri hjálp frá henni Röggu vinkonu og tölvusnillingi.

Síðan klára að lesa yfir á miðvikudaginn. Fínpússa og setja sem fyrst í prentun.

Ég get varla sleppt hendinni af þessu barni. Er það tilbúið að fara út í hinn stóra heim? Án mín? Án þess að ég sé að segja því til og halda verndarhendi yfir því? Þór og Óðinn ég veit það ekki....!!! Best að anda rólega og sleppa þessu barni brátt út í hinn stóra heim.

Mark vinur minn hringdi áðan, frá Skotlandi. Hann fer til Eistlands eftir nokkra daga, til Tallin. Það hljóta að vera áhugaverð lönd: Eistland, Lettland og Litháen.

1. maí er í dag. Nú er svo stutt í bjartar sumarnætur, með fuglum í móa og draugum á sveimi. Það var samt kalt í gærkveldi. Var í Hafnarfirðinum í gærkveldi í heimsókn hjá henni Sirru sem mun eignast barn eftir að ég held 29 daga. Við átum ís og spjölluðum um margt.

Illugaskotta hefur ekki áhuga á því að festa líf sitt í steinsteypu. Af og til hellist yfir mig að ég verði að eiga heima einhvers staðar, eiga hús, vera í fastri vinnu, detta í hinn reiknanlega pakka. Vinna frá 8-17..frí um helgar, versla í Bónus á föstudögum, skreppa af og til út úr bænum, eiga kall og buru. Æji nei, þetta er svo óáhugavert sem frekast getur. Þetta skipulagða líf, úff...nei, ég held ég haldi áfram að njóta frelsisins, prófi nýja hluti og kynnist fleira fólki.

Ég hef átt íbúð með fullt af dauðu drasli, það var ágætt en svo kom ekkert meir,,,ég var alltaf að bíða eftir að eitthvað fleira spennandi myndi gerast. Þá vildi ég kaupa fleiri dauða hluti, áklæði á sófann, mála þetta og hitt og eiga hitt og þetta, og allt í einu þá bara vildi Illugaskotta ekki eiga dauða hluti.

Hún bara fór út í hinn stóra heim með hjartað í buxunum og kom heim til baka með hjartað á réttum stað.
Það sem ég var stressuð þegar ég fór í fyrsta skipti til útlanda. Réð mig í 7 mánaða vinnu á Jersey sem er í Ermasundinu, 22 ára og hafði bara aldrei farið á stóra flugvelli, ratað á einhver flughlið, notað vegabréf eða undarlega flugfarseðla. Núna tek ég ekki eftir þessu þegar ég ferðast, nema ég er sífellt að passa það að ég týni ekki vegabréfinu eða flugmiðanum. Margt er merkilegt í hinum stóra kýrhaus.

Föstudagur,,18 dagar síðan ég yfirgaf Ameríku, allt líður svo hratt. Það er gott að vera ekki lengur á jeppa, ég er enga stund að snattast um bæinn. Hvar ætli krummi sé búin að verpa? Krummi sem á heima á Háskólabíó, ég er að spá í hann. Það verður nú meira útskriftarfarganið í fjölskyldunni minni í vor, Hugrún systir verður stúdent og einnig löggild húsmóðir, úr Hústjórnarskólanum í Reykjavík, það er ekkert smá...síðan er það víst ég, líka Illugaskotta.

Ég sef lítið,,vona að ég sofi vel í nótt, er alltaf að vakna,,,fór í nótt og fékk mér eitthvað að éta, síðan hélt ég áfram að lesa bókina Kalli og sælgætisverksmiðjan, þvílíka snildarbókin. Er að lesa hana á ensku, Rohald Dal samdi þessa bók, hann varðveitti í sér barnshjartað, það er alveg öruggt. Er ein heima að huxa málið, þvotturinn hringsnýst í þvottavélinni, búin að taka til í herberginu og horfi núna einhverja norska mynd.

Sólin grettir sig og bara hlær. Las Vegas, það er örugglega rosalega brjáluð borg, þar sefur víst engin, ég meina allt er opið 24 klst...og allir spila og leika sér.

Ég fer í leikhús í kvöld, Mýrarljós. Illugaskottu finnst alveg óheyrilega leiðinlegt í leikhúsi. Oftast eru þetta andstyggleg verk, uppspert, snobb og tilgerðarlegur leikur, finnst leikarar oft ofleika og svo er það allra versta að sætin eru svo óþægileg og þá verður draugurinn alveg rosalega pirraður. Hann vill geta rétt úr sínum skönkum, ropað og látið eins og versti ólátabelgur. En við skulum sjá, kannski er þessi sýning spennandi, og grípur minn draugslega anda.

Skemmtilegasta leikrit sem ég hef farið á var Ormstunga, það var algjörlega magnaður spuni hjá Benedikti og Halldóru. Þau voru hress og fóru með fornan texta eins og hann væri tungumál talað í dag. Gjörsamlega ógleymanlegt. Sendi Gumma og Eydísi vinkonu á þetta leikrit, sagði að það væri skylda að sjá það. Held þau hafi líka skemmt sér vel.

Æddi í sund í morgun, vöðvarnir eru farnir að segja mér að þeir séu þreyttir, en ég hlusta ekki á þá, heldur hamast. Ég get hvílt mig í hvíta kassanum,,,,það segja þeir bestu. Bless frá Illugskottu rugludollu og ólátabelg.

Sund i morgun, það er ekkert betra. Illugaskottu líður undarlega, bara er heima allan daginn, hlusta á frábæra tónlist og hamast í því að yfirfara, laga, bæta, endurskrifa og semja. Í gær var ég til dæmis tvo og hálfan tíma að laga fimm blaðsíður. Hvað er það? Eintóm heimska held ég barasta....en jamm og já. Ætla alltaf að klára að fara yfir allt en tekst aldrei. Þetta tekur svo miklu meiri tíma en ég hélt. T.d. bara það að finna hvernig nafn á einhverjum Forn-Grikkja er stafsett á íslensku tekur skrattans langann tíma. Ljót íslenska veit það en varð bara, afsakið.

Er á blaðsíðu 109, af 134 og hverjum langar að lesa yfir stafsetningu? Vinsamlegast hafið samband strax við Illugskottu, því það eru villur hér og þar...tekst ekki að útrýma þeim frekar en minknum eða lélegum stjórnmálamönnum. Siminn minn er í símaskránni og netfangið mitt er illugaskotta@hotmail.com

Æji dæs,,,,en verð að hvíla mig í kvöld og fara snemma að sofa. Búa til tíu blaðsíðna leiðbeiningarbækling um það hvernig herra x eða frú x geti sagt frá náttúrunni í gegnum eða með hjálp norrænu goðafræðinnar.

Tók daginn snemma í morgun. Vesturbæjarlauginn rokkar, ekki svo feitt klukkan 7, því þá er hún full af fólki, en klukkan 715, þá tæmist hún. Þannig að á morgun verð ég mætt klukkan 715 í tóma laug. Útiklefar og ferskt loft er eitthvað fyrir Illugaskottu.

Í gær seldi ég Gamla Rauð, og skipti smá upp úr árgerð 1991 yfir í árgerð 1997 á Toyotu, því það eru einu bílarnir sem ég vil, yfir í Toyoutu Carínu. Flottasti bíll sem ég hef nokkurn tíma átt. Vínrauður. Nú er fjör og nú er gaman. Fórum í heimsókn til Hildar Eddu í gærkveldi, ég, Iðunn og Lára. Það var gaman, einnig keyrðum við út í Geldinganes, skrítið að vera ekki á jeppa, en ég var tilbúin í að breyta um bíl.

Bráðum, bráðum kemst ég á Strandirnar, þá get ég farið að skipleggja og redda hinum ýmsu hlutum sem ég hef ekki tíma til að garfa í núna. Ásamt því að vinna og fá salt og pipar í grautinn.

Mánudagur, sól úti, vorið alveg brjálað og ég veit ekki hvað. Fór snemma að sofa í gærkveldi, og tók daginn snemma. Bráðum kemur 1. maí þá eru 13. dagar þar til fresturinn til að skila rennur út. Ég ætla að haska mér áfram nú,,,ein tveir áfram nú!....

Hef haldið mig frá því að skilja og reyna að fylgjast með þessari afleitu íslensku leiðindar pólitík...ég hélt ekki upp á 10 ára afmæli ömurlegustu ríkisstjórnar allra tíma. Hins vegar var ég neydd til þess að halda upp á afmælið vegna þess að þeir héldu upp á afmælið fyrir mína peninga og annarra skattborgara sem hafa aldrei kosið þessa tvo flokka sem stjórna þessu landi. En ömurlegt hlutskipti...afhverju voru þeir ekki bara með partý heima hjá sér og létu mig ekki borga.???

Við hliðina á mér eru tvær hálfétnar pizzusneiðar, formúlan æðir í hringi í sjónvarpinu, kókið springur í glasinu mínu...ég er sybbin,,,,en kvöldið var gott í gær. Afmælið var fínt og fjör í öllu. Í dag er nóg að gera, best að gera það allt.

Mikið eru pizzur suddalegur matur, sem fyllir einhvern vegin upp í matargatið ógurlega sem myndast eftir bjórsull...ojbara....vorið, vorið....hér í Reykjavík heyrist ekki mikið í fuglum.

Sunnudagur til sudda.

Illugaskotta fór til læknis á mánudaginn seinasta,,,heimilislæknirinn var í fríi, þannig að hún fékk afleysingar gaur í staðinn. Hann var nú meiri maðurinn. Hátt kólestról er í ættinni minni, þannig að ég bað hann um beiðni fyrir blóðprufu til að vita hvar ég stæði. Maðurinn tók þá upp á því að vera ofsa klár og mikill spekingur og sagði við mig:" Það er nú bara staðreynd að við deyjum öll einhvern tímann, annað hvort úr krabbameini eða hjartasjúkdómum". Illugaskotta var svo sybbin og sljó að hún sagði bara "já"....í staðinn fyrir að segja" Afhverju ert þú ekki að vinna á bensínstöð.

Sem sagt en fékk beiðnina og hef mikið hugsað um orð þessa manns. Afhverju er svona fólk að taka að sér að vera læknir,,?,,,ef það hugsar sem svo að við drepumst öll hvort sem er. Illugskotta er ekki sátt við svona framkomu, auðvitað drepumst við öll, en það er ekki þar með sagt að maður eigi ekki að hugsa um líkamann á sér.

Annars er logn á miðunum, ég er lennt hér á þessu landi, er að vinna í ritgerðinni, vorið er komið, fuglarnir syngja hátt og ég hlakka til að flytja á Strandirnar. Það gengur ekkert að selja gamla Rauð, jeppann minn. Í kvöld fer ég í veislu á Nasa, 30 ára afmæli...það verður fjör. Vonandi kemst djamm djöfulinn ekki í glasið mitt.

Gleðilegt SUMAR!!!!.

Mikið er ég kát að veturinn er á enda og að sumarið góða sé farið að láta í sér heyra, fuglar garga hér og þar. Fríða og Eydís vinkonur mínar sem búa í Danmörku eru komnar með börn sem ég hef aldrei séð, það finnst Illugaskottu meira en undarlegt og fattar varla að þessar kellingar eigi þessi börn, kannski stálu þær bara myndum af þeim á netinu,,og eru bara að plata mig að þær eigi þessi börn....ætla aðeins að huxa þetta með stóru exi.

Á morgun er sumardagurinn fyrsti. Í dag er sólin hress, ég er búin að vera að flandrast um bókasöfnin og búin að lenda þar í ófáum endurteknum ævintýrum, alltaf það sama sem ég lendi í og alltaf sömu lausnirnar.

Þessu bókasafnslífi fer að ljúka þann 13. maí. Það er dagur lífs míns þetta árið, þá skila ég fjórum eintökum af ritgerðinni minni og mun krækja mér í enn eina gráðuna, M.A próf í umhverfisfræðum, ofan á B.A gráðu í þjóðfræðum, en margt annað sem ég kann en hef aldrei fengið staðfest að ég kunni, bréflega séð. Ég kann t.d. að baka fjallagrasabrauð og búa til skyr,,,einnig kann ég að skipta um dekk, olíu og olíusíu,,,og ótal margt fleira sem ég kann, sem margir aðrir kunna einnig, t.d. kann ég líka að galdra,,,,það kunna ekki margir.

Blue wolf woman, er komin með annað indjána nafn, þetta er nú undarlegt, nú hef ég tvö nöfn frá þeim, hitt nafnið er Míkwamí Íkwe, eða Ískonan,,þessi heimur þeirra heillar mig meira og meira, eftir því sem ég læri og skil meir út á hvað menning þeirra og siðir ganga út á. Illugskotta flytur einnig út til Canödu í haust til indjánanna, í óakveðin tíma, mörg verkefni í bígerð, vonandi gengur þetta allt upp.

Í kvöld er mér boðið í grill,,,,bestu kv og gleðilegt sumar til ykkar allra. Ps. þetta vor er svo miklu betra en vorið í fyrra. Stundum þarf maður að ganga í gegnum erfiða og leiðinlega hluti til að komast yfir í góðu og fjörugu hlutina.

Reykjavík, er að skoða bíla. Þessir bílasalar láta ganga á eftir sér með heilu torfurnar í skónum. Andstyggilegir það verð ég að segja, er að borða heimatilbúið skyr, með heimatilbúnum rjóma og heimatilbúinni bláberjasultu ofan á. Svona á maður að borða og lifa.

Er að fara að versla mér Steinbít, elda hann og éta, síðan ætla ég í bíó með vini mínum. Síðan fundur á morgun....úfff....best að taka því.

Illugaskotta varð netta hissa og mjög ánægð með að sjá þessar fínu kveðjur til sín sem komu inn á vefinn strandir.is.

Takk fyrir þetta snillingar...er komin til Reykjavíkur, margt í kassanum.

Björk Bjarnadóttir Strandamaður og Húnvetningur og sitthvað fleira fær líka kveðjur í dag:


Björk Bjarnadóttir Illugaskotta á afmæli í dag. Til hamingju með daginn og velkomin aftur á skerið. Hólmavík er ennþá á sínum stað. Kveðja frá bláókunnugu fólki á Höfðagötunni.


Björk, hjartanlega til hamingju með daginn. Sjáumst sem fyrst. Jón og fjölskylda á Kirkjubóli.


Til hamingju með árin þín þrjátíu og eitt, þú fóstra allra hrafna. Galdramenn á Ströndum.

Til hamingju með daginn indíánakelling, Hlakka til að sjá þig. Galdranornin á Höfðagötu 7.

Illugskotta er lennt á klakanum hvíta og svarta, hvaða hvaða. Undarlegt alltaf að hafa verið í henni stóru Ameríku,,,og vera svo komin hingað. Flugvöllurinn var klikkaður,,,ég var hress og horfði á sólina koma upp í morgun á meðan við flugu til austur eins langt í burtu frá Ameríku og hægt er,,,að ég held.

Fer að Hnappavöllum í dag, og verð þar yfir helgina. Það verður fjör, svo á ég afmæli á morgun og það er frábært. Var spurð 2 sinnum í gær um skírteini þegar ég var að kaupa mér bjór á amerískum pöbb,,,,það var líka fjör,,,þarft að vera 21 til að geta keypt drykki í Minnesota fylki.

Jæja,,,svo er það bara raunveruleikinn grái sem tekur við, flytja aftur á Strandirnar sem ég get ekki beðið eftir og byrja að vinna sem verður flott.

Er i Minneapolis, her er rosa sumar. Flyg af stad klukkan 1920, hedan i kvold. Lendi klukkan 620 i fyrramalid a islenskum tima, helt eg myndi lenda thann 14. april, en thad er hinn 15. april.

Var ad vesenast ad hringja til Islands i morgun til ad lata Idunni vita, ad eg komi ekki fyrr en i fyrramalid a landid blaa.

Frida og Raggi, eg oska ykkur til hamingju med litlu stelpuna ykkar sem kom i heiminn i gear eda dag!,,veit thad ekki.

Illugaskotta er alveg komin med nog af thessum Bandarikjum...einum of stressful,,ef thid skiljid mig. Strid, fridur, hermenn, logsaekja, fara i mal, og allt thad..og risa storir diskar af ollu ef madur kaupir mat...allt er risa risa stort her. Brummmmmmmm....best a drifa sig i gardinn i gongutur og svo er thad flugvollurinn.

Nú fer dvöl Illugaskottu að styttast hér í Canödu. Í dag sá ég næstum því bjór, sem var að naga tré, þvílíkt og annað eins. Sem þessi dýr geta nagað tré, heilu bjálkarnir sem þeir fella.

Á morgun þarf ég að gera margt: hitta fólk, kaupa þetta og hitt og bara vera til. Í dag aðstoðaði ég við sweat lodge, var úti. Það var gaman, að fara með steinana inn, rétt hitt og þetta og sjá um eldinn sem er úti. Veðrið hér er brjálað gott, hiti, logn og það er næstum því alltaf sól hérna. Fór í sweat lodge í gær, það var svo heitt að ég hélt ég myndi drepast!,....og hjartað hamaðist og ég át og át frosin jarðarber. Held þið skiljið ekkert í þessum sweat mínum, en hvað um það.

Nú er veruleikinn að koma aftur inn í líf mitt, það er ágætt, smá kinnhestur en lifi það af, enda þarf ritgerðin sem ég hef lítið skrifað um þessa daganna að komast í prentun, og hún þarf einnig að vera kynnt í júní. Vörn er það kallað.

Íslensku stafirnir eru hér. Ætla ekki að skrifa mikið, blogger hefur verið alveg fjandi leiðinlegur við mig. Sem sagt. Allt gengur vel, vorið er á næsta leiti, hér er alltaf sól, er búin að keyra mikið, alla leiðina upp til The Pas, 8 tímar akstur.

Hlæja mikið, hitta mikið af góðu fólki, uppgötva margt, búin að fá fullt af nýjum hugmyndum, og er flutt út frá vinum mínum í Winnipeg, vegna þess að Indjánar og náttúruan er miklu meira fjör en borg,,og önnur leiðindi.

Illugaskotta kemur heim 14. apríl. Hlakka til þess og takast á við sumarið og öll þau störf sem því fylgja.

Bestu kveðjur til ykkar allra frá Illugaskottu.

Illugaskotta er a lifi. Thad hefur verid svo mikid ad gera ad eg hef ekki haft tima til ad skrifa, einnig kemst eg sjaldan i tolvu nema i heimahusi, og vil ekki eyda miklum tima i blogg skrif. Sem sagt er buin ad flandrast um nordur Manitoba, for til borgarinnar The Pas, og keyrdi thangad, 8 timar...og svo til baka. Tre, flattneskjua og meiri tre, votn og ar, risa storir trukkar alls stadar ad reyna ad keyra yfir mann.

Er aftur hja Indjanum, i Hollow Water. Allur snjor er a bradna, kanada gaesirnar eru komnar, og fleiri vorbodar. Eg fer til Bandarikjanna 12. april, er buin ad koma bokinni minni i solu i kanadiskri bokabud i Winnipeg.

For med Manju og Carrie Ann a listasafnid i Winnipeg, thad var fjor, enda var thetta a afmaelisdeginum hans Manju. Hef ekkert farid i gamla skolann minn, enda var hann hundleidinlegur.

I gaerkveldi thegar vid vorum ad keyra hingad, voru morg dadyr rett vid veginn, Illugaskotta er daudhraedd vid ad keyra a thaug.

Allir eru hressir, eg hlakka til ad koma heim og klara ritgerdina alveg og byrja ad vinna a Strondum, thvi thar er gott ad vera eins og a fleiri stodum.

Jamm og ja,,kaeru vinir, hlakka til ad sja ykkur. Bestu kvedjur fra Islenskum draug a kanadiskum slettum.

Nuna er eg hja Indjanum i Hollow Water. Fer i borgina aftur i dag. Er buin ad fara i 3 sweat i rod,,,sem var frekar heitt,,eiginlega svo heitt ad eg helt ad eg myndi bradna og breytast i smjor.

Vorid er komid her samkvaemt dagatalinu. Dagarnir lida allt of hratt, mig langar ekkert serstaklega mikid heim, en thar bidur min verkefni..og sumarid legst otrulega vel i mig.

Eg er komin med stort verkefni i hendurnar sem eg tharf ad fara ad skipuleggja og vinna i thegar i stad. Fer a fund i kvold her i nagrenninu vardani audlindanytingu her a thessum slodum. Marg ahugavert ad gerast her. Illugaskotta er hress og finnst hun ekki vera i utlondum.

Svaf a skogarbjarnarskinni i nott,,,hvad gaeti verid betra en thad!

Illugaskotta var med sma fraedslu fyrir 16 ara unglinga i Gimli i dag, thad var gaman. Tilberinn sem Kristin Einarsdottir lanadi mer hefur gefid folki mikla lukku, hlatur og spurningar.

Um kvoldid var svo komid ad eldra folkinu, thad var fjor. Illugaskotta var spennt og hafdi gaman af ad segja draugasogur, galdarsogur, fraeda og skemmta. Tilberinn og Djakninn a Myrka voktu hvad mesta lukku asamt galdrastofum.

Allt gengur vel, eg og Carrie Ann eru her a Hoteli i Gimli, thad er 19 stiga frost uti. Her er alltaf sol a daginn, fer til Hollow Water aftur a morgun fram a midvikudag. Thar mun eg klara ritgerdina, fara i 4 sweat og baka braud. Asamt thvi ad horfa a endalaust a gamla vestra, laera um menningu og sidi indjana sem Garry segir mer endalaust fra. Hann vill breyta mer i indjana...eg veit ekki hvernig.

Skildi eftir nokkrar baekur eftir mig, fra strandagaldri og cd fra strandagaldri. Folk hafdi margar spuringar serstaklega um huldufolkid. Illugaskotta var threytt en anaegd eftir daginn. Er ad horfa a faranlega draugamynd....skal i Kokanee bjor......

Illugaskotta var med sma fraedslu fyrir 16 ara unglinga i Gimli i dag, thad var gaman. Tilberinn sem Kristin Einarsdottir lanadi mer hefur gefid folki mikla lukku, hlatur og spurningar.

Um kvoldi var svo komid ad eldra folkinu, thad var fjor. Illugaskotta var spennt og hafdi gaman af ad segja draugasogur, galdarsogur, fraeda og skemmta. Tilberinn og Djakninn a Myrka voktu hvad mesta lukku asamt galdrastofum.

Allt gengur vel, eg og Carrie Ann eru her a Hoteli i Gimli, thad er 19 stiga frost uti. Her er alltaf sol a daginn, fer til Hollow Water aftur a morgun fram a midvukudag. Thar mun eg klara ritgerdina, fara i 4 sweat og baka braud. Asam thvi ad horfa a endalaust a gamla vestra, laera um menningu og sidi indjana sem Garry segir mer endalaust fra. Hann vill breyta mer i indjana...eg veit ekki hvernig.

Skildi eftir nokkrar baekur eftir mig, fra strandagaldir og cd fra strandagaldir. Folk hafdi margar spuringar serstaklega um huldufolkid. Illugaskotta var threytt en anaegd eftir daginn. Er ad horfa a faranlega draugamynd....skal i Kokanee bjor......

Er komin fra dvol minni medal indjana, thad var fjor. Hitti fullt af ahugaverdu folki, for a snjosleda lengst inn a ar og votn, sa orn. Bordadi elgskjot, horfid a hauga af vidoe myndum med Garry, hann hefur gridalega gaman af thvi ad horfa a gamla vestra, indjanar og kurekar.

Kom aftur til Winnipeg a manudaginn. A morgun fer eg til Gimli. Eg, Carrie-Ann og Manju. Eg mun tala i hadeginu vid elstu krakkana, og svo um kvoldi i Icelandic Heritage Center. Vid aetlum ad gista a flottu hoteli, sem er svo odyrt ad thad er snilld.

Manju er eins og hann var, alveg fyndin. I dag tharf eg ad lesa margt. Hef litid unnid i ritgerdinni, en thad kemur. Verd einn dag ad laga thad sem laga tharf.

Fer i sund hvern morgun, allt gengur vel, og Island er langt i burtu. Thad er naudsynlegt hverjum manni ad yfirgefa land sitt, byggja upp tengsl vid folk og laera af odrum. Nu er komid nog af spaekmaelum.

Illugaskotta er nuna a gamla tolvuhusa kaffinu sinu. Undarlegt ad koma aftur a Haskolasvaedid og thurfa ekki ad fara i tima. Er buin ad finna frabaera sundlaug, synti i morgun. Hitti Manju og Carrie Anne i dag.

Thad er nog ad gera. A morgun fer eg i Islensku raedisskrifstofuna, og einnig ad hlusta a Roselle verja ritgerdina sina. Sem er um byggingu husa, innvidi og hvernig haegt er ad byggja umhverfisvaent hus.

Held eg fari svo med Garry a fimmtudaginn til hans ad Hollow Water. Thad er 21 stigs frost uti, sol og sma gola. Va thad eru allir i strigaskom, joggingpeysum, med bakpoka og einhvern vegin lagvaxnir. Var buin ad gleyma thessu. Illugaskotta heldur for sinni afram um haskolasvaedid, beint a kaffihusid Daly Bread.

Bestu kvedjur heim a klakann....Bjorkin & Illugaskotta.....Hvor raedur?

Er loksins farin ad adlagast timamisnum. I fyrradag, syndi Desmond mer raudan geisladisk sem er fra Islandi. Illugaskotta vard fyrst mjog undrandi og svo glod, utan a disknum var besta husid, Saeberg hennar Asdisar. Des og Karen aetludu ekki ad trua thvi ad thaug hefdu keypt geisladisk af husi sem eg hefdi buid i...undarlegt. En eg veit ekki hvort Asdis viti af thvi ad thad er verid ad nota husid hennar utand a geisladiska hulstur.

I dag byrja eg aftur a ritgerdinni. Er ein heima, sem betur fer. Ad flytja inn a folk er ekki thad audveldasta, enda eru reglurnar her, sidirnir og smaumunirnir ad gera Illugaskottu frekar ruglada. En svona gerist thegar madur flytur inn a folk, madur verdur ad adlagast. Mun hitta Garry a fimmtudaginn og vonandi komast ut i sveit med honum, thar eru ekki smamunir i gangi. Eg er ekkert ad kvarta, bara leyfa ykkur ad fylgjast med hvad gengur a, og hvad madur er ad upplifa.

Enskan min er rygdud, eg finn ekki ord og upplifi mig sem otalandi smabarn, undarlegt. Maturinn her er finn, vatnid eins og myri, kottur med styri.

Gaman ad vera her, bestu fra Illugaskottu sem er ad upplifa upp a nytt hvernig thad er ad vera utlendingur og rata ekki neitt.

Illugaskotta er komin til Canada og sem betur fer segi eg nu bara. 3. mars lenti eg i Minneapolis, thar lenti ILlugaskotta i veseni i tollinum, vegna thess ad eg ateladi ad keyra fra USA til Canada, thurfti thvi ad utskyra hvad eg vaeri ad fara ad gera, afhverju, hvar eg myndi bua, vid hverja eg myndi tala vardandi fyrirlesturinn um islenska thjodtru og bla bla bla.

Eg var ekki ad trua thessu skrattans bulli. Og annad, tegar eg var ad fara i vegabrefseftirlitid tha tharf madur ad setja visifingur i einhverja vel svo their fai af manni fingrafor og svo taka their mynd af manni, an thess ad spyrja!!! Vidbjodur, en thetta er allt gert til thess ad vernda okkur fyrir hrydjuverkamonnum, segja their.

En nog um thetta, Minneapolis var skodud i gaer, sem var gaman. Forum i tvo matarbod til fjolskyldunnar hennar Karenar, og svo i dag keyrdum vid til Canada, sem var fjor. 6 timar i stad 8, keyrdum a 130 km hrada a risastorum hradbrotum. Flutningabilar a staerd vid fjoll keyrdu vil hlid okkar og Bandarikin eru stor.

Fekk mer langan gongutur adan um borgina, myrkrid er ad skella a, vid erum ad fara ad borda fondu med heimabokudu brodi sem desmond bakadi.

Eg er ad adlagast timabreytingum, sem er gott. Og er meira ad segja farid ad langa aftur ad byrja a ritgerdinni, sem er otrulegur andskoti!.

Thad er fjor i Ameriku, bestu kvedjur til ykkar allra. Ps. Idunn fer til Kubu a morgun, goda ferd gamla,, a Kubu ma ekki minnast i Bandarikjunum.

Jæja, á morgun segi ég: "Ég fer til útlanda á morgun". Þetta verður nú meira ævintýrið, eitthvað fólk nær í mig á flugvöllinn í Minneapolis, eða frændfólk Karenar ef hún er ekki komin. En seinast þegar hún fór yfir landamærin frá Canada til USA, þá var mikið vesen með tollarana. Enda fundu þeir kúbanska vindla í bílnum hennar, og þá var ekki fjör og gaman.

Hún heldur að það gætu orðið vandræði því þeir tóku niður nafnið hennar, ja! er þetta ekki skrítið allt saman.

Sólin er alveg brjáluð, ég er hress, mikið að gera. Er núna á Þjóðarbókhlöðunni með Gúggí systur, að kenna henni á tölvunar hérna.

Jæja best að halda áfram að ráðast á gera listann.

Komin suður aftur, mikið er nú samt betra að vera fyrir norðan. Bónaði og lagaði ryðið í gamla rauð, með hjálp Fannars.

Bílinn er eins og nýr, 14 ára gamli jálkurinn minn, sem ég ætla að selja. Hér með auglýsist það að Toyota Hillux Extra Cab árgerð 1991, keyrður 172. þúsund er til sölu. Hann er rauður, á 35 tommu dekkjum. Með læsingar að aftan, loftdælu sem er hið mesta þarfaþing. Búið er að gera við lakk og aðra ágalla, hann er bensín með minni vélina. Geislaspilari fylgir einnig. Bílnum fylgja tveir dekkjagangar bæði sumar og vetrardekk, á felgum. Gamli rauður kostar 600 þúsund.

Hvar fær maður ódýr prenthylki? Allt of dýrt að kaupa þetta í búðinni heima á Blönduósi.

Framsóknarflokkurinn er að Illugaskottu mati með hræðilega stefnu fyrir fólkið í landinu. Einkavæðing og evrópusambandið!!!,,,hvað er þessi flokkur að hugsa? Fólk úti á landi er farið að hatast við stefnu flokksins, enda ekki að furða.

Menn heima fyrir norðan eru hræddir við einkavæðingu, að þeir missi vinnuna og að þjónustan minnki við fólkið, því það eina sem fyrirtæki gangi út á sé að græða en ekki þjónusta. Þar sem er léleg símaþjóunusta úti í útnára,,mun hún eithvað skána við einkavæðingu?

Nóg að gera, eiginlega brjálað. Kv Björkin og Illugaskotta, sem togast á um það hver muni ráða. Hummm,,er ég kleifhugi?

Á morgun fer ég norður, þá verður gaman. Núna er ekki gaman, þótt ég spyrji allan daginn út og inn, hvort það sé ekki fjör? og hvort það sé ekki gaman?, þá er ég að grínast og hæðast af þessum fjörorðum.

Það er vor úti, þokan er eitthvað að glenna sig. Mér líður eins og ég sé að fara til tannlæknis, en ég er að fara á fund.

Í gær fór ég með Röggu að labba í Heiðmörk, fundum stíg við vatn, svo fundum við hlið, auðvitað verður maður að sjá hvað er bakvið hlið og við enda á götum. Þarna voru há tré og langur stígur, merkilegt. Svo rákumst við á eldgamallt hús með fallegri styttu fyrir utan.

Álftirnar eru hressar í þessu veðri, líka gæsir og smáfuglar. Nú er eitthvað annað að éta en frosið úti allt.

Horfði á myndina "The Corporation" í gærkveldi, þessi mynd sýnir fram á að stórfyrirtækin í heiminum, stjórna, misnota og græða á öllu því sem skiptir máli, en þeim er sama þótt þeir misnoti börn, fátækt fólk og náttúruna. Svo lengi sem þeir græða, græða og græða. Einkageirinn græðir, með því að einkavæða allt tapar fólkið en fyrirtækin græða.

Ég er á móti þessari einkavæðingu alls staðar, eitthvað má vera í eigu ríkisins, því þá hefur fólk einhver völd á það sem gert verður. En með einkavæðingu fer allt á hendur fárra og fólkið missir völd til að segja eitthvað, eða bæta hlutina.

Það er komin tími til að skipta um ríkisstjórn, það er komið nóg af lélegri stjórnun þessa magnaða lands og á kröftugri þjóð. Það þarf að leyfa fólkinu að spreyta sig meira, það þarf að sýna meiri áhuga á menntun barna, að fjölskyldufólk geti verið meira heima með börnin, því þau eru framtíðin. Fyrirtæki eru ekki framtíðin eða stjóriðjan eins og ríkisstjórnin virðist trúa.

Það þarf meiri nýsköpun úti á landi, virkjun á menningararfi og góðri menntun er alveg nauðsynleg. Ungt fólk með alls kyns menntun getur ekki spreytt sig, því það eru ekki störf fyrir það. Menntunin nýtist í eitthvað allt annað en hún gagnast best í. Unga fólkið fer ekki aftur heim úr Reykjavík, kraftar þess koma ekki til baka í heimahaganna. Með nýsköpun úti á landi væri hægt að virkja krafta heimamanna og unga fólksins saman sem er að flytja aftur heim. Nýta staðbundna þekkingu til að sýna fram á það sérstaka og einstaka sem prýðir hvert hérað og sýslu hér á landi.

Lífið er ekki Reykjavík eða sumarbústaðir um helgar, lífið er um allt land. Þjónusta við fólk úti á landi er skammarlega slæm.

Það er vor, vor, vor úti. Kv frá Illugaskottu, sem er eitthvað pólitísk þessa daganna.

Ég fór fram úr mér í brjálæðis pirrings kastinu þarna á laugardagsfærslunni, það er rétt. Maður á ekkert að bera á torg hvað hausinn er orðin brjál og sálin er orðin skál. En jú, þetta er orðið fjandi langt og erfitt ferli.

Þegar ég tala við annað fólk sem hefur verið að skrifa M.A ritgerð í umhverfisfræðum, þá hefur enginn orðið fyrir eins stífum kröfum og ég. Humm,,það leiðir hugann að því hvað sé að gerast með mig og mitt verk. Stórt verk og ég ræðst aldrei á garðinn þar sem hann er lægstur. Hugmynd minni verð ég að koma á framfæri, ég má ekki hætta við og gefast upp, þá er næsti kostur sem er að fara í frí.

Koma hress og spræk aftur að verkinu og sýna vandvirkni 100% og skilning á efninu 100%, mig vantar að ná utan um megin hugmyndina, að ég nái utan um hana og geti komið henni frá mér á skiljanlegan máta fyrir lesendur verksins og hlustendur varnarinnar hjá mér er megin málið.

Mig vantar tröppur frá jörðinni upp á himinhvolfið, ég þarf að færa náttúrutúlkunar kaflann fremst en ekki hafa hann næst fremst, ég þarf að taka myndirnar út, þær mun ég bara nota á kynningum, og ég þarf að laga hvernig ég nota óbeinar heimildir, allt og sumt og jú, ég þarf einnig að búa til stuttann kafla hvernig ég ætla að segja fólki frá náttúrunni út frá þessum fornu útskýringum, þannig að allir hafi gaman af og skilji það sem um er rætt....Allt og sumt, en heilinn og ég erum orðin þreytt.

Þokan liggur yfir eins og rosalega þykkur feldur á ísbirni. Ég er ísbjörn urrrr,,,ekki hrafn.

Er að byrja aftur, ég gefst aldrei upp. Takk fyrir peppið. það er þoka úti, ég er fúlegg.

Annað er það í fréttum að Illugaskotta og einnig leiðbeinandinn hafa fundið fleiri ritstulda frá henni, í ritgerðinni. Það er ógnar pirrandi að hafa gert aðra eins hluti, hér og þar. En þetta er bara úr íslensku heimildunum, þar hef ég umorðað, en ekki nóg. Þetta er ekki gert með ráðnum hug, svona vinnar þreyttir hugar. Þar næsta fimmtudag verð ég í flugvél til Ameríku.

Er einnig að laga annað, ég segi eins og er. Þetta virðist enga endi taka, og lífið verður undarlegt ef þetta tekur einhvern endi, mikið væri ég til í að vera núna úti á sjó að draga ýsu og þorsk í soðið.

Svona er nú það, ótrúlegt fjör, gaman og hlátur. Ætla til ömmu í kvöld og elda ýsu úr frystinum þar, ætli ýsur vaxi í frystum?

Illugaskotta er búin að fá nóg, hún er hætt að skrifa ritgerð, enda má það allt fara til fjandans og lengra en til helvítis ef það er til. Það er komið nóg, þetta er aldrei nógu gott hjá mér, of mikið eða of lítið, þarf að skerpa, stytta og bæta við einum kafla. Nei, nú laga ég það sem þarf, svo er ég farin til Canödu 3. mars. Tek lufsuna með mér þangað, vinn eitthvað í henni þar, en sem minnst TAKK!

Það er ekki um neitt annað að ræða, ef ég fer ekki út þá lendi ég í húsinu með rauða þakið sem er staðsett við sundin blá hér í Reykjavík.

Ég held ég útskrifist aldrei og ætla bara að hafa það þannig, að hitt gerist er svo fjarlægt mínum litla og illa starfandi heila að hann heilinn nær ekki og vil ekki spá í það lengur.

Ég hitti ekki neinn, ég hugsa allan daginn um ritgerð, ég geri ekki neitt, ég geri allan daginn ritgerð, ég hugsa ekki um neitt skemmtilegt, ég hugsa allan daginn um hvað akademónum finnist um þetta eða hitt, hvort þetta sé ekki flott, hvort þetta sé nóg, nei það þarf meira, nei það þarf að henda því út, nei þetta er undarlegt að ég hafi skrifað þetta, ekkert flæði...djöfullegt í alla staði að vera svona heimsk,,,,

ég er FÁVITI OG ÞETTA ER LÉLEGASTA RITGERÐ Í HEIMINUM!!!!!!!!!!!! Svona líður Illugaskottu, svo hef ég unnið illa með texta en lagaði það allt í gærkveldi í stress og pirrkasti. Þegar Illugaskotta vaknaði í morgun, vildi hún ekki tala, aldrei að tala meir. Fór í göngutúr og þá komst ég í gang að sjá sjó og fugla, þeir skipta máli. Ekki ritgerð, hún er fífl.

Dreif mig svo í bíltúr austur á Hvolsvöll, það var gaman enda eru sveitir bestar.

Ein stærsti galli Illugaskottu er fljótfærni og tillitsleysi. Veit af þessum göllum en þeir æða upp eins og verstu draugar oft á dag, viku og á hverju einasta ári.

Framdi glæp í ritgerðinni, er farin að stunda ritstuld án þess að roðna, það var óvart, mun laga það og fara yfir allt verkið, þetta var og er ægilegt að sjá.

Er að fara að hlusta á Guðrúnu Jóhannesdóttur tala um sitt lokaverkefni klukkan 15:15 og mun vinna í ritgerðinni á meðan, hlusta og vinna...vil alltaf gera tvenna í einu, helst fimmt. Hún er að spá í Kötlu gömlu,,,það verður áhugavert að sjá og hlusta á.

Góð íslenska það. Vorið er æðandi, ég finn fyrir því í nefinu...merkilegt.

Kveðja Björkin.

Allt gengur samkvæmt skipulagsleysi Illugaskottu. Allt er á áætlun, get svo svarið fyrir það, að það er satt. Jamm og já, mun tala við krakkana í Gimli grunnskólanum 17. mars um þjóðtrú og þjóðsögur. Síðan um kvöldið mun vera kvöldvaka í Icelandic Heritage Museum, þar sem Illugaskotta mun tala um jamm svei mér þá,,,veit það ekki alveg. Spila eftir eyranu í stuði á ensku. Búin að fá lánaðan tilbera mér til halds og trausts, vonandi taka tollararnir hann ekki af mér í Bandaríkjunum.

Nenni ekki að tjá mig um fundinn, hann var bara allt í lagi, ég þarf núna að stytta, afmarka, tengja betur og bæta við hagnýtingu verkefnisins fyrir náttúrutúlkun. Þetta þýðir að Skotta rotta verður að rottast í þessari ritgerð úti í Kanödu, en ekki mikið, nei og svei.

Vor í lofti, er svöng, þarf að ná í bækur í Tæknigarð, svo að hitta ömmu, svo heim að lesa, mun éta steiktan steinbít í kvöld og halda áfram að lesa. Steinbítur og þarna munnljóti gaurinn hinn, þarna já Skötuselur eru í miklu uppáhaldi þegar á að éta þessi grey, hjá mér.

Seinustu nóttina mína á Hnappavöllum, áttu sér stað undur og stórmerki. Illugaskotta var viss um að Þorgeirsboli sjálfur væri sloppinn út og farin að elta hana, vegna furðulegs fnæs og dæs við gluggann hennar einhvern tíma um miðja nótt. Hún ákvað að þetta væri rugl og datt aftur inn í draumaheiminn. En hins vegar þegar Hnappavallabóndinn var að teygja sig og sína skanka um morguninn og horfa yfir sveitina sína fögru úr aðaldyrunum, þá rekur hann augun í tuddana sína sem höfðu víst brotist út úr fjósinu um nóttina. Þeir dönsuðu kátir um brekkur og grundir, en fengu fljótt að fara á sinn stað.

Nú hendist Illugaskotta upp um bókahillur og rekka í Þjóðarbókhlöðunni, í leit að alls kyns þjóðsagnaverum sem hinir ýmsu listamenn hafa fangað á pappír. Þessar verur eiga að fylgja mér til Canödu, svo hægt sé að sýna þær ungum jafnt sem öldnum þar á bæ. Ég er að setja þær á glærur.

Fór í morgunkaffi á Kaffi eitthvað, rakst þar á Skúla Gauta, það var gaman, ásamt því að hitta fleira gott fólk. Margt liggur fyrir í dag, þessi geralisti er eins og gormur sem lengist og styttist eftir því hve mikið hangir í honum.

Það er best að vera í sveit. Bestu kveðjur frá Illugaskottu.

Nú er dvöl Illugaskottu á Hnappavöllum senn á enda, það er búið að vera endurnærandi fyrir orkulausan og draugfúlann draug að staldra hér við í nokkra daga. Smjörgerðin í gær tókst vel og mikið er það sniðugt að geta búið til sitt eigið smjör og rjóma. Næst þegar ég kem verður búið til skyr, hundrað gerðir af því!

Við skruppum í heimsókn í gær að Kvískerjum, þar er ætíð gaman og fræðandi að koma. Sigurður og Helgi voru heima, en Hálfdán hafði brugðið sér suður á Suðurnesin til að skoða fugla. Þeir sögðu okkur t.d. frá fjárborg sem þeir hefðu rekist á fyrir um það bil fjórum árum, sem er öll niðurgrafin og ævaforn, rætt var um Skeiðarárhlaup á 19. og 20. öld, og margt fleira sem tengist náttúrunni og sögu á einn eða annan hátt. Síðan var haldið heim á leið.

Í dag er víst Valentíusardagur, hver var þessi Valentíus?

Takk fyrir mig Siggi á Hnappavöllum, þetta var snilld.

Núna kraumar hryggurinn í ofninum,,,umm...Illugaskotta er búin að vera frekar fjörug í eldhúsinu, bakaði í gær tvær eplakökur og já bjó til undanrennu og rjóma í skilvindu, og ætla að búa til smjör í dag, ásamt því að logsjóða og rafsjóða. Þetta eru hlutir sem allir þjóðfræðingar ættu að kunna. Rjóminn er með þeim þykkari sem ég hef séð, eiginlega er hægt að moka honum upp með skeið..hvernig mun hann lýta út á rjómatertu? Gríðarlega flott og sniðugt allt saman.

Skellti mér einnig á rúntinum með Hnappavallabóndanum á Willys árgerð 1965 í gær, það er sniðugur bíll.

Jæja verð að fara að setja kartöflur í pott og svo gera eitthvað skemmtilegt eftir átið á sunnudagssteikinni.

"Gengið á reka" er skemmtileg bók eftir Kristján Eldjárn sem kom út árið 1948, þar skrifar hann um nokkra fornleifafundi, með þeirri aðferð að láta fólkið sem átti hlutin eða hlutina lifna við,,galdrakarl var hann líklega hann Kristján Eldjárn. Hef áður lesið bók eftir hann, sem ég man ekki hvað heitir í augnablikinu, en þar fékk Illugaskotta ógnar áhuga á þríblaðanælum og hvert skipti sem ég sé þær á söfnum erlendis man ég söguna á bakvið þær, sem enn og aftur gerir þær áhugaverðari.

Í gær var brunað alla leið austur í Lón. Fjalla- og jöklasýn var ægifögur, hreindýr hoppuðu um grundir og fáir aðrir voru á ferli. Komum einnig við á byggðarsafninu á Höfn, þar eru hlutir sem prýða flest byggðarsöfn, en inn á milli liggja fjársjóðir. Þarna fann ég forláta beisli, sem er líklega frá 16. eða 17. öld og er það ægilega fallega skreytt. Einnig voru þarna fallegir náttúrugripir og ljósmóðurtöskur. Illugaskotta veltir oft fyrir sér afhverju hinar ýmsu iðngreinar eins og t.d. hnakkasmiðir og gullsmiðir sæki sér ekki hugmyndir á byggðarsöfnin.

Birtan á leiðinni heim var sérstök, svona jöklabirta þegar húmið er að síga yfir. Veit varla hvað bók ég á að lesa, þannig að ég er núna að lesa þrjár. Skaftárelda, Gengið á reka, og Bókmenntasögu I...hún er hundleiðinleg..en verð að lesa þetta til að skilja allt sem ég hef verið að skrifa um betur.

Í dag er skemmudagur, enda þarf rauður á smá upplyftingu að halda.

Núna er Illugaskotta stödd á Hnappavöllum í Öræfasveit, eða sveitinni milli sanda. Í gær þegar ég keyrði í gegnum Eldhraunið þá upplifði ég landslagið á annan hátt vegna bókarinnar Skaftáreldar, sem er eftir Jón Trausta. Ég reyndi að hugsa um hvað allt fólkið hafði verið að gera árið 1783 á meðan hraunið ólgaði og flæddi um sveitina sem eitt sinn var græn og öll í blóma. Persónur bókarinnar skutust fram úr hrauninu hér og þar á meðan ég og gamli rauður skriðum hægt í gegnum þessar ógnar myndir.

Hvílíka hraunið, það er satt og magnað að landslag verður einhvern vegin lifandi á annan hátt þegar maður er búin að lesa sögur sem tengjast því, eða ljóð. Landið okkar er magnað, Lakagígar voru og eru ógnar mikið og merkilegt fyrirbæri. Sem eiga skilið að fólk viti meir um þá, uppbyggingu vantar algjörlega í kringum þessa miklu sögu, sögu einna mestu jarðelda sem um getur. Einnig um sögu fólksins, sem margt hvert hélt að það hafði gert eitthvað af sér og þess vegna væri guð að refsa því.

Náttúran ræður sér sjálf, sem betur fer, þótt mannverurnar smáu vilji stjórna henni og beisla. Það vantar að fólk beri virðingu fyrir henni og átti sig á að hún er sterkari en við. Þokan ein og sér getur komið manni til að missa áttirnar, hvað þá? Eða regnið og vindurinn getur gert okkur svo köld að við getum orðið úti.

Eldur, vatn, jörð og loft, við getum ekki lifað án þessara frumefna og annað, þau geta líka öll drepið okkur. Ægilega er ég nú eitthvað að spá, en bara verð að koma þessum hugsunum frá mér.

Núna er sólin að glenna sig, ég hef algjörlega slakað á, ligg bara fyrir framan sjónvarpið í einni fegurstu sveit landsins, hvaða, hvaða...jamm og já. Ég verð dugleg á morgun. Í sveit er ekki klukka, þar er birta og myrkur. Nú ætla ég í göngutúr, svo ætla ég að fara inn og lesa meira um Skaftárelda, einnig um goðsögur, dróttkvæði og eddukvæði.

"Forn-Grikkir voru heillaðir af breytingu, hreyfingu og margbreytileika náttúrunnar. Laufblað verður til, en fölnar svo og eyðist. Allt virðist breytingum háð. Þeir vildu vita hvort eitthvað lægi að baki þessum breytileika".

Tók þetta upp úr bókinni Vísindabyltingin og rætur hennar í fornöld og á miðöldum sem kom út 2004, höfundur hennar er Andri Steinþór Björnsson. Svona er nú gaman að skoða bækur og spá í hvað aðrir hafa skrifað, túlkað og haldið fram.

Tók daginn snemma eftir að hafa grúskað og legið yfir barninu, langt fram á nótt, barnið sem mun líklega aldrei fæðast, er komið með nafn, en móðir þess er ógnar skrímsli og óhemja sem á erfitt með að sinna því sem skyldi,,móðirin hefur ekki alveg skilið þarfir þessa barns, sem eitt sinn var ofurlítið hugarfóstur í Illugaskottu illgjörnu. Jæja,,það er ferskur vindur úti,,allt gengur bara eins og það gengur. Gangi ykkur sem allra best með ykkar störf í dag, lesendur góðir.

Mæja jarðarber, er sá karakter sem Lára vinkona leikur í leikritinu Ávaxtakörfunni. Illugaskottu hlakkar til að sjá þetta sniðuga leikrit, einhvern tíma í febrúar.

Rok, rigning og grámyglan í algleymi. Man ekki hvenær allt var fyndið seinast eða sniðugt, bráðum kemur að því. Ræddi við eina vinkonu mína lengi í pottunum í Vesturbæjarlauginni í seinustu viku. Við vorum að ræða tengslanetið mikila sem nauðsynlegt er að hafa í kringum sig. Fólk sem hægt er að treysta, er ekki á hverju strái.

Illugaskotta hefur mikið verið að hugsa upp á síðkastið hvert allt stefni.

Föstudagur til fjár. Fjárinn. Fjársins. Æ...Árnastofnun þar er margt um áhugaverðar bækur. Fjölskyldan hittist í gær hjá Begga frænda, það var fínt. Það kólnar það er gott og allt heldur áfram.

Tek lýsi það er ágætt þótt það sé vont bragð af því, undarlegt. Borðaði tvær bollur í gær ummmmmm,,,og bráðum kemur sprengidagur...og allir þessir dagar.

Andleysið er mig lifandi að drepa samt neita ég að gefast upp, stoppa og allt það kjaftæði.

Sit hér í Tæknigarði, matarfnykurinn er einum of hérna og þess vegna hef ég opnað hér glugga og það er stormur í tölvuverinu! jibbí,,aðeins að koma súrefni inn í þetta hús, það er mitt hlutverk, hef tekið mér það hátíðlega í hönd.

Jæja best að halda öllu áfram. Mamma er í aðgerð í dag, vona að það gangi allt sem best. Bestu kv frá Illugaskottu.

Áfram Framsókn! Áfram Framsókn,,þið eruð á góðri leið á góðan stað!

Bestu kveðjur frá Illugaskottu sem hló eins og andskotinn sjálfur við morgunfréttirnar. Í dag sofa spaðarnir og hjörtun liggja andvaka,,eða hvernig var þetta sagt?

Illugaskotta er að drattast áfram í sínu, allt er ágætt. Bráðum verður allt betra en ágætt.

Listaverkið er enn þá bilað???? Listaverkið í nýja sal Alþingis er búið að vera bilað í um það bil eitt ár, það er hneyksli. Sem sagt þetta listaverk virkar þannig að ef maður leggur eyrað upp að því þá er hægt að heyra í rödd, sem hvíslar í eyrað á manni alls kyns setningum úr ljóðum og sönglögum. Nei það er bilað. Þegar Illugaskotta kemur aftur eftir ár til að heyra og sjá listaverkið þá verður það mjög líklega áfram bilað.

Rigning, hef haldið mig frá tölvu í nokkurn tíma. Humm,,,,enginn stoppar tímans þunga nið.